1 CORINTIOS 12:11 - Nuevo Testamento en Quichua Cañar 1996

¹¹ Ashtahuanpish tucui caicunataca imatapish ruhuac Diospac shuclla Espiritullatacmi, maijanman cusha nishca shina imata ruhuaccuna cachun cun.

Dios Rimashcata Quillcashcami

¹¹ Ashtahuanpish tucui caicunataca Diospac shuclla Espiritumi ruhuachin. Paimi maijanman cusha nishca shina, imata ruhuaipacta ricushpa cun.

1 CORINTIOS 12:11 ပူးပေါင်းရင်းမြစ်များ

SAN MATEO 11:26

Ari, ñuca Taitito, can chashna ruhuasha nishcamantami, chashnaca ruhuashcangui.

SAN MATEO 20:15

Ñuca cullquihuanca, imata ruhuasha nishpapish ruhuashallami. Chashna alli cashpa tucuiman cucpica, ¿ama cuchun nishpachu p'iñaringui?’ nirca.

SAN JUAN 3:27

Chaita uyashpami Juanca cashna nirca: —Taita Dios imatapish mana munacpica, pipish imata mana ruhuanmanchu.

SAN JUAN 3:8

Huairaca maimanta cashpapish p'ucunllami. Shina p'ucucpi uyashpapish, maimanta shamuctapish, maiman rictapish mana yachanguichu. Shinallatacmi Diospac Espiritumanta huachariccunaca— nirca.

SAN JUAN 5:21

Ima shinami ñuca Taitaca huañushcacunata causachishpa causaita cun, shinallatacmi ñucapish paipac Churi cashpa, causaita maijanman cusha nishpaca cuni.

ROMANOS 12:6

Taita Diosca pai munashca shinami, tucui ñucanchicman ch'ican ch'ican imata ruhuac cachun cushca. Paimanta huillana yuyaita cushca cacpica, ima shina crishca shinallatacmi huillana can.

ROMANOS 9:18

Shina cashcamantami Taita Diosca maijantami pai llaquisha nishpaca llaquinlla, shinallatac shunguta sinchiyachisha nishpaca sinchiyachinlla.

1 CORINTIOS 12:18

Ashtahuanpish Taita Diosca ch'ican ch'ican partecunatami, maipimi alli cana cacpi cuerpopica churashca.

1 CORINTIOS 12:4

Tandanacushca criccunapurapica, ch'ican ch'ican imata ruhuaccunami tiyan. Shina cacpipish chai ruhuanata cucca Diospac Espiritullami.

1 CORINTIOS 12:6

Ch'ican ch'ican imata ruhuaipaccunami tiyan. Shina cacpipish Taita Diosllatacmi tucuipi, tucui imatapish ruhuachicun.

1 CORINTIOS 7:17

Ashtahuanpish Apunchic Jesucristo cancunaman imata ruhuachun yuyaita cushca shina, Dios cancunata acllai punzha ima shinami carcanguichic, chai shinallatac causanguichic ninimi. Tandanacushca criccunataca maipipish chai shinallatacmi mandani.

1 CORINTIOS 7:7

Ñucamanta nishpaca, tucui c'aricuna ñuca shina causachunmi munani. Shina cacpipish mana tucuimanchu Taita Diosca chai shina canata cushca, ashtahuanpish shucmanca shuctac laya canata, caishucmanca shuctac laya canatami cushca.

2 CORINTIOS 10:13

Dios imatapish ruhuachun nishcacamanllami ruhuarcanchic. Paillatacmi Corintopi causac cancunapacmanpish chayachun cacharca. Dios ruhuachun nishcamanta ashtahuan yallita ruhuashpaca, mana jatun tucushun ninchicchu.

EFESIOS 1:11

Cristohuan shuc shinalla cashcamanta pai cusha nishcata ñucanchic japichunmi, Taita Diosca pai munashca shina ñaupaman ña acllashca. Tucui imatapish pai munashca shinami ruhuan.

EFESIOS 4:7

Shina cashpami, ñucanchicca Diosmanta ruhuac canata Cristo cusha nishpa cushcamanta chasquishcanchic.

HEBREOS 2:4

Taita Diospish pi mana ruhuaipaccunata, pi mana ricushcacunata ruhuashpa, shinallatac pai munashca shina imatapish ruhuachun paipac Espiritutaca cushpami, chashnatac cashcata ricuchirca.

SANTIAGO 1:18

Diosca chai shina munashcamantami, cashcata nic alli huillaita huillashpa, ñucanchicmanca causaita curca. Tucui pai ruhuashcacunamanta ñucanchic punta cachunmi, chashnaca ruhuarca.