1 CORINTIOS 15:10 - Nuevo Testamento en Quichua Cañar 1996

¹⁰ Shina cacpipish Dios c'uyashcallamantami, chashna cashca cashpapish, cunanca cashna cani. Pai ñucata c'uyashcaca mana yangachu cashca. Chaica tucui paicunata atishpami, ñucaca Diospacta ruhuacuni. Shina cashpapish mana ñucachu ruhuashcani, ashtahuanpish Taita Dios c'uyashcallamantami ayudashpa ruhuachishca.

Dios Rimashcata Quillcashcami

¹⁰ Shina cacpipish Dios cuyashcallamantami cashna cani. Pai ñucata cuyashcaca mana yangachu cashca. Chaica tucui paicunata atishpami, ñucaca Diospacta ruhuacuni. Shina cashpapish mana ñucachu ruhuashcani, ashtahuanpish ñucapi tiyac Diospac cuyaimi ayudashpa ruhuachishca.

1 CORINTIOS 15:10 ပူးပေါင်းရင်းမြစ်များ

SAN MATEO 10:20

Chaica, mana cancunapac yuyaimantachu rimanguichic, ashtahuanpish cancunapac Taita Dios cushca paipac Espiritumi, cancunamanca rimana yuyaita cunga.

SAN MATEO 25:16

Chai pichca talento cullquita japic runaca, chai japishca cullquihuanca randishpa c'atushpami, pichca talento cullquihuan mirachirca.

ROMANOS 11:1

¿Cunanca imatatac nishun? ¿Taita Diosca pai acllashca israelcunataca*f** p'iñashpachu shitashca canga? ¡Mana chashna yuyanachu canchic! Ñucallatacmi taita Abrahampac huahua huahuapura cashcamantaca, Benjaminpac aillu israel cani.

ROMANOS 12:3

Taita Dios ñucata c'uyashpa acllashcamantami, cancunataca ama quiquinllatac yachac tucuchun nini. Chaipac randica cricpi Taita Dios cushcallata yuyashpa, ama chaimanta yallita yuyachun ninimi.

1 CORINTIOS 15:11

Chashnaca ñuca cashpa, paicuna cashpapish chaillatatacmari huillarcanchic. Chai huillashcatami cancunaca crircanguichic.

1 CORINTIOS 15:2

Shinallatac ñuca huillashca shina alli huillaita c'atirashpaca, cai alli huillaimantami quishpiringuichic. Mana chai shina c'atishpaca, cancuna crishcaca yangami canga.

1 CORINTIOS 3:10

Ñucaca huasita ruhuac shina cachun, Taita Dios paipac c'uyaimanta c'ayacpimi, pircai callarircani. Callari pircata ñuca ruhuashca q'uipaca, shucmi pircata churashpa c'aticun. Shina cacpipish chai huasi pircata churaccunaca, tucuimi ima shina churacushcata ricuna canguichic.

1 CORINTIOS 3:6

Shina cashpami ñucaca muyuta tarpuc shina, cutin Apolosca parcuc shina cancunamanca yachachircanchic. Shina cacpipish tarpushca muyuta huiñachicca Taita Diosmi can.

1 CORINTIOS 4:7

Shinashpaca, ¿pitac cantaca: “Canmari chaishuccunata yalli alli cangui” ningayari? Tucui can charishcacunaca, ¿manachu Dios cushca? Cutin Dios cushcacunallahuantacca, ¿ima nishpatac can quiquinllatac charishca shina, jatun tucunguiyari?

2 CORINTIOS 12:11

Ñuca jatun tucushpaca, yuyai illac shinami tucuni. Cancunamantami chashnaca tucuni. Ñuca yangalla shina cashpapish, cancuna yuyashca shina chai jatun yachacmi nishca huillaccunahuan chimbapuracpica, paicunaca mana ñucamanta yallichu.

2 CORINTIOS 3:5

Tucui cai ruhuanataca mana ñucanchic yachac cashcallamantachu ruhuanchic, ashtahuanpish Taita Diosmi ruhuachicun.

2 CORINTIOS 6:1

Cunanca Dios mingashcata paillahuantac ruhuaccuna cashcamantami, ñucanchicca Dios mai c'uyashpa, cancunaman allicunata cushcataca ama yangalla cashcata yuyanguichicchu nishpa rimanchic.

GÁLATAS 2:8

Pedrota israelcunapacman Jesusmanta huillachun cachac Taita Diosllatacmi, ñucatapish mana israelcunaman Jesusmanta huillachun cacharca.

FILIPENSES 2:13

Taita Diosllatacmi imapish paiman allita ruhuana yuyaitapish, allita munana yuyaitapish cancunaman cun.

FILIPENSES 4:13

Ñucaca imatapish ruhuaclla Cristohuan cashpami, imatapish ruhuai pudini.

1 TESALONICENSES 5:12

C'uyashca criccuna, cancunapurapi Apunchic Jesuspacta ruhuashpa, cunashpa yachachiccunataca alli cazuichic nishpami mañanchic.

1 TIMOTEO 4:10

Ñucanchicca causac Diospimi shunguta churashcanchic. Paica tucui cai pachapi causaccunata Quishpichicmi. Ashtahuancarin paita criccunatami quishpichin. Chaimantami maijancuna p'iñacpipish, llaquita apashpa paipactaca ruhuashpa c'aticunchic.