1 CORINTIOS 14:30 - Nuevo Testamento en Quichua Cañar 1996

³⁰ Shina cacpipish maijan chaipi tiyacucman imata huillana cashcata Dios ricuchicpica, chai puntaman huillacca upallachun.

Dios Rimashcata Quillcashcami

³⁰ Maijan chaipi tiyacucman Dios imata ricuchicpica, chai puntaman huillacca upallachun.

1 CORINTIOS 14:30 ပူးပေါင်းရင်းမြစ်များ

1 CORINTIOS 14:26

C'uyashca criccuna, tucui caicunamanta nishpaca, cancuna tandanacushpaca, shuccunaca salmocunata cantanguichicmi, shuccunaca yachachinguichicmi, shuccunaca Dios ima nishcata huillanguichicmi, shuccunaca jaicapi mana uyashca rimaicunata rimanguichicmi, shuccunaca chai rimai imata nisha nicushcata huillanguichicmi. Shina cashpapish criccuna ashtahuan Jesusta c'atishpa sinchiyachunmi, tucui caicunata ruhuana canguichic.

1 CORINTIOS 14:29

Shinallatac Dios ima nishcata huillaccuna tiyashpaca, ishcai cashpa, quimsa cashpa huillachun. Shuccunaca chai huillashca alli cashcata, mana alli cashcata yuyarichun ninimi.

1 CORINTIOS 14:31

Chashnami tucui mashna yachacushpa, alli yuyaita japichunca, tucuillatac Dios ima nishcataca shuyanacushpa huillana canguichic.

1 CORINTIOS 14:6

C'uyashca criccuna, ñuca cancunapacman rishpa, Dios ima nishcata huillanapac randi, ima alli yachaicunata yachachinapac randi, cashcata yachachinapac randi, imatapish shuctac allita pushanapac randica, jaicapi mana uyashca rimaicunata rimacucpica, ¿ima allitac cangayari?