1 CORINTIOS 6:1 - Nuevo Testamento en Quichua Cañar 1996

¹ Cancunapurapi maijan p'iñanacucpica, Diospaclla cac criccuna allichichun ninapac randica, ¿ima nishpatac mana cric juezcunapacman allichichun nishpa ringuichicyari?

Dios Rimashcata Quillcashcami

¹ Cancunapurapi maijan piñanacucpica, Diospaclla cac criccuna allichichun ninapac randica, ¿ima nishpatac mana cric juezcunapacman allichichun nishpa ringuichicyari?

1 CORINTIOS 6:1 ပူးပေါင်းရင်းမြစ်များ

SAN MATEO 5:45

Chashna cashpami, cancunaca jahua pachapi cac Taita Diospac huahuacuna canguichic. Paica allicunaman, mana allicunaman, shinallatac paita cazuccunaman, mana cazuccunamanpish intitapish, tamiatapish cachanllami.

HECHOS 19:38

Demetrio runatapish, paipacta ruhuaccunatapish pi p'iñachicpica, mandaccunapish, juezcunapish chaipacmi tiyan. Chaipi ñahui ñahui imatapish juchanchina cacpica, juchanchinacugrichic.

1 CORINTIOS 1:2

Corinto pueblopi Diospaclla cac tandanacushca criccunamanmi, cai quillcataca quillcanchic. Cancunaca Jesucristohuan shuc shinalla tucushcamanta Diospaclla tucushpa, maipipish Apunchic Jesucristoman tucui mañaccunahuan pacta, pai Diospaclla cachun acllashpa c'ayashcacunami canguichic. Apunchic Jesucristoca tucui paicunapacpish, ñucanchicpacpish Mandacmi.

1 CORINTIOS 14:33

Taita Diosca maipish cachun ruhuachunca mana munanchu. Paica sumac causaita cuc Diosmi. Diospaclla cac tandanacushca criccuna imata ruhuac cashca shinallatacmi,

1 CORINTIOS 16:1

Diospaclla cac criccunaman cachangapac cullquita tandachingapacca, Galacia llactapi cac criccunaman ñuca yachachishca shina, cancunapish ruhuana canguichic.

1 CORINTIOS 16:15

C'uyashca criccuna, Acaya llactapi quishpirinamanta alli huillaita huillacpica, Estéfanas paipac familiandic punta cric tucushcataca cancunallatac yachanguichicmi. Paicunami shuctac criccunataca servina yuyailla causancuna.

1 CORINTIOS 5:12

Mana criccunataca ñucaca imata mana juchanchina canichu. Paicunataca Taita Diosmi taripashpa juchanchinga. Ashtahuanpish criccunapurapi ima tiyashcataca cancunallatac taripaichic. Shina taripashpaca, cancunapuramanta chai mana allita ruhuactaca anchuchichic.

1 CORINTIOS 6:5

Cancuna pingaita charichunmi, chashnaca nini. Criccunapurapi imapish p'iñanacuicuna tiyacta ricushpa allichichunca, ¿manachu cancunapurapi maijan shucllapish tiyan, imatacyari?