1 CORINTIOS 15:42 - Nuevo Testamento en Quichua Cañar 1996

⁴² Chai shinallatacmi huañushcacuna ima laya causarinapish canga. Ismuclla aichahuan huañushcaca enterrarishpapish mana ismuclla aichahuanmi causaringa.

Dios Rimashcata Quillcashcami

⁴² Chai shinallatacmi huañushcacunapish causaringa. Ismuclla cuerpohuan enterrarishpaca, mana ismuclla cuerpohuanmi causaringa.

1 CORINTIOS 15:42 ပူးပေါင်းရင်းမြစ်များ

SAN MATEO 13:43

Ashtahuanpish cashcata ruhuaccunaca, inti shinami Taita Dios mandacucpica achic nicunga. Maijanpish rinrita chariccunaca, cai ñuca nishcata alli uyaichic.

HECHOS 2:27

Ñuca almataca ucu pachapi cachun, shinallatac cambaclla causacpac cuerpo ismuchunpish mana saquinguichu.

HECHOS 2:31

Davidca Quishpichic Cristo causarinata pai ricushca shina ñaupaman huillashpaca: ‘Paipac almaca ucu pachapipish mana saquiringachu, paipac cuerpopish mana ismungachu’ nishcami.

ROMANOS 1:23

Paicunaca huiñaita causacuc, sumaimana Diosta alli ninata saquishpami, tucurinalla runaman, volashpa puric animalman, aisarishpa puric animalman, shinallatac chuscu chaquiyuc animalman riccha ruhuashcalla dioscunata adorancunami.

ROMANOS 2:7

Maijanpish Taita Diospac alli nishca cangaraicu, huiñai causaita japingaraicu allita ruhuashpa causaccunamanca Taita Diosca huiñai causaitami cunga.

ROMANOS 8:21

Diospac huahuacuna huatashca shinamanta cacharishpa, sumac cushicuipi cacpica, Taita Dios tucui ima ruhuashcacunapish chai chingarinalla huatashca shinamanta cachariringa.

1 CORINTIOS 15:41

Inti achicyachishcaca quilla achicyachishcamanta, lucero achicyachishcamantapish shuctac layamanmi achicyachin. Shinallatac lucerocunapuramantapish shucca shuctac layaman, shucca shuctac layamanmi achicyachin.

GÁLATAS 6:8

Maijanpish millai munaita ruhuashpa mana allita ruhuacca, chai mana allita ruhuashcamantami huañuita japinga. Ashtahuanpish Diospac Espíritu munashcata ruhuacca, Diospac Espiritumantami huiñai causaita japinga.

1 PEDRO 1:4

Chaimantami ñucanchicca jahua pachapi Dios huacaichishca, mana ismuclla, mana chaquiclla, mana mapayaclla allicunata japinata charinchic.