1 CORINTIOS 14:11 - Nuevo Testamento en Quichua Cañar 1996

¹¹ Ashtahuanpish shuctac rimaita mana entendishpaca, chai rimaita rimacmanca mai caru llactamanta shinami cani, shinallatac chai rimaita rimacpish ñucamanca mai carumanta shinami.

Dios Rimashcata Quillcashcami

¹¹ Shuctac rimaita mana entendishpaca, chai rimaita rimacmanca caru llactamanta shinami cani, shinallatac chai rimaita rimacpish ñucamanca carumanta shinami.

1 CORINTIOS 14:11 ပူးပေါင်းရင်းမြစ်များ

HECHOS 28:2

Chai llactapi causaccunapish ñucanchictaca llaquishpa allimi tuparcacuna. Tamiapi chirihuan upayacucpimi, ninata japichishpa masharichun ningapac ñucanchictaca c'ayarcacuna.

HECHOS 28:4

Maquipi chashna huarcuracucta chaipi causaccuna ricushpaca: “Cai runaca huañuchic runami yuyachin. Ñucanchic diosca millaicunata llaquichic cashpami, yacumanta quishpirimucpipish, paitaca mana causachun saquin” ninacurcacuna.

ROMANOS 1:14

Ñucaca griegocunamanpish,*f** mana griegocunamanpish, yachaccunamanpish, mana yachaccunamanpish huillanami cani.

1 CORINTIOS 14:10

Cai pachapica achca rimaicunami tiyan. Chashna cacpipish chai rimaita rimaccunapuraca entendinacuncunami.

1 CORINTIOS 14:21

Dios quillcachishcapi Mandac Diosca: “Cai llactapi causaccunamanca jaicapi mana uyashca rimaicunahuan, shinallatac shuctac llactamanta cac rimaicunahuanmi rimachisha. Chashna rimacpipish, manatac cazungacunachu” ninmi.

COLOSENSES 3:11

Chashna cashcamantami israelcuna*f** cashpa, mana israelcuna*f** cashpa, circuncisionta*f** ruhuashca cashpa, mana circuncisionta ruhuashca cashpa, carumanta cashpa, mana yachac nishca cashpa, servic cashpa, mana servic cashpapish tucuillatacmi chashnallatac canchic. Tucuimanta yallica Cristopac canami alli. Paica tucuihuanmi causacun.