1 CORINTIOS 15:52 - Nuevo Testamento en Quichua Cañar 1996

⁵² Chashnaca ñahuita quimllai shinallapimi, tucuri trompeta tocashpa uyaricpica, ñucanchicca shuctacyachishca cashun. Shinallatac huañushcacunaca mana cutin huañungapacmi causachishca canga. Shinallatac ñucanchicca shuctacyachishcami cashun.

Dios Rimashcata Quillcashcami

⁵² Shuc rato ñahuita quimllai shinallapimi, tucuri trompeta tocashpa uyaricpica, shuctacyachishca cashun. Trompeta uyaricpica, huañushcacunaca mana cutin huañungapacmi causaringa. Ñucanchicca shuctacyachishcami cashun.

1 CORINTIOS 15:52 ပူးပေါင်းရင်းမြစ်များ

SAN MATEO 24:31

Chashna shamushpaca, ñuca angelcunatami cachasha. Trompetapi sinchita tocacpi, paicunami ñuca acllashcacunata cai pachapi tiyac mai llactacunamantapish tandachingacuna.

SAN JUAN 5:25

Huañushca shina causaccuna Diospac Churi rimashcata uyana pachaca, ña chayamucunmi. Chaita uyana pachaca cunanllatacmi. Chaita uyaccunaca causaita charingami. Chaica chashnatacmi can.

SAN JUAN 5:28

Tucui huañushcacuna ñuca rimashcata uyana pachaca, ña chayamucunmi. Chaimanta ñuca nishcata uyashcallamantaca ama mancharichicchu.

1 CORINTIOS 15:23

Ima shina cana cashca shinami, tucuipac ñaupaca Cristorac causarirca. Chai q'uipaca Cristo cutimucpimi, tucui paipac caccunaca causaringa.

1 CORINTIOS 15:42

Chai shinallatacmi huañushcacuna ima laya causarinapish canga. Ismuclla aichahuan huañushcaca enterrarishpapish mana ismuclla aichahuanmi causaringa.

1 CORINTIOS 15:50

C'uyashca criccuna, caitami nisha nini: Aichayuc, tulluyuc caccunaca Dios maipi mandacucmanca mana yaicungacunachu. Imapish ismucllaca mana ismuclla llactamanca mana yaicungachu.

1 TESALONICENSES 4:15

Chaimantami Apunchic Jesús cutimungacaman, “ñucanchic causaccunaca huañushcacunata ñaupashpa, jahua pachamanca mana rishunchu” nishpa, Apunchic Jesús yachachishca shinallatac cancunamanca yachachinchic.

2 PEDRO 3:10

Shina cashpapish Apunchic Jesús cutimuna punzhaca shuc shuhua shamuc shinami canga. Shina cashcamanta jahua pachaca jatun manchanayaipac tulun nishca uyaricpimi tucuringa. Chaipi ima tiyaccunaca ninahuanmi tucuchishca canga. Shinallatac cai pacha allpataca, caipi tiyaccunandicmi Taita Dios taripashpaca llaquichinga.

APOCALIPSIS 8:13

Chai q'uipaca shuc cóndor jahuata volashpa puricuctami ricurcani. Shina puricushpa sinchita rimashpami: —¡Aij, aij, cai allpa pachapi causaccunalla! ¡Caishuc quimsa angelcuna tocacpica, jatun llaquimi tiyanga!— nirca.

APOCALIPSIS 8:2

Chai q'uipaca canchis angelcuna Taita Diospac ñaupapi shayacuctami ricurcani. Paicunaca canchis cornetatami chasquirca.