1 CORINTIOS 6:17 - Nuevo Testamento en Quichua Cañar 1996

¹⁷ Shinallatac maijanpish Apunchic Jesushuan shuc shinalla tucushpaca, paihuanmi shuc espiritulla tucun.

Dios Rimashcata Quillcashcami

¹⁷ Maijanpish Apunchic Jesus-huan shuc shinalla tucushpaca, paihuanmi shuc espiritulla tucun.

1 CORINTIOS 6:17 ပူးပေါင်းရင်းမြစ်များ

SAN JUAN 3:6

Aichayuc, tulluyucmanta huacharicca, aichayuc tulluyucllatacmi. Ashtahuanpish Diospac Espiritumanta huacharicca, Diospac Espiritutami charin.

ROMANOS 8:9

Cancunapica Diospac Espiritumi causacun. Chaimantami cai pacha jucha munashca shinaca mana causacunguichic, ashtahuanpish Diospac Espíritu yuyaita cushca shina causacunguichic. Maijanpish Cristopac Espirituta mana charicca, mana Cristopacchu.

1 CORINTIOS 12:13

Chashna shuclla cuerpo tucungapacmi, tucui ñucanchicca israel*f** cashpa, mana israel cashpa, amopacta ruhuac cashpa, mana amopacta ruhuac cashpapish, Taita Diospac shuclla Espirituhuan bautizarishca canchic. Shinallatac Taita Diosca chai Espiritullatatacmi yacuta ubiachic shina, ñucanchicmanca curca.

1 CORINTIOS 6:15

Cancunapac cuerpoca Cristopac cuerpo parte cashcataca, ¿manachu yachanguichic? ¿Cristopac cuerpo parte cashca jahuachu, huaclliric huarmipac cuerpo parte casha? ¡Chaitaca mana yuyanallapish canchicchu!

GÁLATAS 2:20

Ñucaca Jesucristohuanmi chacatashca shina cani. Chaimantami ña mana ñucalla causacuni, ashtahuanpish Cristomi ñucapica causacun. Shinallatac cunanca Diospac Churita crishcamantami causani. Paica ñucata c'uyashpami, ñucamanta huañurca.

EFESIOS 5:30

Tandanacushca criccunaca Jesucristopac cuerpo shinami. Chaimanta ñucanchicpish Jesucristopac cuerpo shinallami canchic.

FILIPENSES 2:5

Jesucristo ima shinami causarca, shinallatac cancunapish causaichic: