1 CORINTIOS 14:37 - Nuevo Testamento en Quichua Cañar 1996

³⁷ Maijanpish “Dios ima nishcata huillacmi cani” nicca, mana cashpaca “Diospac Espíritu yuyaita cucpimi, imatapish nicuni” nicca, cai ñuca quillcashcataca Apunchic Jesús mandashca cashcatami yachanga.

Dios Rimashcata Quillcashcami

³⁷ Maijanpish “Dios ima nishcata huillacmi cani” nicca, mana cashpaca “Diospac Espirituhuanmi cani” nicca, cai ñuca quillcashcaca Apunchic Jesús mandashca cashcata yachachun.

1 CORINTIOS 14:37 ပူးပေါင်းရင်းမြစ်များ

SAN LUCAS 10:16

Jesusca paipac yachacuccunataca: “Maijanpish cancuna ima nishcata uyacca, ñuca nishcatami uyan. Shinallatac cancunata p'iñacca, ñucatami p'iñan. Ñucata p'iñacca, ñucata cachac Taitatapish p'iñanmi” nirca.

ROMANOS 12:3

Taita Dios ñucata c'uyashpa acllashcamantami, cancunataca ama quiquinllatac yachac tucuchun nini. Chaipac randica cricpi Taita Dios cushcallata yuyashpa, ama chaimanta yallita yuyachun ninimi.

1 CORINTIOS 14:29

Shinallatac Dios ima nishcata huillaccuna tiyashpaca, ishcai cashpa, quimsa cashpa huillachun. Shuccunaca chai huillashca alli cashcata, mana alli cashcata yuyarichun ninimi.

1 CORINTIOS 14:36

Dios rimashca shimita huillanaca mana cancunapurapichu callarishca, shinallatac mana cancunallamanchu chayamushca. Chaitaca cancunallatac alli yuyarichic.

1 CORINTIOS 14:38

Ashtahuanpish cai mandashcata mana allichu nictaca, paitapish Apunchic Jesusca mana allichu ningami.

1 CORINTIOS 2:15

Ashtahuanpish Diospac Espiritumanta yachanata munacca alli cashcatapish, mana alli cashcatapish yachanmi. Paitaca pi imata mana ni pudinchu.

1 CORINTIOS 3:1

C'uyashca criccuna, Cristomanta ñuca huillashpaca, Diospac Espíritu yuyaita cushca gentecunaman shinaca mana huillarcanichu, ashtahuanpish huahuacuna shina manarac Cristota alli cric, cai pacha jucha munashcata ruhuac criccunamanmi huillarcani.

1 CORINTIOS 7:25

Manarac cazarashcacunata yachachingapacca, Apunchic Jesús mandashcataca mana charinichu. Shina cashpapish Apunchic Jesús c'uyashpa, paita alli c'aticta ruhuashcamantami, ñuca yuyaimanta cai shina nini:

1 CORINTIOS 7:40

Chashna cacpipish ñuca yuyaipica mana cutin cazarashpami, ashtahuan cushi causanman yuyanimi. Caitaca Diospac Espíritu ñucamanpish yuyaita cushcamantami nicuni.

1 CORINTIOS 8:2

Maijanpish “ña yachanimi” nishpapish, chai yachana cashca shinataca manarac yachanchu.

2 CORINTIOS 10:12

“Ñucanchicca allimi canchic” niccuna shinaca, mana cashun ninchicchu. Paicunapurapish mana cashun ninchicchu. Paicunapura ima shina cana cashcata ricushpa, caishuc chaishuc “¿maijantac ashtahuan alli canchic?” nishpaca, yuyai illaccuna shinami ruhuancuna.

2 CORINTIOS 10:7

Cancunaca ima shina cashcata mana ricushpami, jahualla ima shina cashcallatatac ricunguichic. Maijan cancuna “Cristopacmi cani” nishpaca, ñucanchictapish Cristopac cashcatami yuyana canguichic.

2 CORINTIOS 11:4

Maijanpish ñucanchic huillashca Jesusmanta shuctac layaman huillangapac chayacpica, chasquicllami canguichic. Shinallatac cancuna chasquishca Espiritumanta shuctac laya espiritutapish, cancuna chasquishca alli huillaimanta shuctac laya huillaitapish chasquinguichicllami.

GÁLATAS 6:8

Maijanpish millai munaita ruhuashpa mana allita ruhuacca, chai mana allita ruhuashcamantami huañuita japinga. Ashtahuanpish Diospac Espíritu munashcata ruhuacca, Diospac Espiritumantami huiñai causaita japinga.

2 PEDRO 3:2

Diospaclla cac ñaupa huillaccuna nishcatapish, Quishpichic Apunchic Jesús mandashcata pai acllashca huillaccuna cancunaman huillashcatapish yuyarichicyari.

1 JUAN 4:6

Ashtahuanpish ñucanchicca Diospacmi canchic. Chaimantami ñucanchic rimacpica, Diosta ricsiccunaca uyan. Shina cacpipish mana Diospac caccunaca mana uyashun nincunachu. Shina cacpimi maijanlla cashcata nic Diospac Espirituta charishcata, mana cashpaca llulla espirituta charishcatapish yachanguichic.

SAN JUDAS 1:17

Shina cacpipish c'uyashca criccuna, ñucanchic Apunchic Jesús acllashca huillaccuna ñaupaman ima nishcacunataca, alli yuyarichic.