1 CORINTIOS 14:18 - Nuevo Testamento en Quichua Cañar 1996

¹⁸ Ñuca tucui cancunata atishpa, jaicapi mana uyashca rimaicunata rimac cashcamantaca, Diosta pagui ninimi.

Dios Rimashcata Quillcashcami

¹⁸ Tucui cancunata atishpa, mana yachashca rimaicunata rimac cashcamantaca, Diostami pagui nini.

1 CORINTIOS 14:18 ပူးပေါင်းရင်းမြစ်များ

1 CORINTIOS 14:17

Diosta pagui nishpa, can mañashca mai alli cacpipish, caishucmanca imapish mana alli cangachu.

1 CORINTIOS 14:19

Shina cashpapish chunga huaranga rimaita jaicapi mana uyashca rimaipi rimanapac randica, tandanacushca criccunata yachachingapacca entendinalla pichca rimaicunallatami rimasha nini.

1 CORINTIOS 14:2

Maijanpish jaicapi mana uyashca rimaicunata rimacca mana gentecunamanchu riman, ashtahuanpish Taita Diosmanmi riman. Chaitaca pi mana entendinchu. Shina rimashpaca, Diospac Espíritu rimachicllapimi, pi mana entendipacllata riman.

1 CORINTIOS 14:4

Jaicapi mana uyashca rimaita rimacca paipac allipacllatacmi riman, ashtahuanpish Dios ima nishcata huillacca tandanacushca criccuna alli c'atichunmi, chashnaca huillan.

1 CORINTIOS 14:5

Ñucaca tucui cancuna jaicapi mana uyashca rimaicunata rimaccuna cachunmi munaiman. Shina cacpipish Dios ima nishcata huillaccuna cachunmi, ashtahuanca munani. Chashna cashpami, jaicapi mana uyashca rimaicunata rimactapish atishpa, ashtahuan alli canguichic. Jaicapi mana uyashca rimaicunata rimacpish, tandanacushca criccuna entendichun chai rimashca imata nisha nicushcata huillashpaca, Dios ima nishcata huillac shinallatacmi.

1 CORINTIOS 4:7

Shinashpaca, ¿pitac cantaca: “Canmari chaishuccunata yalli alli cangui” ningayari? Tucui can charishcacunaca, ¿manachu Dios cushca? Cutin Dios cushcacunallahuantacca, ¿ima nishpatac can quiquinllatac charishca shina, jatun tucunguiyari?