1 CORINTIOS 11:26 - Nuevo Testamento en Quichua Cañar 1996

²⁶ Chai shina tandata micushpa, vaso vinota ubiashpaca, Apunchic Jesús cutimungacamanmi pai huañushcata huillacunguichic.

Dios Rimashcata Quillcashcami

²⁶ Chai shina tandata micushpa, vaso vinota ubiashpa, Apunchic Jesús cutimungacaman pai huañushcata huillacunguichic.

1 CORINTIOS 11:26 ပူးပေါင်းရင်းမြစ်များ

SAN JUAN 14:3

Ñuca rishpa cancuna causanata allichishca q'uipaca, ñuca maipimi causani, chaipi cancuna ñucahuan causagrichunmi cutin pushangapac cutimusha.

SAN JUAN 21:22

Chashna tapucpi Jesusca: —Ñuca cutimungacaman paita causacuchunlla nicpipish, ¿canmanca imatac curinyari? Ashtahuanpish canca ñucata c'atilla— nirca.

SAN JUAN 21:23

Chaimantami Jesusta c'aticcunapurapica: “Chai yachacucca jaicapi mana huañungachu” nishpa parlanacui tiyarca. Jesusca mana chai yachacuc huañunamantachu nicurca, ashtahuanpish: “Ñuca cutimungacaman paita causacuchunlla nicpipish, ¿canmanca imatac curinyari?” nishcami carca.

HECHOS 1:11

—Galilea llacta runacuna, ¿ima nishpatac huichailla chaparacunguichic? Cai cancunapacmanta jahua pachaman pushashca Jesusllatacmi, cutin shamunga. Ima shinami pai ricta ricurcanguichic, chashnallatacmi cutimunga— nircacuna.

1 CORINTIOS 15:23

Ima shina cana cashca shinami, tucuipac ñaupaca Cristorac causarirca. Chai q'uipaca Cristo cutimucpimi, tucui paipac caccunaca causaringa.

1 CORINTIOS 4:5

Shinashpaca maijanta juchanchina cacpipish, Apunchic Jesús cutimungacaman amarac imata juchanchinguichicchu. Paimi amsapi imalla pacashcacunatapish, shungu imata yuyashcatapish punzhapi shina tucui ricuchinga. Shina cacpimi, Taita Diosca quiquin imata ruhuashcata ricushpa alli ninga.

1 TESALONICENSES 4:16

Mandac Dios caparishcapish, angelcunata mandac ángel caparishcapish, shinallatac Taita Diospac trompeta tocashcapish uyaringami. Chashna uyaricpica, Apunchic Jesusllatacmi jahua pachamanta shamunga. Chashna tucucpica, maijanpish Apunchic Jesusta crishpa huañuccunaracmi causaringa.

2 TESALONICENSES 1:10

Shamuc punzhapi Apunchic Jesucristo cutimushpaca, tucui paipaclla cac criccuna paita alli nishpa, mana amirichunmari shamunga. Chaipica cancunapish ñucanchic huillashcata crishcamantaca canguichic.

HEBREOS 9:28

Shinallatacmi Apunchic Jesusca achca gentecunapac juchacunata p'ichangapacca, pai quiquinllatac curishpa huañurca. Q'uipataca ña mana juchacunata anchuchingapac shamungachu, ashtahuanpish paita shuyacuccunata quishpichingapacmi shamunga.

2 PEDRO 3:10

Shina cashpapish Apunchic Jesús cutimuna punzhaca shuc shuhua shamuc shinami canga. Shina cashcamanta jahua pachaca jatun manchanayaipac tulun nishca uyaricpimi tucuringa. Chaipi ima tiyaccunaca ninahuanmi tucuchishca canga. Shinallatac cai pacha allpataca, caipi tiyaccunandicmi Taita Dios taripashpaca llaquichinga.

1 JUAN 2:28

C'uyashca huahuacuna, shinashpaca Jesucristo ricuricpi mana manchashpa ñahui ñahui ricuringapacca, paihuan shuc shinalla causaichic. Chashna causashpami pai cutin shamucpica, paipac ñaupapi mana pingashpa tupashun.

SAN JUDAS 1:14

Ñaupa taita Adanmanta Enoccamanca, canchis taitacunami cashca. Enocca Dios yuyaita cucpimi, chai yachachiccunamanta huillashpaca: “Mandac Diosca paipac huaranga huaranga angelcunahuan shamuctami ricurcani.

APOCALIPSIS 1:7

¡Cristoca ñallami p'uyupi shamunga! Paitaca tucuimi ricunga. Shinallatac paita chacatashpa huañuchiccunapish ricungami. Tucui cai pachapi causac gentecunapish ricushpaca, shungupi huactarishpami paimanta huacangacuna. ¡Chaica chashnatacmi canga! Chashna cachun.

APOCALIPSIS 22:20

Caicunata huillac Jesuspish: —¡Ari, utcami shamugrini!— ninmi. Chashna cachun. ¡Apunchic Jesús, utca shamuilla!