1 CORINTIOS 15:34 - Nuevo Testamento en Quichua Cañar 1996

³⁴ Cancunaca alli yuyaiman tigrarichic, ama juchata ruhuaichicchu. Cancunapuramanta maijancunaca manarac Diosta ricsinguichicchu. Caicunataca cancuna pingaita charichunmi nini.

Dios Rimashcata Quillcashcami

³⁴ Cancunapuramanta maijanca manarac Diosta ricsinchu. Chaimanta alli yuyaiman causaichic, ama juchata ruhuaichicchu. Caicuna pingachunmi chashnaca nini.

1 CORINTIOS 15:34 ပူးပေါင်းရင်းမြစ်များ

SAN MATEO 22:29

Chashna nicpi Jesusca: —Cancunaca Dios quillcachishcapi ima nicushcatapish, Taita Dios imatapish ruhuaclla cashcatapish mana yachashpami, yalli pandaricunguichic.

SAN JUAN 5:14

Chai q'uipami, Diosman mañana huasipi chai runahuan Jesús tupashpaca: —Uyai, cunanca ña alli tucushcami cangui. Ama ashtahuan juchallinguichu. Chashna juchallishpaca, ashtahuanmi llaquita apangui— nirca.

SAN JUAN 8:11

Shina nicpi chai huarmica: —Mana, amito. Pi mana imata juchanchircachu— nirca. Shina nicpi Jesusca: —Ñucapish mana imata juchanchinichu. Rilla, cutinca ama juchallinguichu— nirca.]

HECHOS 26:8

Shinashpaca, huañushcacunata Taita Dios causachina cashcataca, ¿ima nishpatac cancuna israelcunaca mana cringuichic?

ROMANOS 1:28

Paicunallatac Diosmanta yachanata mana munacpimi, manapish caipaccunata ruhuachun paicunapac yuyaipi millai munaicuna junda cachun Taita Diosca saquishca.

ROMANOS 13:11

Tucui caicunataca cunan punzhapi tucui ima tucushcata ricushpa yuyarinami canguichic. Ñucanchic crishca punzhamanta ricucpica, Dios quishpichina punzhaca ñami shamucun. Chaimanta ama suiñucuichicllachu, ashtahuanpish riccharishca shina caichic.

1 CORINTIOS 4:14

Mana pingaichingapacchu caicunataca quillcani, ashtahuanpish ñuca quiquin huahuacunata shina c'uyashcamantami, cai rimaicunahuanca cunashpa yachachini.

1 CORINTIOS 6:5

Cancuna pingaita charichunmi, chashnaca nini. Criccunapurapi imapish p'iñanacuicuna tiyacta ricushpa allichichunca, ¿manachu cancunapurapi maijan shucllapish tiyan, imatacyari?

1 CORINTIOS 8:7

Ashtahuanpish caicunataca mana tucuichu yachancuna. Maijancunaca chai ruhuashcalla dioscunata adoraccuna cashcamantami, chairac chai dioscunaman cushca aichata micucuncunarac. Chashnaca paicunapac yuyaipi manarac sinchi criccuna cashcamantami, chashna micushpaca, paicunapac yuyaica mana allita ruhuacushcata yuyancuna.

EFESIOS 5:14

Chashna achic luzman llucchicpica, imapish luzpimi canga. Chaimantami: “Suiñushcamanta ricchari, huañushcacunapuramanta jatari. Cristomi cantaca achicyachinga” nincuna.

1 TESALONICENSES 4:5

Diosta mana cazuccuna shina mapa yuyaicunahuan, mana alli munaicunallahuan ama causaichicchu ninmi.