1 CORINTIOS 4:19 - Nuevo Testamento en Quichua Cañar 1996

¹⁹ Ashtahuanpish Apunchic Jesús munacpica, utcami cancunata ricungapac risha. Chaipimi chai jatun tucushpa, “alli yachac cani” niccunataca mana shimillahuan nicushcata uyasha nini, ashtahuanpish imatapish ruhuac cashcatatac ricusha.

Dios Rimashcata Quillcashcami

¹⁹ Ashtahuanpish Apunchic Jesús munacpica, utcami cancunata ricungapac risha. Chaipimi chai jatun tucushcacuna mana shimillahuan nicushcata ashtahuanpish, imatapish ruhuac cashcata ricusha.

1 CORINTIOS 4:19 ပူးပေါင်းရင်းမြစ်များ

HECHOS 18:21

—Ñucaca pascua*f** punzhacunapica Jerusalenpimi cana cani. Taita Dios munacpica, cutinmi cancunata ricungapac cutimusha— nirca. Shinami: “Shuc punzhacaman” nishpa, barcopi tiyarishpa Efeso pueblomantaca rircalla.

HECHOS 19:21

Chai q'uipami, Pabloca Macedonia llactata, Acaya llactata rishpa, Jerusalenman rinata yuyacurca. Chaimantaca: “Roma*f** pueblomanpish rinami cani” nicurcami.

HECHOS 20:2

Chai llactapi causac tucui criccunata “alli c'atichic” nishpa cunashpami, Grecia llactaman chayarca.

ROMANOS 15:32

Cancuna chashna ruhuacpimi, Taita Dios munacpica, cancunapacman chayashpa cushilla samarisha.

1 CORINTIOS 11:34

Chaimanta maijanpish yarcaihuan cashpaca, quiquin huasillapitac micuchun. Tandanacuipi mana allita ruhuashpa micushcamanta Dios ama llaquichishca cachunmi, chashnaca nini. Caishuc allichinacunataca ñuca shamushpami allichisha.

1 CORINTIOS 14:5

Ñucaca tucui cancuna jaicapi mana uyashca rimaicunata rimaccuna cachunmi munaiman. Shina cacpipish Dios ima nishcata huillaccuna cachunmi, ashtahuanca munani. Chashna cashpami, jaicapi mana uyashca rimaicunata rimactapish atishpa, ashtahuan alli canguichic. Jaicapi mana uyashca rimaicunata rimacpish, tandanacushca criccuna entendichun chai rimashca imata nisha nicushcata huillashpaca, Dios ima nishcata huillac shinallatacmi.

1 CORINTIOS 16:5

Ñuca rishpaca, Macedonia llactatami rina cani. Macedonia llactamantaca Corinto pueblomanmi chayasha.

1 CORINTIOS 16:7

Cunanca ashata ricushpallaca mana risha ninichu. Apunchic Jesús munacpica, unaicamanmi cancunahuan saquirinata munacuni.

1 CORINTIOS 2:6

Shina cashpami ña sinchi criccunapura cashpaca, yachac tucuna rimaicunahuan rimanacunchic. Ashtahuanpish cai yachac tucuna rimaicunaca mana cai pachamantachu, mana jatun mandaccunamantachu. Mandaccunaca chingariccunallami.

1 CORINTIOS 4:18

Maijan cancunaca: “Pabloca ña mana ricungapac shamungachu” yuyashpami, “ñucami alli yachac cani” niricunguichic.

1 CORINTIOS 4:6

C'uyashca criccuna, Apolostapish shinallatac ñucallatatacpish ima shina cashcata ricuichic. Caicunataca cancunapac allipacllatacmi rimani. Caitaca ñucanchic shina pipish quillcashcapi nishca shinamanta ama yallita ruhuachun, shinallatac “paimi alli, caishucca mana allichu” nishpa ama rimachunmi quillcani.

2 CORINTIOS 1:23

Ñucaca Corintoman risha nicushpapish, cancunata mana llaquichingaraicumi mana rircani. Chaitaca ñuca almata ricuc Diosllatacmi yachan.

2 CORINTIOS 10:9

Cai ñuca cachashca quillcacunaca “ñucanchicta manchachingapacmi” nishpa ama yuyanguichicchu ninimi.

HEBREOS 6:3

Taita Dios munacpica, alli yachaccuna cangapac allita yachacushun.

SANTIAGO 4:15

Chaipac randica: “Mandac Dios munacpi causashpaca, caitapish, chaitapish ruhuashunmi” ninami canguichic.