1 CORINTIOS 12:12 - Nuevo Testamento en Quichua Cañar 1996

¹² Cuerpoca shuclla cashpapish, ch'ican ch'ican partecunatami charin. Chashna cashpapish shuc cuerpollami can. Chashnallatacmi Cristopac cuerpomanta nishpapish shuclla can.

Dios Rimashcata Quillcashcami

¹² Cuerpoca shuclla cashpapish, chican chican partecunatami charin. Chashnallatacmi Cristopac cuerpomanta nishpapish shuclla can.

1 CORINTIOS 12:12 ပူးပေါင်းရင်းမြစ်များ

1 CORINTIOS 10:17

Taucacuna cashpapish, tucuimi chai tandallatatac micunchic. Chai shina cashcamantami tucui criccuna shuc cuerpo shina canchic.

1 CORINTIOS 12:20

Chashna cuerpopi ch'ican ch'ican partecuna tiyacpipish, cuerpoca shucllami.

1 CORINTIOS 12:27

Cancunaca Cristopac cuerpo shina cashpami, ch'ican ch'ican partecuna canguichic.

1 CORINTIOS 12:7

Tucuipac allipacmi, Taita Diosca tucui ñucanchicman allicunata ruhuachishpa, paipac Espíritu ñucanchic shungupi cashcata ricuchicun.

GÁLATAS 3:16

Chashna cacpica Taita Diosca pai cusha nishcataca taita Abrahammanpish, paipac huahuacunamanpish cusha nishca. Dios quillcachishcapica mana mirarishca achca huahuacunamanchu Diosca cusha nishca, ashtahuanpish Abrahamtaca: “Cambac huahua huahuacunapuramanta shucllamanmi cusha” nishcami. Chaica Cristomi can.

EFESIOS 1:23

Shina cacpica, tandanacushca criccunaca Cristopac cuerpo shinami can. Criccunaca tucui ima illashcatami Cristomanta chasquin. Shinallatac Cristollami maipipish ima illashcacunatapish cun.

EFESIOS 4:12

Tucui paipaclla caccunataca paipacta ruhuashpa, Cristopac cuerpo shina tandanacushca criccuna ashtahuan sinchi cachunmi, chashnaca acllarca.

EFESIOS 4:4

Diospac Espirituca shucllami. Chaimantami tandanacushca criccunaca shuc cuerpo shinalla can. Taita Diospish cancunata shuclla japina cashcata cushicushpa shuyachunmi c'ayarca.

EFESIOS 5:23

Jesucristoca tandanacushca criccunata uma shina Mandacmi. Shinallatac cusapish huarmitaca uma shina mandacmi. Jesucristoca tandanacushca criccunata Quishpichicmi. Tandanacushca criccunaca Jesucristopac cuerpo shinami.

EFESIOS 5:30

Tandanacushca criccunaca Jesucristopac cuerpo shinami. Chaimanta ñucanchicpish Jesucristopac cuerpo shinallami canchic.

COLOSENSES 1:18

Shinallatac Cristomi tandanacushca criccunataca uma shina mandacun. Tandanacushca criccunaca paipac cuerpo shinami canchic. Pai manarac ima tiyacpi, ña tiyac cashcamanta, shinallatac huañushcacunapuramanta punta causaric cashcamantami, Taita Diosca tucuita punta cachun churarca.

COLOSENSES 1:24

Cancunamanta llaquita apacushcamantaca, cunanca cushicunimi. Chashnami, Cristo paipac cuerpo shina criccunamanta llaquita apashca shina, ñucapish ñuca cuerpopi llaquita apana cashcataca llaquita apacuni.

COLOSENSES 2:19

Paicunaca Apunchic Jesucristohuanca mana shuc shinallachu cancuna. Apunchic Jesucristo tandanacushca criccunapac uma shina cashcamantami, micunata carashpa huiñachic shina tucuita tandachishpa, Dios munashca shina pushan.

COLOSENSES 3:15

Cristollatac cancunapac shungupica, apanacushpa causana yuyaita cushca cachun. Chai shina apanacushpa causachunmi, Taita Diosca cancunata acllashpa, shuc cuerpo shinallatac ruhuarca. Chaimantami paita pagui nina canguichic.