1 CORINTIOS 12:10 - Nuevo Testamento en Quichua Cañar 1996

¹⁰ Cutin maijancunaca pi mana ruhuaipacta ruhuaccunami tucuncuna. Cutin maijancunaca Dios ima nishcata huillaccuna tucuncuna. Cutin maijancunaca alli Espirituyuc cashcata, mana alli espirituyuc cashcata yachaccunami tucuncuna. Cutin maijancunaca jaicapi mana uyashca rimaicunata rimaccunami tucuncuna. Cutin maijancunaca chai rimai imata nisha nicushcata entendichiccunami tucuncuna.

Dios Rimashcata Quillcashcami

¹⁰ Maijantaca milagrotami ruhuachin. Maijantaca Dios ima nishcata huillactami ruhuan. Maijantaca alli Espíritu cashcata yachactami ruhuan. Maijantaca mana yachashca rimaicunata rimactami ruhuan. Maijantaca chai mana yachashca rimaita entendichictami ruhuan.

1 CORINTIOS 12:10 ပူးပေါင်းရင်းမြစ်များ

MARCOS 16:17

Ñucata criccunaca pi mana ruhuaipaccunatami ruhuanga. Ñuca shutipimi supaicunatapish llucchishpa cachangacunami, jaicapi mana uyashca rimaicunatapish rimangacunami.

MARCOS 16:20

Yachacuccuna rishpaca, maipipish tucui gentecunamanmi huillarcacuna. Chashna huillacucpica, Apunchic Jesusmi imapipish paicunataca ayudac carca. Pi mana ruhuaipaccunata ruhuachishpami, Jesusca paicunahuan cashcataca ricuchicurca.]

SAN LUCAS 24:49

Chashna huillachunca, ñuca Taita cachasha nishca paipac Espiritutami cancunapacmanca cachasha. Paita ñuca cachangacamanca, cai Jerusalén pueblollapitac shuyanguichiclla. Ñuca cachacpi jahuamanta cancunapac shunguman pai shamucpimi, imatapish ruhuai pudinguichic— nirca.

SAN JUAN 14:12

Maijanpish ñucata cricca, ñuca imallata ruhuashcacunataca ruhuangami, shinallatac Taitapacman ñuca rishcamantaca yallitami ruhuanga. Chaica chashnatacmi canga.

SAN JUAN 16:13

Cashcata nic Diospac Espíritu shamushpami, cancunamanca imapish cashcata yachachinga. Paica mana paipac munaillamantachu rimanga, ashtahuanpish ima uyashcallatami huillanga. Shinallatac tucui imalla tucugricushcatapish yachachingami.

HECHOS 1:8

Shina cacpipish, Diospac Espíritu cancunapacman shamucpimi, tucui imatapish ruhuai pudinguichic. Chaimantami Jerusalén pueblopipish, tucui Judea llactapipish, Samaria llactapipish, shinallatac mai tiyashca llactacunapipish ñucamanta huillagringuichic— nirca.

HECHOS 11:27

Chai punzhacunapimi, Diosmanta huillaccunaca Jerusalenmanta Antioquía puebloman shamurcacuna.

HECHOS 11:28

Chai huillaccunapuramantaca Agabo runa shayarishpami, Diospac Espíritu yuyaita cucpi: “Tucui llactacunapi ima mana p'ucucpi yarcaimi tiyanga” nishpa huillarca. Chaica jatun mandac Claudio mandacui punzhacunapimi, chashna tucurca.

HECHOS 19:6

Ña paicunapac uma jahuapi Pablo maquita churacpica, Diospac Espirituta chasquishpami, jaicapi mana uyashca rimaicunata rimashpa, Dios yuyaita cushcatapish huillarcacuna.

HECHOS 5:3

Chaimantami Pedroca Ananiasta: —Ananías, ¿ima nishpatac Satanasta*f** cambac shungupi yaicuchun saquircangui? Chaimantami canca Diospac Espirituman llullashpa, allpa c'atushca cullquitaca mana tucui apamushcangui.

ROMANOS 12:6

Taita Diosca pai munashca shinami, tucui ñucanchicman ch'ican ch'ican imata ruhuac cachun cushca. Paimanta huillana yuyaita cushca cacpica, ima shina crishca shinallatacmi huillana can.

ROMANOS 15:19

Diospac Espíritu imatapish ruhuachicpimi, pi mana ruhuaipaccunatapish, pi mana ricushcacunatapish ruhuarcani. Chashnami Jerusalén pueblomanta callarishpa, Iliria llactacaman maipipish Cristomanta alli huillaitaca huillarcani.

1 CORINTIOS 11:4

Maijan c'aripish Diosman mañacushpa, mana cashpaca Diosmanta huillacushpa umata tapallishpaca, uma shina mandac Cristotami pingaichin.

1 CORINTIOS 13:8

Dios ima nishcata huillanapish tucuringami. Jaicapi mana uyashca rimaicunata rimanapish, ña mana tiyangachu. Ima yachanacunapish tucuringami. Shina cacpipish c'uyaica jaicapi mana tucuringachu.

1 CORINTIOS 14:13

Shina cashcamanta jaicapi mana uyashca rimaita rimacca, chai rimai imata nisha nicushcata entendingapacmi, Taita Diosman mañana can.

1 CORINTIOS 14:39

Shinashpaca c'uyashca criccuna, Dios ima nishcata huillac canata yallita munaichic. Jaicapi mana uyashca rimaicunata rimanatapish ama jarcaichicchu.

GÁLATAS 3:5

Cancunaca mana Moisés mandashcacunata pactachishcamantachu, ashtahuanpish ñucanchic huillashcata uyashpa crishcamantami Taita Dios paipac Espirituta cushpa, cancunapurapica pi mana ruhuaipaccunata ruhuachicun. ¿Chaitaca manachu yachanguichic?

1 TESALONICENSES 5:20

Dios ima nicushcata Diosllatac huillana yuyaita cucpica, pacta mana uyashun ninguichicman.

HEBREOS 2:4

Taita Diospish pi mana ruhuaipaccunata, pi mana ricushcacunata ruhuashpa, shinallatac pai munashca shina imatapish ruhuachun paipac Espiritutaca cushpami, chashnatac cashcata ricuchirca.

1 JUAN 4:1

C'uyashca criccuna, cai pachapica taucacunami “Diosmanta huillaccunami canchic” niccuna tiyan. Shina cacpipish ama tucuita cringuichicchu, ashtahuanpish Diospac Espirituhuan cashcata, mana cashcata ricunaracmi canguichic.

APOCALIPSIS 2:2

Ñucaca cancuna imata ruhuacushcataca tucuimi yachani. Cancuna mana shaicushpa imata ruhuashcatapish, mana p'iñarishpa c'atirashcatapish, millaicunata mana ricunachishcatapish, shinallatac ‘Jesusmanta huillaccunami canchic’ nishpa llullashpa puriccunata taripashcatapish yachanimi.