1 CORINTIOS 16:11 - Nuevo Testamento en Quichua Cañar 1996

¹¹ Chaimanta cancunapuramanta maijanpish paitaca ama yangallapi churanguichicchu. Chaipac randica, pai ñucata cushilla ricungapac shamuchun ayudaichic. Ñucaca caishuc criccunahuanmi shuyacuni.

Dios Rimashcata Quillcashcami

¹¹ Chaimanta cancunapuramanta maijan ama paita yangapi churachun. Chaipac randica, pai ñucata cushilla ricungapac shamuchun ayudanguichic. Ñucaca caishuc criccunahuanmi shuyacuni.

1 CORINTIOS 16:11 ပူးပေါင်းရင်းမြစ်များ

SAN LUCAS 10:16

Jesusca paipac yachacuccunataca: “Maijanpish cancuna ima nishcata uyacca, ñuca nishcatami uyan. Shinallatac cancunata p'iñacca, ñucatami p'iñan. Ñucata p'iñacca, ñucata cachac Taitatapish p'iñanmi” nirca.

HECHOS 15:3

Antioquía criccuna paicunata cachacpica, Fenicia llactata, Samaria llactatami rircacuna. Chai llactacunapica tucui criccunamanmi, mana israelcunapish*f** Taita Diosman cutirishcata parlarcacuna. Chashna parlacpica, chai criccunaca tucuimi munai cushicurcacuna.

HECHOS 15:33

Chashna tauca punzhacunacaman chai criccunahuan saquirishpa, cutin paicunata cachaccunapacman cutishun nicpica, chai criccunaca: “Allilla ringuichic” nishpami, paicunataca cacharcacuna.

1 CORINTIOS 16:10

Timoteo chayacpica, cushilla cachun paitaca alli chasquinguichic. Paica ñuca shinallatacmi Apunchic Jesucristopacta ruhuac can.

1 CORINTIOS 16:6

Cancunapacman chayashpaca, asha punzhacunacaman saquirishapishchari, mana cashpaca tucui tamia quillacunata saquirishapishchari. Shina saquiricpica, chai q'uipa ñuca maiman rina cacpipish, imatapish ricushpa cachanguichic.

2 CORINTIOS 1:16

Macedonia llactaman rishpami, cancunataca punta ricugrinata munarcani. Shinallatac cutishpapish, cutin ricunatami yuyarcani. Chashna ruhuacpimi, ñuca Judea llactaman rinapipish ayudanguichicman carcanguichic.

1 TESALONICENSES 4:8

Chashna cashcamanta pipish cai yachachishcacunata mana chasquicca, mana runallatachu mana chasquin, ashtahuanpish cancunaman paipac Espirituta cuc Taita Diostami mana chasquin.

1 TIMOTEO 4:12

Criccuna canta ricushpa allita causachunca, allita ruhuashpa, alli shimicunata rimashpa, alli c'uyac, alli cric, shinallatac ima mapa yuyaicuna illacmi cana cangui. Pacta cantaca “huambraracmi” nishpa rimanmancuna.

TITO 2:15

Cai ñuca nishcacunata yachachicushpaca, cunashpa shinallatac mana allita ruhuaccunataca canllatac rimashpa cazunata yachachingui. Ama pi canta mana alli nishpa rimachun saquinguichu.

3 JUAN 1:6

Paicunami can ima shina c'uyaita charishcataca tandanacushca criccunapac ñaupapi huillarcacuna. Paicuna ashtahuan Diospacta ruhuashpa purichunmi, imallahuan ayudashpa c'atichun mañani.