1 CORINTIOS 12:8 - Nuevo Testamento en Quichua Cañar 1996

⁸ Taita Dios paipac Espirituta cushpami, maijancunataca alli yuyaihuan rimachin. Cutin maijancunamanca chai Espiritullatacmi alli yachaicunata cun.

Dios Rimashcata Quillcashcami

⁸ Diospac Espirituta maijanmanca allita rimachunmi, alli yuyaita cun. Maijanmanca chai Espiritullatacmi alli yachaita cun.

1 CORINTIOS 12:8 ပူးပေါင်းရင်းမြစ်များ

SAN MATEO 13:11

Chashna tapucpimi Jesusca: —Taita Diosca pai mandacucmantaca, pimanpish mana yachachishcatami cancunamanca yachachishca, ashtahuanpish shuccunamanca mana chashna yachachishcachu.

HECHOS 6:3

Chaimanta huauquicuna: Cancunapuramanta alli yachac, alli causac, Diospac Espíritu shungupi junda, canchis runacunata acllaichic. Paicunamanmi micunata chaupichunca, mingashun ninchic.

ROMANOS 15:14

Ñuca c'uyashca criccuna, cancunaca yallita c'uyac shungu cashcata, tucuita alli yachac cashcata, shinallatac caishuc chaishucta cunac cashcatami yachani.

1 CORINTIOS 1:30

Ashtahuanpish Taita Diosllatacmi cancunataca Apunchic Jesucristohuan shuc shinalla cachun ruhuarca. Cristomantami Diosmanta yachashpa, paihuan alli tucushpa, Taita Diospaclla causashpa quishpiringuichic.

1 CORINTIOS 1:5

Paimantami Taita Diosca cancunataca yachaipipish, rimaipipish chayuccuna shinata ruhuashca.

1 CORINTIOS 13:2

Dios ima nishcata huillacushpapish, tucuita yachashpapish, Diosmanta pipish mana yachashcata yachashpapish, shinallatac urcucunata cuyuchingapac tucui shunguhuan cric cashpapish, c'uyaita mana charishpaca, ima mana canichu.

1 CORINTIOS 13:8

Dios ima nishcata huillanapish tucuringami. Jaicapi mana uyashca rimaicunata rimanapish, ña mana tiyangachu. Ima yachanacunapish tucuringami. Shina cacpipish c'uyaica jaicapi mana tucuringachu.

1 CORINTIOS 14:26

C'uyashca criccuna, tucui caicunamanta nishpaca, cancuna tandanacushpaca, shuccunaca salmocunata cantanguichicmi, shuccunaca yachachinguichicmi, shuccunaca Dios ima nishcata huillanguichicmi, shuccunaca jaicapi mana uyashca rimaicunata rimanguichicmi, shuccunaca chai rimai imata nisha nicushcata huillanguichicmi. Shina cashpapish criccuna ashtahuan Jesusta c'atishpa sinchiyachunmi, tucui caicunata ruhuana canguichic.

1 CORINTIOS 14:6

C'uyashca criccuna, ñuca cancunapacman rishpa, Dios ima nishcata huillanapac randi, ima alli yachaicunata yachachinapac randi, cashcata yachachinapac randi, imatapish shuctac allita pushanapac randica, jaicapi mana uyashca rimaicunata rimacucpica, ¿ima allitac cangayari?

1 CORINTIOS 2:11

Shungupi imata yuyacushcataca gentecunapurallapica pi mana yachanchu, ashtahuanpish paipac shungupi cac espiritullami yachan. Chai shinallatacmi Dios imata yuyacushcataca gentecunaca mana yachan, chaitaca Diospac Espiritullami tucuita yachan.

1 CORINTIOS 2:16

Dios quillcachishcapica: “Mandac Diospac yuyaitaca, ¿pitac ricsingayari? Shinallatac paitaca, ¿pitac yachachingayari?” ninmi. Shina cacpipish ñucanchictaca Cristomi yuyaita cushpa yachachicun.

2 CORINTIOS 1:12

Ñucanchic cai pachapi causacushpaca, ima mana allita mana ruhuashpa, imatapish cashcata ruhuashpa causacushcatami yachanchic. Ashtahuancarin cancunahuanmi chashna causarcanchic. Chaimantami cushicunchic. Chashnaca mana ñucanchic yuyaillamantachu causanchic, ashtahuanpish Taita Dios mai c'uyashcallamanta yuyaita cucpimi, chashna causacunchic.

2 CORINTIOS 11:6

Ñucaca rimanata mana alli yachashpapish, Diosmantaca allimi yachani. Chai shina cashcataca ima shinapish cancunamanca ricuchircanillami.

2 CORINTIOS 2:14

Cristohuan ñucanchic mishaccuna cashcata ricuchingapacmi, Taita Diosca tucuipac ñaupapi millaita mishashpa pushacun. Shinallatac mai llactapipish mishquilla ashnacuc shina Cristopac alli huillai ñucanchicmanta huillarichunmi, tucuipi pushacun. Chashna cashcamantami Taita Diostaca pagui nicunalla canchic.

2 CORINTIOS 4:6

Taita Diosca amsata luz achicyachichun nircami. Paillatacmi luz shina ñucanchic shungupi achicyachirca. Jesucristopac ñahuipi Dios sumaimana cashcata shuccunaman ricuchichunmi, chashnaca ruhuarca.

2 CORINTIOS 6:6

Shinallatac pi mana juchanchipac, alli causac, imapish cashcata alli yachac, mana p'iñaric, llaquiccunami canchic. Diospac Espíritu ñucanchic shungupi cashcamantami, chuya shunguhuan c'uyaccuna cashcatapish ricuchinchic.

2 CORINTIOS 8:7

Cancunaca alli criccunami canguichic, alli huillaita huillaccunami canguichic, alli yachaccunami canguichic, cushicushpa imatapish allita ruhuashpa c'aticcunami canguichic, shinallatac ñucanchicta c'uyaccunami canguichic. Chai shinallatacmi cancunaca imata cushpapish, Dios c'uyashcamanta yallita cuna canguichic.