1 CORINTIOS 16:6 - Nuevo Testamento en Quichua Cañar 1996

⁶ Cancunapacman chayashpaca, asha punzhacunacaman saquirishapishchari, mana cashpaca tucui tamia quillacunata saquirishapishchari. Shina saquiricpica, chai q'uipa ñuca maiman rina cacpipish, imatapish ricushpa cachanguichic.

Dios Rimashcata Quillcashcami

⁶ Cancunapacman chayashpaca, asha punzhacunata, mana cashpaca tucui tamya quillacunata saquirishapishchari. Shina saquiricpica, ñuca maiman rina cashcaman richun ayudanguichic.

1 CORINTIOS 16:6 ပူးပေါင်းရင်းမြစ်များ

HECHOS 15:3

Antioquía criccuna paicunata cachacpica, Fenicia llactata, Samaria llactatami rircacuna. Chai llactacunapica tucui criccunamanmi, mana israelcunapish*f** Taita Diosman cutirishcata parlarcacuna. Chashna parlacpica, chai criccunaca tucuimi munai cushicurcacuna.

HECHOS 17:15

Pablota pushaccunaca Atenas pueblocamanmi pushashpa rircacuna. Paihuan riccuna ña cutimucpica: “Timoteotapish, Silastapish utca caiman tandanacungapac shamuchun nichicyari” nishpami, Pabloca cacharca.

HECHOS 20:38

“Ñucataca ña mana ashtahuan ricunguichicchu” nishcamantami ashtahuan llaquirishpa, barcocaman Pablohuan rircacuna.

HECHOS 21:5

Chai q'uipaca, ñucanchic ña chaimanta rigricpimi, tucui criccuna paicunapac huarmicunandic, huahuacunandic chai pueblomanta llucshishpa, yacu patacaman ñucanchichuan shamurcacuna. Chaipica cungurishpami, Taita Diosman mañarcanchic.

HECHOS 27:12

Tamia quillacunata mana chaipi caipac cashcamantami: “Creta llactapi cac Fenice puebloman chayashunpishchari” yuyashpa, llucshinata yuyarircacuna. Chai pueblopica janamanta, uramanta huaira shamushpapish, mana imata ruhuacchu carca. Chaimantami tamia quillacunataca chaipi cashun nircacuna.

HECHOS 28:11

Ña quimsa quillata chai llactapi cashca q'uipami, Cástor shutita, Pólux shutita churashca barcopi huichicurcanchic. Chai barcoca Alejandría pueblomanta shamushpami, tamia quillacunataca chaipi cashca carca.

ROMANOS 15:24

ñuca España llactaman rishpaca, ima shinapish cancunata ricuna yuyailla cani. Ña cancunahuan asha punzhacunata cushicushca q'uipaca, ñuca ricushcaman chayangapac ayudashpa abianacuchunmi munani.

1 CORINTIOS 16:11

Chaimanta cancunapuramanta maijanpish paitaca ama yangallapi churanguichicchu. Chaipac randica, pai ñucata cushilla ricungapac shamuchun ayudaichic. Ñucaca caishuc criccunahuanmi shuyacuni.

2 CORINTIOS 1:16

Macedonia llactaman rishpami, cancunataca punta ricugrinata munarcani. Shinallatac cutishpapish, cutin ricunatami yuyarcani. Chashna ruhuacpimi, ñuca Judea llactaman rinapipish ayudanguichicman carcanguichic.

TITO 3:12

Artemas runata cashpa, Tíquico runata cashpa cambacman ñuca cachacpica, Nicópolis pueblopi ñucata ricungapac ima shinapish shamunata yuyangui. Tamia quillacunapica chaipimi canata munani.