1 CORINTIOS 14:4 - Nuevo Testamento en Quichua Cañar 1996

⁴ Jaicapi mana uyashca rimaita rimacca paipac allipacllatacmi riman, ashtahuanpish Dios ima nishcata huillacca tandanacushca criccuna alli c'atichunmi, chashnaca huillan.

Dios Rimashcata Quillcashcami

⁴ Mana yachashca rimaita rimacca paipac allipacllatami riman, ashtahuanpish Dios ima nishcata huillacca tandanacushca criccuna sinchi cric cachunmi huillan.

1 CORINTIOS 14:4 ပူးပေါင်းရင်းမြစ်များ

MARCOS 16:17

Ñucata criccunaca pi mana ruhuaipaccunatami ruhuanga. Ñuca shutipimi supaicunatapish llucchishpa cachangacunami, jaicapi mana uyashca rimaicunatapish rimangacunami.

ROMANOS 14:19

Chashna cashcamanta caishuc chaishuc ima shina sumacta causanatapish, ima shina ashtahuan ayudanacunatapish munashunchic. Ayudanacushpa, Jesusta alli ningapacca imapipish mana p'iñanacunallata munashunchic.

1 CORINTIOS 12:10

Cutin maijancunaca pi mana ruhuaipacta ruhuaccunami tucuncuna. Cutin maijancunaca Dios ima nishcata huillaccuna tucuncuna. Cutin maijancunaca alli Espirituyuc cashcata, mana alli espirituyuc cashcata yachaccunami tucuncuna. Cutin maijancunaca jaicapi mana uyashca rimaicunata rimaccunami tucuncuna. Cutin maijancunaca chai rimai imata nisha nicushcata entendichiccunami tucuncuna.

1 CORINTIOS 12:28

Taita Diosca tandanacushca criccunapurapica, puntaca Jesús acllashca huillaccuna tiyachun, q'uipaca Dios ima nishcata huillaccuna tiyachun, chaipac q'uipaca yachachiccuna tiyachunmi munan. Shinallatac pi mana ruhuaipacta ruhuaccuna, jambiccuna, ayudaccuna, pushaccuna, jaicapi mana uyashca rimaicunata rimaccuna tiyachunmi munan.

1 CORINTIOS 13:1

Gentecunapac rimaita shinallatac angelcunapac rimaita ñuca rimashpapish, c'uyaita mana charishpaca, chilin nic fierro, chilin nic platillo shinallami uyarini.

1 CORINTIOS 13:2

Dios ima nishcata huillacushpapish, tucuita yachashpapish, Diosmanta pipish mana yachashcata yachashpapish, shinallatac urcucunata cuyuchingapac tucui shunguhuan cric cashpapish, c'uyaita mana charishpaca, ima mana canichu.

1 CORINTIOS 14:12

Diospac Espíritu imata ruhuac cachun cushcacunata charisha nicushpaca, tandanacushca criccuna alli c'atichunmi, ayudanata ashtahuan munana canguichic.

1 CORINTIOS 14:22

Chashna cashcamanta jaicapi mana uyashca rimaicunata rimashpaca, mana criccunamanmi Diospac Espíritu rimachicushcata ricuchin. Cutin criccunamanca mana ima canchu. Shina cashpapish Dios ima nishcata huillashpaca, criccunamanmi Diospac Espíritu huillacushcata ricuchin. Cutin mana criccunamanca mana ima canchu.

1 CORINTIOS 14:26

C'uyashca criccuna, tucui caicunamanta nishpaca, cancuna tandanacushpaca, shuccunaca salmocunata cantanguichicmi, shuccunaca yachachinguichicmi, shuccunaca Dios ima nishcata huillanguichicmi, shuccunaca jaicapi mana uyashca rimaicunata rimanguichicmi, shuccunaca chai rimai imata nisha nicushcata huillanguichicmi. Shina cashpapish criccuna ashtahuan Jesusta c'atishpa sinchiyachunmi, tucui caicunata ruhuana canguichic.

1 CORINTIOS 14:3

Shina cacpipish Dios ima nishcata huillacca tandanacuipi caccuna ashtahuan allita yuyarishpa, sinchiyashpa, cushicushpa c'atina yuyaita charichunmi, chashnaca huillan.

1 CORINTIOS 14:5

Ñucaca tucui cancuna jaicapi mana uyashca rimaicunata rimaccuna cachunmi munaiman. Shina cacpipish Dios ima nishcata huillaccuna cachunmi, ashtahuanca munani. Chashna cashpami, jaicapi mana uyashca rimaicunata rimactapish atishpa, ashtahuan alli canguichic. Jaicapi mana uyashca rimaicunata rimacpish, tandanacushca criccuna entendichun chai rimashca imata nisha nicushcata huillashpaca, Dios ima nishcata huillac shinallatacmi.