1 CORINTIOS 4:5 - Nuevo Testamento en Quichua Cañar 1996

⁵ Shinashpaca maijanta juchanchina cacpipish, Apunchic Jesús cutimungacaman amarac imata juchanchinguichicchu. Paimi amsapi imalla pacashcacunatapish, shungu imata yuyashcatapish punzhapi shina tucui ricuchinga. Shina cacpimi, Taita Diosca quiquin imata ruhuashcata ricushpa alli ninga.

Dios Rimashcata Quillcashcami

⁵ Shina cacpica manarac juchanchina punzha chayamucpi, ama juchanchichicchu. Apunchic Jesús cutimunata shuyaichic. Paimi amsapi pacashcacunatapish, shungu imata yuyashcatapish achicpi shina ricuchinga. Shina ruhuacpimi, Diosca cada quiquin imata ruhuashcata ricushpa alli ninga.

1 CORINTIOS 4:5 ပူးပေါင်းရင်းမြစ်များ

SAN MATEO 10:26

Gentecuna llaquichigricushcata yachashpapish, mana manchanachu canguichic. Ima pacalla ruhuashcapish, mana pacalla saquiringachu. Imata pacalla ruhuashcapish, tucuimi ricuringa.

SAN MATEO 24:30

Chashna tucucpica, Runa Tucungapac shamushca*f** ñuca cutimunata ricuchic señaltami, jahua cielopi ricungacuna. Chaita ricushpaca, tucui cai pachapi causaccunami munai mancharishpa huacangacuna. Chashnami Runa Tucungapac shamushca ñucataca, imatapish ruhuaclla Taita Diospac sumaimana achiclla cashcahuan p'uyupi shamucucta ricungacuna.

SAN MATEO 24:46

Chashna tucui mandashcata pactachicucpi amo shamushpa tuparicpica, ¡chai servicmanca mai cushicuimi canga!

SAN MATEO 25:21

Chashna nicpi amoca: ‘Canca allitami ruhuashcangui. Ñucapacta alli yuyaihuan, allita ruhuacmi cangui. Ashallapipish allita ruhuashcamantaca, achcatami canmanca mingasha. Cunanca ñucahuan cushicungapac ucuman yaicui’ nirca.

SAN MATEO 25:23

Chashna nicpi amoca: ‘Canca allitami ruhuashcangui. Ñucapacta alli yuyaihuan, allita ruhuacmi cangui. Ashallapipish allita ruhuashcamantaca, achcatami canmanca cusha. Cunanca ñucahuan cushicungapac ucuman yaicui’ nirca.

SAN LUCAS 6:37

Ama shuccunata mana alli nishpa juchanchichicchu. Shina mana juchanchicpimi, Taita Diospish cancunataca mana juchanchinga. Pitapish llaquiman cachangapacca ama juchanchichicchu. Shina mana juchanchicpimi, Taita Diospish cancunataca juchanchishpa, jatun llaquiman mana cachanga. Imatapish mana allita ruhuashcataca perdonanami canguichic. Chashna ruhuacpimi, Taita Diospish cancunapac juchacunataca perdonanga.

SAN JUAN 21:22

Chashna tapucpi Jesusca: —Ñuca cutimungacaman paita causacuchunlla nicpipish, ¿canmanca imatac curinyari? Ashtahuanpish canca ñucata c'atilla— nirca.

SAN JUAN 21:23

Chaimantami Jesusta c'aticcunapurapica: “Chai yachacucca jaicapi mana huañungachu” nishpa parlanacui tiyarca. Jesusca mana chai yachacuc huañunamantachu nicurca, ashtahuanpish: “Ñuca cutimungacaman paita causacuchunlla nicpipish, ¿canmanca imatac curinyari?” nishcami carca.

SAN JUAN 5:44

Cancunaca caishuc chaishuc alli ninacunallatami munanguichic, ashtahuanpish shuclla Taita Diospac alli nishca canataca mana munanguichicchu. Shina cashpaca, ¿ima shinatac ñucataca cringuichicyari?

ROMANOS 14:4

Shina cacpica, ¿ima nishpatac canca shucpac servictaca juchanchishpa rimangui? Alli cachun, mana alli cachunpish paipac amollatacmi imatapish ninga. Apunchic Jesús imatapish ruhuaclla cashcamanta paita huacaichicpimi, alli nishca canga.

ROMANOS 2:1

Chaimanta can cashpapish, pi cashpapish shuccunata juchanchishpaca, mana perdonashcachu cangui. Shinallatac shuccunata juchanchishpaca, canllatacmi llaquichingapac nishca cangui. Canpish paicuna shinallatacmi ruhuacungui.

ROMANOS 2:16

Alli huillaita ñuca huillashca shina, tucui gentecuna pacalla ruhuashcata Taita Dios Jesucristomanta taripai punzhapimi chashnaca ricuringa.

ROMANOS 2:29

Israeltac canaca mana gentecunapac ricuillapichu, ashtahuanpish ucu yuyaimantami israel cana. Shinallatac circuncisionta ruhuashcapish shungumantami cana. Chai yuyaica mana imata ruhuachun nishpa quillcashcamantachu, ashtahuanpish Diospac Espiritumantami shamun. Chashna caccunataca mana gentecunachu alli nin, ashtahuanpish Taita Diosmi alli nin.

ROMANOS 2:7

Maijanpish Taita Diospac alli nishca cangaraicu, huiñai causaita japingaraicu allita ruhuashpa causaccunamanca Taita Diosca huiñai causaitami cunga.

1 CORINTIOS 1:7

Chai shina cacpimi, Apunchic Jesucristo cutimunata cancuna shuyacuccunamanca, Taita Diosca imatapish paipacta ruhuachun ayudacunlla.

1 CORINTIOS 11:16

Tucui caicunamanta maijanpish mana uyasha nishpa rimasha nicca, caita entendichun: Ñucanchicpish, Diospaclla cac tandanacushca criccunapish, chashna shuctac layaman causana tiyashcataca mana yachanchicchu.

1 CORINTIOS 11:26

Chai shina tandata micushpa, vaso vinota ubiashpaca, Apunchic Jesús cutimungacamanmi pai huañushcata huillacunguichic.

1 CORINTIOS 15:23

Ima shina cana cashca shinami, tucuipac ñaupaca Cristorac causarirca. Chai q'uipaca Cristo cutimucpimi, tucui paipac caccunaca causaringa.

1 CORINTIOS 3:13

Shina cacpipish quiquin imahuan ruhuashca cashcataca, taripai punzhapimi Diosca ninahuan rupachishpa, ricungapac shamunga. Chai nina rupachicpimi, quiquin ima laya ruhuashcaca yacharinga.

1 CORINTIOS 3:14

Chai callarishca jahuapi imata ruhuashca ima mana tucucpica, paica allitami japinga.

1 CORINTIOS 3:8

Shina cashcamanta tarpucpish, parcucpish chai shinallatacmi canchic. Shina cacpipish quiquin imata ruhuashcata ricushpami, Taita Diosca cunga.

2 CORINTIOS 10:18

Maijanpish paillatac “allimi cani” nirishpa jatun tucuctaca, Taita Diosca mana alli ningachu, ashtahuanpish Taita Diosllatac paita alli nicpimi, paica alli nishca canga.

2 CORINTIOS 10:9

Cai ñuca cachashca quillcacunaca “ñucanchicta manchachingapacmi” nishpa ama yuyanguichicchu ninimi.

2 CORINTIOS 4:2

Dios rimashca shimitaca mana chagrushpami huillacunchic. Shinallatac pacallapi pinganayai ruhuanacunata saquishpami, pitapish mana umashpa purinchic. Chaipac randica Dios rimashca shimi mana llulla cashcata ricuchishpami, Diospac ñaupapi tucui mashna ñucanchic allita ruhuac cashcata ricuchun rimanchic.

2 CORINTIOS 5:10

Imalla ruhuashcata ñucanchic ricuchingapacca, tucuita taripac Cristopac ñaupapimi tucui mashna ricurigrina canchic. Chaipica cai aicha causaipi allita ruhuashcamanta, mana allita ruhuashcamantami japina cashcata japigrishun.

1 TESALONICENSES 5:2

Cancunallatac Apunchic Jesús shuc shuhua tuta shamuc shina, mana yuyashca horas cutimuna cashcataca, allimi yachanguichic.

HEBREOS 4:13

Taita Dios tucui ruhuashcacunaca paipac ñaupamantaca mana miticuipacmi. Tucui imapish paipac ñaupapica mana pacashcachu. Paimanmi ñucanchicca tucui imatapish huillana canchic.

SANTIAGO 4:11

C'uyashca criccuna, caishuc chaishuc imapish mana allitaca ama huashalla rimanacuichicchu. Maijanpish shuc cricta mana allichu nishpa rimashpa, mana cashpaca juchanchishpaca, Dios mandashcata mana cazushpami mana alli nishpa juchanchin. Mandashcata mana allichu nishpa mana cazushpaca, juez shinami tucungui.

SANTIAGO 5:7

C'uyashca criccuna, japina yuyaihuan Apunchic Jesús cutimungacaman shuyaichiclla. Allpapi tarpuc runaca sumac granota tandangapacca, japina yuyaihuanmi tamia punzha chayangacaman shuyacunlla.

SANTIAGO 5:9

C'uyashca criccuna, mana juchanchishca cangapacca, ama caishuc chaishuc imatapish juchanchinacuichicchu. Taripacca ña pungullapimi.

1 PEDRO 1:7

Cancuna crishcaca curi shinami. Curi alli cactaca ninapi rupachishpami ricun. Chai shinallatac cancuna alli crishcata ricungapacca, llaquicunaca japinami can. Shina llaquita apana cacpipish, mana chingaric crishcaca chingariclla curitapish ashtahuan yallimi can. Chai shina llaquichishca cashpapish crinata mana saquishpaca, Jesucristo ricuricpica, sumacyachishca, “allimi cangui” nishcami canguichic.

1 PEDRO 5:4

Chashna cashpami michiccunata Jatun Michic shamucpica, jaicapi mana chingaric, sumaimana coronata cancunaca japinguichic.

2 PEDRO 3:12

Taita Dios taripana punzha utca shamuchunca, ima shinapish Diospaclla causanata munashpa shuyacuichic. Chai punzhapica, jahua pachataca ninahuanmi tucuchinga. Shinallatac caipi tiyaccunataca ninallatacmi tucui yacuyachinga.

2 PEDRO 3:4

“¿Apunchic Jesús ‘cutin shamushami’ nishcaca maitacyari? Ñucanchic taitacunapish ña huañurcacunami. Cai pachata Dios ruhuashcamanta pacha, chai shinallatacmi c'aticun” ningacunami.

SAN JUDAS 1:14

Ñaupa taita Adanmanta Enoccamanca, canchis taitacunami cashca. Enocca Dios yuyaita cucpimi, chai yachachiccunamanta huillashpaca: “Mandac Diosca paipac huaranga huaranga angelcunahuan shamuctami ricurcani.

APOCALIPSIS 1:7

¡Cristoca ñallami p'uyupi shamunga! Paitaca tucuimi ricunga. Shinallatac paita chacatashpa huañuchiccunapish ricungami. Tucui cai pachapi causac gentecunapish ricushpaca, shungupi huactarishpami paimanta huacangacuna. ¡Chaica chashnatacmi canga! Chashna cachun.

APOCALIPSIS 20:12

Chaipica huañushcacunatami jatuncunatapish, uchillacunatapish mandashpa tiyarinapac ñaupapi shayacucta ricurcani. Shinallatac librocunapish pascashcami carca. Huiñaita causangapac quillcachina libropi quillcashcatapish pascashcatami ricurcani. Chai librocunapica chai huañushcacuna imata ruhuashcatami quillcashca carca. Chai librocuna nishca shinami taripashca carca.