1 CORINTIOS 4:17 - Nuevo Testamento en Quichua Cañar 1996

¹⁷ Chaimantami Apunchic Jesusta alli cric, ñuca c'uyashca huahua shina cac Timoteota cachagrini. Paimi ñuca Apunchic Jesucristota crishpa, ima shina causanata yachachishpa yuyachinga. Ñucapish chashnallatacmi tandanacushca criccunamanca maipipish yachachicuni.

Dios Rimashcata Quillcashcami

¹⁷ Chaimantami Apunchic Jesusta alli cric, ñuca cuyashca huahua shina Timoteota cachagrini. Paimi ñuca Apunchic Jesucristota crishpa, ima shina causanata yachachingui. Ñucapish chashnallatacmi tandanacushca criccunamanca maipipish yachachicuni.

1 CORINTIOS 4:17 ပူးပေါင်းရင်းမြစ်များ

SAN MATEO 24:45

¿Maijantac alli cazuc, alli yuyaiyuc servic runaca canga? Paipac amo ‘ñuca huasipi saquiriccunaman micuna horaspi carangui’ nishpa saquicpi alli pactachicmi, alli servicca canga.

SAN MATEO 25:21

Chashna nicpi amoca: ‘Canca allitami ruhuashcangui. Ñucapacta alli yuyaihuan, allita ruhuacmi cangui. Ashallapipish allita ruhuashcamantaca, achcatami canmanca mingasha. Cunanca ñucahuan cushicungapac ucuman yaicui’ nirca.

SAN MATEO 25:23

Chashna nicpi amoca: ‘Canca allitami ruhuashcangui. Ñucapacta alli yuyaihuan, allita ruhuacmi cangui. Ashallapipish allita ruhuashcamantaca, achcatami canmanca cusha. Cunanca ñucahuan cushicungapac ucuman yaicui’ nirca.

HECHOS 16:1

Chai q'uipami Pabloca Silasndic Derbe pueblota rishpa, Listra puebloman chayashpaca, cric Timoteo tuparcacuna. Paipac mamaca israelcunapura*f** Jesusta cric huarmimi carca. Taitaca griego*f** runami carca.

1 CORINTIOS 11:16

Tucui caicunamanta maijanpish mana uyasha nishpa rimasha nicca, caita entendichun: Ñucanchicpish, Diospaclla cac tandanacushca criccunapish, chashna shuctac layaman causana tiyashcataca mana yachanchicchu.

1 CORINTIOS 11:2

Cancuna tucui imapipish ñucata yuyaricushcamanta, shinallatac ima shina ñuca yachachishcata c'aticushcamantaca, allimi ruhuacunguichic ninimi.

1 CORINTIOS 11:34

Chaimanta maijanpish yarcaihuan cashpaca, quiquin huasillapitac micuchun. Tandanacuipi mana allita ruhuashpa micushcamanta Dios ama llaquichishca cachunmi, chashnaca nini. Caishuc allichinacunataca ñuca shamushpami allichisha.

1 CORINTIOS 14:33

Taita Diosca maipish cachun ruhuachunca mana munanchu. Paica sumac causaita cuc Diosmi. Diospaclla cac tandanacushca criccuna imata ruhuac cashca shinallatacmi,

1 CORINTIOS 16:1

Diospaclla cac criccunaman cachangapac cullquita tandachingapacca, Galacia llactapi cac criccunaman ñuca yachachishca shina, cancunapish ruhuana canguichic.

1 CORINTIOS 16:10

Timoteo chayacpica, cushilla cachun paitaca alli chasquinguichic. Paica ñuca shinallatacmi Apunchic Jesucristopacta ruhuac can.

1 CORINTIOS 4:14

Mana pingaichingapacchu caicunataca quillcani, ashtahuanpish ñuca quiquin huahuacunata shina c'uyashcamantami, cai rimaicunahuanca cunashpa yachachini.

1 CORINTIOS 4:15

Cancunaca Cristomanta yachachiccunata chunga huarangata charishpapish, mana tauca taitacunata charinguichicchu. Alli huillaita ñuca huillacpi, cancuna Jesucristota crishpa paihuan shuc shinalla tucushcamantaca, cancunapac taita shinaca ñucami cani.

1 CORINTIOS 4:2

Maijanta imata ruhuachun churashpaca, pactachic cashcatami ricushun nincuna.

1 CORINTIOS 7:17

Ashtahuanpish Apunchic Jesucristo cancunaman imata ruhuachun yuyaita cushca shina, Dios cancunata acllai punzha ima shinami carcanguichic, chai shinallatac causanguichic ninimi. Tandanacushca criccunataca maipipish chai shinallatacmi mandani.

1 CORINTIOS 7:25

Manarac cazarashcacunata yachachingapacca, Apunchic Jesús mandashcataca mana charinichu. Shina cashpapish Apunchic Jesús c'uyashpa, paita alli c'aticta ruhuashcamantami, ñuca yuyaimanta cai shina nini:

2 CORINTIOS 8:18

Alli huillaita huillacushcamanta tucui tandanacushca criccunapac alli nishca, shuc huauquitami Titohuanca cachani.

EFESIOS 6:21

Ima shina ñuca causacushcatapish, ñucamanta tucui imalla huillanatapish, Apunchic Jesuspacta allita ruhuac, ñucanchic c'uyashca cric huauqui Tiquicomi apashpa huillagringa.

FILIPENSES 2:19

Apunchic Jesuspac munai cacpica, Timoteotami cancunapacman utca cachanata yuyacuni. Pai cutimushpa cancuna ima shinalla cashcata huillacpica, ñucaca ashtahuanmi cushicusha.

FILIPENSES 2:22

Ashtahuanpish Timoteo ima shina cashcataca, cancunallatac yachanguichicmi. Paica shuc churi taitata ayudacuc shinami, alli huillaita ñuca huillacucpica, paipish ñucahuan pacta huillacurca.

COLOSENSES 1:7

Cai alli huillaitaca, ñucanchichuan Diospacta ruhuac c'uyashca Epafras runami yachachirca. Paica Jesucristota alli c'atic cashpami, cancunaman imapish alli cachun allita ruhuacun.

COLOSENSES 4:9

Ñucanchic c'uyashca, allita pactachic huauqui Onesimopish paihuanmi rin. Paica cancunapurallatacmi can. Paicunami caipi tucui ñucanchic ima shina cashcatapish parlanga.

1 TIMOTEO 1:18

C'uyashca ñuca huahua shina Timoteo, utcaman Diosmanta huillaccuna canmanta huillashca shinallatacmi, alli soldado shina Taita Diospacta ruhuachun nishpa canmanca cai mandashcata mingani:

1 TIMOTEO 1:2

Jesusta crishcamanta ñucapac quiquin huahua shina cac Timoteoman caita quillcashpa cachani. Ñucanchic Taita Diospish, Apunchic Jesucristopish sumaimana c'uyaihuan llaquishpa, canman sumac causaita cushca cachun nishpami quillcani.

2 TIMOTEO 1:2

Ñuca c'uyashca huahua shina Timoteo, ñucanchic Taita Diospish, Apunchic Jesucristopish canta c'uyashpa, llaquishpa sumac causaita canman cushca cachun nishpami caita quillcani.

2 TIMOTEO 2:2

Tauca gentecunapac ñaupapimi ñuca ima yachachishcataca uyarcangui. Chaitaca yachachinata pudic alli criccunaman, paicunapish shuccunaman yachachichun mingai.

2 TIMOTEO 3:10

Chashna cacpipish canca ñuca yachachishcatapish, ñuca ima shina causacushcatapish, ima yuyaita charishcatapish, mana utca p'iñaric cashcatapish, cric cashcatapish, c'uyac cashcatapish,

TITO 1:5

Yacu chaupipi tiyac Creta llactapi canta saquishpaca, ñuca nishca shinallatac chai allichina cashcata allichichunpish, tandanacushca criccuna tiyac pueblocunapica criccunata pushacta acllashpa churachunpishmi cantaca saquimurcani.

APOCALIPSIS 2:10

Cancunataca llaquicuna japigricunmi. Shina cacpipish ama manchanguichicchu. Chashnaca ‘¿crishpa c'atinchu, imami?’ nishpami, maijan cancunataca diabloca carcelpi churachinga. Chaipica chunga punzhatami llaquita apanguichic. Shina cacpipish huañungacaman ñucata c'atinguichiclla. Chashna c'aticpimi, huiñai causaita ricuchic coronata cusha.

APOCALIPSIS 2:13

Cancuna Satanás*f** maipi mandacucpi causacushcataca yachanimi. Shina cashpapish ñucata c'atinataca mana saquishcanguichicchu. Satanás maipi mandacucpi ñucamanta allita huillac Antipasta huañuchicpipish, ñucata crinataca mana saquishcanguichicchu.