1 CORINTIOS 15:15 - Nuevo Testamento en Quichua Cañar 1996

¹⁵ “Taita Diosmi Cristota causachirca” nishpa huillacucpipish, Cristo mana causarishca cacpica, Taita Diosmanta llullashpa huillaccunami canchicman. Huañushcacuna mana causarina cacpica, Cristopish mana causarinmanchu carca.

Dios Rimashcata Quillcashcami

¹⁵ Cristo mana causarishca cacpica, ñucanchic: “Diosmi Cristota causachirca” nishpa huillacushpaca, Diosmanta llullashpa huillaccunami canchicman. Huañushcacuna mana causarina cacpica, Cristopish mana causarinmanchu carca.

1 CORINTIOS 15:15 ပူးပေါင်းရင်းမြစ်များ

HECHOS 2:24

Chashna cancuna Jesusta huañuchicpipish, Taita Diosca llaquiman apac huañuimantaca cacharichishpami causachirca. Shina ruhuacpimi, huañuipish Jesustaca mana ati pudirca.

HECHOS 2:32

Taita Diosca pai cachashca Jesusllatatacmi causachirca. Ñucanchicca chai ricushcata huillaccunami canchic.

HECHOS 20:21

Israelcunamanpish, mana israelcunamanpish:*f** ‘Juchayuc cashcamanta llaquirishpa, Taita Diosman cutirishpa, Apunchic Jesucristota crichic’ nishpami huillarcani.

HECHOS 4:10

Cancunapish, tucui israelcunapish alli yachachunca, cashnami nini: Nazaret pueblomanta Jesucristotaca, cancunami chacatashpa huañuchircanguichic. Cancuna huañuchicpipish, Taita Diosmi paitaca huañushcacunapuramanta causachirca. Chai Jesusllatac alliyachicpimi, cai runaca cancunapac ñaupapi alli tucushca shayacun.

HECHOS 4:33

Jesús acllashca huillaccunaca: “Apunchic Jesusca causarircami” nishpa, shungupi yaicuctami huillarcacuna. Taita Diosca criccunata mai c'uyashcamantami, imapish allicunataca tucuiman yallita curca.

1 CORINTIOS 15:13

Huañushcacuna mana causarina cacpica, Cristopish mana causarinmanchu carca.

1 CORINTIOS 15:16

Huañushcacunata Taita Dios mana causachina cacpica, Cristotapish mana causachinmanchu carca.

1 CORINTIOS 15:20

Ashtahuanpish Cristotaca Taita Diosca huañushcacunapuramanta causachircatacmi. Paimi cric huañushcacuna causarina cashcata ricuchishpa, punta causaricca can.