1 CORINTIOS 4:15 - Nuevo Testamento en Quichua Cañar 1996

¹⁵ Cancunaca Cristomanta yachachiccunata chunga huarangata charishpapish, mana tauca taitacunata charinguichicchu. Alli huillaita ñuca huillacpi, cancuna Jesucristota crishpa paihuan shuc shinalla tucushcamantaca, cancunapac taita shinaca ñucami cani.

Dios Rimashcata Quillcashcami

¹⁵ Cancunaca Cristomanta chunga huaranga yachachiccunata charishpapish, mana tauca taitacunatachu charinguichic. Alli huillaita ñuca huillacpi, cancuna Jesucristohuan shuc shinalla tucushcamantaca, ñucami cancunapac taita shina cani.

1 CORINTIOS 4:15 ပူးပေါင်းရင်းမြစ်များ

ROMANOS 15:20

Chashnami shuccuna Cristomanta ña huillashca llactacunapi mana huillashpa, ashtahuanpish Cristomanta pi mana huillashca llactacunallapi huillanata munarcani.

1 CORINTIOS 1:30

Ashtahuanpish Taita Diosllatacmi cancunataca Apunchic Jesucristohuan shuc shinalla cachun ruhuarca. Cristomantami Diosmanta yachashpa, paihuan alli tucushpa, Taita Diospaclla causashpa quishpiringuichic.

1 CORINTIOS 15:1

C'uyashca criccuna, cunanca ñuca huillashca alli huillaita yuyarichunmi munani. Cai alli huillaita chasquishpami, mana saquishpa c'atiracunguichic.

1 CORINTIOS 3:10

Ñucaca huasita ruhuac shina cachun, Taita Dios paipac c'uyaimanta c'ayacpimi, pircai callarircani. Callari pircata ñuca ruhuashca q'uipaca, shucmi pircata churashpa c'aticun. Shina cacpipish chai huasi pircata churaccunaca, tucuimi ima shina churacushcata ricuna canguichic.

1 CORINTIOS 3:6

Shina cashpami ñucaca muyuta tarpuc shina, cutin Apolosca parcuc shina cancunamanca yachachircanchic. Shina cacpipish tarpushca muyuta huiñachicca Taita Diosmi can.

1 CORINTIOS 3:8

Shina cashcamanta tarpucpish, parcucpish chai shinallatacmi canchic. Shina cacpipish quiquin imata ruhuashcata ricushpami, Taita Diosca cunga.

1 CORINTIOS 9:12

Shuccuna cancunata imatapish cuchun nishpa mañacpica, ñucanchiccarin imallatapish mañanatacmi canchic. Shina cacpipish Cristomanta alli huillai mana jarcarishpa huillashca cachunca, imatapish mana chasquishpami, llaquita apashpa huillacunchiclla.

1 CORINTIOS 9:14

Chai shinallatacmi Apunchic Jesusca maijanpish quishpirinamanta alli huillaita huillaccunaca chai huillashcallamantatac micuchun nishpa mandashca.

1 CORINTIOS 9:16

Quishpirinamanta alli huillaita chashna huillashpaca, imamanta mana jatun tucunachu cani, ashtahuanpish chaitaca huillanallatacmi cani. Cai huillanata mana huillashpaca, ¡aij, imachari tucusha!

1 CORINTIOS 9:18

Shina cacpica ñuca tucuimanta yalli japinaca, pimanta imata mana japishpa, cushicushpa Cristomanta alli huillaita huillanami can. Chashnaca alli huillaita huillashcamanta japina cashca jahuapish, mana japishpami causacuni.

1 CORINTIOS 9:23

Chai shina alli huillaita huillashpaca, chai huillashca allicunata cusha nishcata japingapacmi, chashnaca tucuni.

2 CORINTIOS 4:5

Ñucanchicca mana ñucanchic quiquinllamantatacchu huillacunchic, ashtahuanpish Apunchic Jesús Mandac cashcatami huillacunchic. Ñucanchicca Jesusta c'uyac cashcamantami, cancunata serviccuna canchic.

GÁLATAS 3:24

Chai mandashcacunaca Jesucristota crishcamanta ñucanchic Taita Dioshuan alli tucuchunmi, Cristo shamungacaman huahuacunata shuc servic cuidac shina charicurca.

GÁLATAS 3:25

Shina cacpimi crina punzhacuna chayamucpica, chai mandashcacunaca ña mana charicun.

GÁLATAS 4:19

C'uyashca huahuacuna, cutinllatacmi shuc huarmi sajuarina nanaihuan llaquita apacuc shina, cancunamanta llaquita apacuni. Chashnami cancuna Cristo causashca shina causangacaman llaquita apacushalla.

2 TIMOTEO 4:3

Cashcata nic huillashcata mana uyashun nina punzhacuna chayamungami. Gentecunaca paicuna munashca shinata yachachichunmi, shuctac shuctac yachachiccunata mashcanga.

TITO 1:4

Ñuca shina cric cashcamanta ñucapac quiquin huahua shina Tito, ñucanchic Taita Diospish, Apunchic Jesucristopish mai c'uyashpa, canman sumac causaita cushca cachun nishpami caita quillcani.

FILEMÓN 1:19

Caita rimacuc Pablollatacmi, caitaca quillcashpa cashna nini: “Onésimo imata canman cutichina cashca cacpica, paimantaca ñucami cutichisha.” Can quishpirishcamanta ñucaman ima allicunata ruhuana cacpipish, chaitaca mana nishpami cashna nini.

SANTIAGO 1:18

Diosca chai shina munashcamantami, cashcata nic alli huillaita huillashpa, ñucanchicmanca causaita curca. Tucui pai ruhuashcacunamanta ñucanchic punta cachunmi, chashnaca ruhuarca.

1 PEDRO 1:23

Cancunaca cutin huacharishca shinami tucushcanguichic. Cunanca mana huañuclla, mana chingariclla taitamantachu huacharishca canguichic, ashtahuanpish huiñai causaita cuc, mana chingaric Dios rimashcata uyashcamantami, cutin huacharishca shina canguichic.