1 CORINTIOS 5:9 - Nuevo Testamento en Quichua Cañar 1996

⁹ Utcaman ñuca quillcashpaca: “Maijanpish huaclliriccunahuanca ama tandanacunguichicchu” nircanimi.

Dios Rimashcata Quillcashcami

⁹ Utcamanmi maijanpish huaclliriccunahuanca ama tandanacunguichicchu nishpa quillcarcani.

1 CORINTIOS 5:9 ပူးပေါင်းရင်းမြစ်များ

1 CORINTIOS 5:10

Chai shina nishpaca, tucui cai pachapi causac huaclliriccunahuan, imatapish charinallata munaccunahuan, shuhuaccunahuan shinallatac ruhuashcalla dioscunata adoraccunahuan amatac tandaringuichicchu nishpaca, mana nisha nircanichu. Chashna paicunahuan mana tandarinacuna cacpica, cai pachamanta llucshinami cancunamanca alli canman.

1 CORINTIOS 5:2

¿Cancunaca chai shina cashca jahuachu jatun tucunguichic? ¡Chaipac randica, tucui shungumantamari llaquirina canguichic! Pipish chai shina huacllirictaca, cancunapuramanta llucchishpami cachana canguichic.

1 CORINTIOS 5:7

Chashna cashcamanta cancunaca pascua*f** punzhapi levadura illac, cunanlla ruhuashca tanda shina cangapacmi, imapac mana alli levadurata shitac shina, mana alli causaita saquina canguichic. Chashna cachunmi, pascua punzhapi Taita Diosman cushpa, pactalla ovejata*f** huañuchishca shina Apunchic Jesucristoca ñucanchicmanta huañurca.

2 CORINTIOS 6:14

Cancunaca mana criccunahuanca yugushca shinaca, ama tandanacuichicchu. Cashcata ruhuacca mana allita ruhuaccunahuanca, ¡maitatac apanacungayari! Shinallatac luzpish amsahuanca, ¡maitatac tandanacungayari!

2 CORINTIOS 6:17

Shina cashcamantami Mandac Diosca: “Paicunapuramanta llucshichic. Paicunamanta ch'icanyarichic. Ima millana mapayachic-huanca ama chapurichicchu. Shina cacpica ñucaca chasquishami” ninmi.

EFESIOS 5:11

Amsapi causac, yangalla mana allita ruhuaccuna shina ama causaichicchu. Chaipac randica chashna ruhuaccunataca “mana allichu” nishpa rimashpami, achicman llucchina canguichic.

2 TESALONICENSES 3:14

Maijanpish cai quillcapi nishcata mana cazucta ricushpaca, pai pingachunmi “caica mana allichu” nishpa, paihuanca mana tandanacuna canguichic.

2 TESALONICENSES 3:6

C'uyashca criccuna, Apunchic Jesuspac shutipimi ñucanchic yachachishcata mana cazushpa, mana trabajasha nishpa puric criccunahuanca ama tandarichun ninchic.