1 CORINTIOS 14:27 - Nuevo Testamento en Quichua Cañar 1996

²⁷ Maijan cashpapish jaicapi mana uyashca rimaita rimashpaca, ishcai cashpa, mana cashpaca quimsa cashpapish, shuyanacushpa rimaichic. Shinallatac chai rimaicuna imata nisha nicushcatapish maijan shucca huillanami can.

Dios Rimashcata Quillcashcami

²⁷ Mana yachashca rimaita maijan rimashpaca, ishcai cashpa, mana cashpaca quimsa cashpa shuyanacushpa rimaichic. Shucca chai rimashcata entendichichun.

1 CORINTIOS 14:27 ပူးပေါင်းရင်းမြစ်များ

1 CORINTIOS 12:10

Cutin maijancunaca pi mana ruhuaipacta ruhuaccunami tucuncuna. Cutin maijancunaca Dios ima nishcata huillaccuna tucuncuna. Cutin maijancunaca alli Espirituyuc cashcata, mana alli espirituyuc cashcata yachaccunami tucuncuna. Cutin maijancunaca jaicapi mana uyashca rimaicunata rimaccunami tucuncuna. Cutin maijancunaca chai rimai imata nisha nicushcata entendichiccunami tucuncuna.

1 CORINTIOS 14:13

Shina cashcamanta jaicapi mana uyashca rimaita rimacca, chai rimai imata nisha nicushcata entendingapacmi, Taita Diosman mañana can.

1 CORINTIOS 14:2

Maijanpish jaicapi mana uyashca rimaicunata rimacca mana gentecunamanchu riman, ashtahuanpish Taita Diosmanmi riman. Chaitaca pi mana entendinchu. Shina rimashpaca, Diospac Espíritu rimachicllapimi, pi mana entendipacllata riman.

1 CORINTIOS 14:26

C'uyashca criccuna, tucui caicunamanta nishpaca, cancuna tandanacushpaca, shuccunaca salmocunata cantanguichicmi, shuccunaca yachachinguichicmi, shuccunaca Dios ima nishcata huillanguichicmi, shuccunaca jaicapi mana uyashca rimaicunata rimanguichicmi, shuccunaca chai rimai imata nisha nicushcata huillanguichicmi. Shina cashpapish criccuna ashtahuan Jesusta c'atishpa sinchiyachunmi, tucui caicunata ruhuana canguichic.

1 CORINTIOS 14:28

Ashtahuanpish tandanacushca criccunapurapi jaicapi mana uyashca rimaita rimacpi, imata nisha nicushcata pi mana huillac tiyacpica, ama rimachun. Chaitaca paillaman shinallatac Diosllaman rimachun ninimi.

1 CORINTIOS 14:5

Ñucaca tucui cancuna jaicapi mana uyashca rimaicunata rimaccuna cachunmi munaiman. Shina cacpipish Dios ima nishcata huillaccuna cachunmi, ashtahuanca munani. Chashna cashpami, jaicapi mana uyashca rimaicunata rimactapish atishpa, ashtahuan alli canguichic. Jaicapi mana uyashca rimaicunata rimacpish, tandanacushca criccuna entendichun chai rimashca imata nisha nicushcata huillashpaca, Dios ima nishcata huillac shinallatacmi.