1 CORINTIOS 2:14 - Nuevo Testamento en Quichua Cañar 1996

¹⁴ Diospac Espiritumanta yachanata mana munacca, pai cushcacunataca mana chasquisha ninchu. Chaicunaca paimanca pucllashca shinami. Shinallatac imata nisha nicushcatapish mana entendinchu. Chaitaca Diospac Espíritu yuyachicllapimi, yachac chayancuna.

Dios Rimashcata Quillcashcami

¹⁴ Diospac Espirituta mana charicca Espíritu cushcacunataca mana chasquisha ninchu. Chaicunaca paimanca pucllashca shinami. Shinallatac imata nisha nicushcatapish mana entendinchu. Chaitaca Diospac Espíritu yuyachicllapimi, yachac chayancuna.

1 CORINTIOS 2:14 ပူးပေါင်းရင်းမြစ်များ

SAN MATEO 16:23

Chashna nicpi Jesús tigrarishpa Pedrotaca: —¡Anchuri caimanta, Satanás!*f** Chashna nishpaca, Taita Dios munashcata ñuca ama ruhuachun nishpami, jarcasha nicungui. Canca Taita Dios imata ruhuasha nishcataca mana yachanguichu, ashtahuanpish gentecuna yuyashcallatami yuyangui— nirca.

SAN JUAN 10:20

Paicunapuramanta achcacunami: —¿Ima nishpatac paitaca uyanguichic? Paica supaihuan cashcamantaca mana juizhupichu— ninacurcacuna.

SAN JUAN 12:37

Israelcunapac*f** ñaupapi tauca pi mana ruhuaipaccunata ruhuacucpipish, Jesustaca mana crircacunachu.

SAN JUAN 14:17

Paica cashcata nic Diospac Espiritumi. Cai pachapaclla causaccunaca paita mana ricsishcamantapish, mana ricushcamantapish mana chasquinata pudinchu. Shina cacpipish cancunaca cancunapi causacushcamantapish, huiñaita causagricushcamantapish paitaca ña ricsinguichicmi.

SAN JUAN 14:26

Ashtahuanpish Taita Dios ñucapac randi cachagricuc Cushichic paipac Espíritu shamushpami, tucui imatapish yachachinga, shinallatac tucui ñuca ima nishcacunatapish yuyachinga.

SAN JUAN 15:26

Ashtahuanpish Taitamanta ñuca cachashca Cushichic Diospac Espíritu shamushpami, ñuca ima shina cashcataca huillanga. Paica cashcata nicmi.

SAN JUAN 5:44

Cancunaca caishuc chaishuc alli ninacunallatami munanguichic, ashtahuanpish shuclla Taita Diospac alli nishca canataca mana munanguichicchu. Shina cashpaca, ¿ima shinatac ñucataca cringuichicyari?

SAN JUAN 8:43

¿Ima nishpatac ñuca rimashcataca mana entendinguichic? Cancunaca ñuca rimashcata mana uyashun nishpami, mana entendinguichic.

HECHOS 16:14

Chai huarmicunapurapica, Tiatira pueblomanta Lidia huarmimi ñucanchic yachachishcataca uyacurca. Chai huarmica morado sumac liensota c'atucmi carca, shinallatac Taita Diosta yuyaricmi carca. Chai huarmimanmi Apunchic Jesusca Pablo tucui imalla nishcata uyashpa cazuchun, alli yuyaita curca.

HECHOS 17:18

Epicúreos*f** nishca yachaccunamantapish, estoicos*f** nishca yachaccunamantapish, maijancunaca Pablohuan rimanacungapacmi tandanacurcacuna. Jesusmanta alli huillaita, shinallatac huañushcacuna causarinamanta Pablo huillacucpimi, maijancunaca: —Cai imatapish rimaricuclla runaca cashna nishpaca, ¿imatashi nisha nin?— nircacuna. Cutin maijancunaca: —Paica shuc dioscunamanta yachachicmari yuyachin— nircacuna.

HECHOS 17:32

Huañushcacunapuramanta causarinamanta Pablo huillacpica, maijancunaca burlashpa asircacunami. Cutin maijancunaca: —Shuc punzhami can huillashcataca ashtahuan uyashun— nircacuna.

HECHOS 18:15

Mana chashnachu cashca. Cai runa yachachishcacunaca, cancunata mandashcacunapi nishca shina mana alli cacpica, cancunallatac allichichic. Ñucaca mana imata nishachu— nirca.

HECHOS 25:19

Paitaca: ‘Chai ña huañushca Jesús runaca causacunmi’ nishpa huillashcamantami juchanchircacuna. Shinallatac imata crishcamantapish rimanacurcacunami.

1 CORINTIOS 1:18

Apunchic Jesucristo cruzpi huañushcata huillashcaca, chingarinaman ricuc gentecunamanca pucllashca shinami ricurin. Shina cacpipish ñucanchic quishpirinaman riccunamanca, Taita Dios imatapish ruhuaclla cashcatami ricuchin.

1 CORINTIOS 1:21

Tucuita yachac Taita Diosca, paicuna yuyashca shina paita ricsichunca mana saquinchu. Quishpirinamanta alli huillai pucllashca shina cacpipish, Taita Diosca maijanpish paita criccunataca pai c'uyashcallamantami cai huillashcahuan quishpichisha nicun.

1 CORINTIOS 1:23

Shina cacpipish ñucanchicca Cristo cruzpi huañushcatami huillacunchic. Cai huillashcaca israelcunataca p'iñachic shinami, cutin mana israelcunamanca pucllashca shinami ricurin.

1 CORINTIOS 1:25

Taita Dios huillashca pucllashca shina cashpapish, tucui cai pachapi cac yachachishcacunamanta yallimi. Shinallatac Dios ruhuashcaca imapac mana valic shina cashpapish, tucui cai pachapi ruhuashcacunamanta yalli valishcami.

1 CORINTIOS 15:44

Cai pachapaclla cuerpohuan enterrashcaca Diospaclla cangapacmi causaringa. Cai pachapaclla cac cuerpo tiyashpaca, Diospaclla cac cuerpopish tiyanami can.

1 CORINTIOS 15:46

Shina cacpipish causaita cuc Espirituyucca mana punta shamushcachu, ashtahuanpish aichayuc tulluyucracmi puntaca shamushca. Chai q'uipami causaita cuc Espirituyucca shamushca.

1 CORINTIOS 2:12

Ñucanchicca mana cai pachapaclla cac espiritutachu chasquircanchic, ashtahuanpish Dios cushca Espiritutami, pai c'uyashpa yachachishcacunata entendingapac chasquircanchic.

1 CORINTIOS 3:1

C'uyashca criccuna, Cristomanta ñuca huillashpaca, Diospac Espíritu yuyaita cushca gentecunaman shinaca mana huillarcanichu, ashtahuanpish huahuacuna shina manarac Cristota alli cric, cai pacha jucha munashcata ruhuac criccunamanmi huillarcani.

SANTIAGO 3:15

Chai shina yachac tucushca canataca Diosca mana cunchu, ashtahuanpish chai yuyaica cai pacha gentecuna yuyashcallami. Chai yuyaitaca diablollatacmi cun.

1 JUAN 2:20

Cristo cancunaman Diospac Espirituta cushcamantami, cashcata nic huillashcataca tucui cancuna yachanguichic.

1 JUAN 2:27

Jesucristo cushca Diospac Espirituca cancunapimi causacun. Diospac chai Espiritullatacmi tucui imatapish yachachicun. Pai yachachishpaca, mana llullashpa chashna cashcatatacmi huillan. Chaimanta pi yachachictaca mana mashcanachu canguichic. Diospac Espíritu yachachishca shina, Jesucristohuan shuc shinalla causaichic.

1 JUAN 5:20

Diospac Churi shamushpa ñucanchicman yuyaita cushpami, cashcata nic Taita Diostaca ricsichirca. Chaimantami cashcata nic-huan shuc shinalla causanchic. Paica Diospac Churi Jesucristomi. Paillatacmi huiñai causaita cucpish, shinallatac cashcata nic Diospish can.

SAN JUDAS 1:19

Chaicunaca criccunata ch'icanyachiccunami. Cai pachapaclla ima tiyashcata yuyariccuna cashpami, Diospac Espiritutaca mana charincuna.