1 CORINTIOS 14:17 - Nuevo Testamento en Quichua Cañar 1996

¹⁷ Diosta pagui nishpa, can mañashca mai alli cacpipish, caishucmanca imapish mana alli cangachu.

Dios Rimashcata Quillcashcami

¹⁷ Can Diosta allita mañashpa, pagui nicpipish, caishuc criccunaca mana entendishcachu.

1 CORINTIOS 14:17 ပူးပေါင်းရင်းမြစ်များ

ROMANOS 14:19

Chashna cashcamanta caishuc chaishuc ima shina sumacta causanatapish, ima shina ashtahuan ayudanacunatapish munashunchic. Ayudanacushpa, Jesusta alli ningapacca imapipish mana p'iñanacunallata munashunchic.

1 CORINTIOS 14:18

Ñuca tucui cancunata atishpa, jaicapi mana uyashca rimaicunata rimac cashcamantaca, Diosta pagui ninimi.

1 CORINTIOS 14:4

Jaicapi mana uyashca rimaita rimacca paipac allipacllatacmi riman, ashtahuanpish Dios ima nishcata huillacca tandanacushca criccuna alli c'atichunmi, chashnaca huillan.

1 CORINTIOS 14:5

Ñucaca tucui cancuna jaicapi mana uyashca rimaicunata rimaccuna cachunmi munaiman. Shina cacpipish Dios ima nishcata huillaccuna cachunmi, ashtahuanca munani. Chashna cashpami, jaicapi mana uyashca rimaicunata rimactapish atishpa, ashtahuan alli canguichic. Jaicapi mana uyashca rimaicunata rimacpish, tandanacushca criccuna entendichun chai rimashca imata nisha nicushcata huillashpaca, Dios ima nishcata huillac shinallatacmi.

1 CORINTIOS 14:6

C'uyashca criccuna, ñuca cancunapacman rishpa, Dios ima nishcata huillanapac randi, ima alli yachaicunata yachachinapac randi, cashcata yachachinapac randi, imatapish shuctac allita pushanapac randica, jaicapi mana uyashca rimaicunata rimacucpica, ¿ima allitac cangayari?