1 CORINTIOS 4:14 - Nuevo Testamento en Quichua Cañar 1996

¹⁴ Mana pingaichingapacchu caicunataca quillcani, ashtahuanpish ñuca quiquin huahuacunata shina c'uyashcamantami, cai rimaicunahuanca cunashpa yachachini.

Dios Rimashcata Quillcashcami

¹⁴ Mana cancunata pingaichingapacchu caicunataca quillcanchic, ashtahuanpish ñuca cuyashca huahuacunata cunac shinami cashna rimani.

1 CORINTIOS 4:14 ပူးပေါင်းရင်းမြစ်များ

HECHOS 20:31

Chaimanta cancunaca alli yuyaihuan cana canguichic. Ñucaca quimsa huatacaman tutapish, punzhapish mana samashpami, tucui cancunataca shucllancaman huacashpa cunacurcanilla.

1 CORINTIOS 15:34

Cancunaca alli yuyaiman tigrarichic, ama juchata ruhuaichicchu. Cancunapuramanta maijancunaca manarac Diosta ricsinguichicchu. Caicunataca cancuna pingaita charichunmi nini.

1 CORINTIOS 4:15

Cancunaca Cristomanta yachachiccunata chunga huarangata charishpapish, mana tauca taitacunata charinguichicchu. Alli huillaita ñuca huillacpi, cancuna Jesucristota crishpa paihuan shuc shinalla tucushcamantaca, cancunapac taita shinaca ñucami cani.

1 CORINTIOS 4:17

Chaimantami Apunchic Jesusta alli cric, ñuca c'uyashca huahua shina cac Timoteota cachagrini. Paimi ñuca Apunchic Jesucristota crishpa, ima shina causanata yachachishpa yuyachinga. Ñucapish chashnallatacmi tandanacushca criccunamanca maipipish yachachicuni.

1 CORINTIOS 6:5

Cancuna pingaita charichunmi, chashnaca nini. Criccunapurapi imapish p'iñanacuicuna tiyacta ricushpa allichichunca, ¿manachu cancunapurapi maijan shucllapish tiyan, imatacyari?

1 CORINTIOS 9:15

Shina cacpipish chashna japina cashcataca mana japishcanichu. Shinallatac cancuna imallata cuchun nishpapish, mana quillcanichu. Pimanta imata mana chasquishpa cushicunata quichuchinapac randica, huañunatami munani.

2 CORINTIOS 11:11

Chashna nishpaca, ¿cancunata mana c'uyashcamantachu chashnaca nini? Taita Diosllatacmi ñuca cancunata c'uyac cashcataca yachan.

2 CORINTIOS 12:19

Ñucanchic cancunata ima mana allita ruhuashcamanta “allipi llucshingaraicumi chashnaca nicun” ninguichicchari. ¡Mana chashnachu! Ashtahuanpish ñucanchicca Taita Diospac ñaupapi, shinallatac Jesucristopac acllashcacuna cashcamantami chashnaca ninchic. C'uyashca criccuna, imatapish ruhuashpaca, tandanacushca criccuna sinchiyashpa c'atichunmi chashnaca ruhuanchic.

2 CORINTIOS 7:3

Mana cancunata llaquichingaraicuchu caicunataca nini. Ñacaman nishca shinami, cancunata c'uyashcamantaca causashpapish, huañushpapish cancunahuan pacta casha.

COLOSENSES 1:28

Ñucanchicca Jesucristota crishcamanta tucui mashna Diospac ñaupapi mana pi juchanchishca cachunmi, Jesucristomanta huillashpaca, cunashpa, tucui yuyaihuan allita yachachinchic.

1 TESALONICENSES 2:11

Huahuacunata shuc taita yachachic shinami, ñucanchicpish cancunataca caishucta chaishucta cunashpa cushichircanchic. Chaitaca cancunallatac yachanguichicmi.

1 TESALONICENSES 5:14

Shinallatac c'uyashca criccuna, chai imata mana ruhuasha nic q'uillacunatapish rimaichic, llaquilla caccunatapish cushichichic, manarac sinchi criccunatapish yachachichic. Shinallatac tucuihuan mana p'iñarishpa, alli shungu caichic.

2 TESALONICENSES 3:14

Maijanpish cai quillcapi nishcata mana cazucta ricushpaca, pai pingachunmi “caica mana allichu” nishpa, paihuanca mana tandanacuna canguichic.

FILEMÓN 1:10

Ñuca caipi prezu cacpimi, Onesimoca Jesucristota crishpa ñuca huahua shina tucurca. Cunanca paita alli chasquichunmi mañani.

1 JUAN 2:1

Ñuca c'uyashca huahuacuna, cancuna ama juchallichunmi caicunataca quillcani. Shina cacpipish maijan juchallishpaca, Taita Dioshuan rimactami charinchic. Paica imatapish cashcata ruhuac Jesucristomi.

3 JUAN 1:4

Ñuca huahuacuna cashcata nic huillashcata uyashpa alli c'aticucta yachashpami, tucuimanta yalli cushicuni.