1 CORINTIOS 15:24 - Nuevo Testamento en Quichua Cañar 1996

²⁴ Cristo tucui mandaccunatapish, jatun mandaccunatapish, poderta charic mandaccunatapish chingachishpa, pai mandacushcata Taita Diosman cucpimi, cai pachaca tucuringa.

Dios Rimashcata Quillcashcami

²⁴ Cristo tucui mandaccunatapish, jatun mandaccunatapish, poderta charic mandaccunatapish chingachishpa, pai mandacushcata Diosman cucpimi, cai pachaca tucuringa.

1 CORINTIOS 15:24 ပူးပေါင်းရင်းမြစ်များ

SAN MATEO 10:22

Cancuna ñucata c'aticushcamantaca, tucui gentecunami p'iñangacuna. Shina cacpipish tucuringacaman llaquicunata apaccunami quishpiringa.

SAN MATEO 11:27

Ñuca Taitaca tucuitami ñucamanca curca. Ñuca pipac Churi cashcataca, pi mana yachanchu, ñuca Taitallami yachan. Ñuca Taita pi cashcataca, pi mana yachanchu, ñucallami yachani. Shinallatac pipish ñuca yuyaita cucllapimi, ñuca Taita pi cashcataca yachancuna.

SAN MATEO 24:13

Chashna cacpipish tucuringacaman chai llaquicunata apactaca, Taita Diosca quishpichingami.

SAN MATEO 28:18

Jesús paicunapacman cuchuyashpaca: —Taita Diosca ñucataca, cai pachapi jahua pachapi tucui imatapish Mandactami ruhuarca.

SAN LUCAS 10:22

Chashnallatacmi Jesusca: —Ñuca Taitaca tucuitami ñucaman curca. Ñuca pipac Churi cashcataca pi mana yachanchu, ñuca Taitallami yachan. Ñuca Taita pi cashcataca, pi mana yachanchu, ñucallami yachani. Shinallatac pipish ñuca yuyaita cucllapimi, ñuca Taita pi cashcataca yachancuna— nirca.

SAN JUAN 13:3

Jesusca Taita Dios cachashca shamushcatapish, paipacman cutina cashcatapish, shinallatac pi mana ruhuaipaccunata Taita Dios ruhuachun cushcatapish yacharcami.

SAN JUAN 3:35

Taita Diosca paipac Churita c'uyashpami, tucuita pai mandachun cushca.

ROMANOS 8:38

Taita Diospac c'uyaimantaca imapish mana anchuchina cashcataca yachanimi. Huañuna cacpipish, causana cacpipish, angelcunapish, poderta charic espiritucunapish, cunan ima tucushcapish, q'uipa ima tucunapish,

EFESIOS 5:20

Ñucanchic Apunchic Jesuspac shutipi punzhanta imamantapish Taita Diostaca pagui nicuichiclla.

COLOSENSES 2:10

Jesucristollamantami, Taita Diospac tucui sumaccunataca charinguichic. Paica poderta charic mandac espiritucunata mandacmi.

COLOSENSES 2:15

Taita Diosca Cristo cruzpi huañushcamantami, cai pachapi poderta charic manchana espiritucunataca, tucuipac ñaupapi atishpa, pingaichishpa, huatashca shinata ruhuarca.

1 TIMOTEO 6:15

Taita Diosca pai acllashca punzha pactacpimi, Apunchic Jesucristotaca cutin cachanga. Taita Diosca mai sumacmi. Paica tucuita Mandacmi. Jatun mandaccunapacpish Jatun Mandacpish, amocunapacpish Jatun Amomi.

1 PEDRO 4:7

Tucui ima tiyashcacuna tucurina punzhaca ña chayamucunmi. Chaimanta cancunaca alli yuyaihuan mana shaicushpa, Taita Diosman mañaracuichiclla.

2 PEDRO 1:11

Chashna cacpimi ñucanchicta Mandac Quishpichic Apunchic Jesucristoca, pai huiñaita mandacucman cancunataca imamanta mana jarcarishpa yaicuchun saquingalla.