1 CORINTIOS 10:14 - Nuevo Testamento en Quichua Cañar 1996

¹⁴ Chaimanta c'uyashca criccuna, ruhuashcalla dioscunata adoranamanta anchurichic.

Dios Rimashcata Quillcashcami

¹⁴ Chaimanta cuyashca criccuna, ruhuashcalla dioscunata ama adoraichicchu.

1 CORINTIOS 10:14 ပူးပေါင်းရင်းမြစ်များ

HECHOS 15:20

Chashna ninapac randica, paicunamanca: ‘Ruhuashcalla dioscunaman ima cushcatapish, yahuartapish, sipishpa huañuchishca aichatapish ama micunguichicchu, shinallatac ama huaclliringuichicchu’ nishpa, quillcashpa cachashunchic.

ROMANOS 12:19

Ñuca c'uyashca criccuna, cancunata maijan llaquichicpica, ama cancunallatac llaquichinata yuyaichicchu, ashtahuanpish Diosllatac llaquichichun saquichiclla. Dios quillcachishcapica: “Llaquichina cacpica, ñucami llaquichisha. Paicuna japina cashca shinallatacmi taripashpa cusha” ninmi.

1 CORINTIOS 10:15

Yachaccunata shinami cancunataca rimani. Ñuca nishcata uyashpaca, cancunallatac yuyarichic.

1 CORINTIOS 10:19

Chashna nishpaca, mana ruhuashcalla dioscunata allimi ninichu. Shinallatac ruhuashcalla diosman cushpa huañuchishca aichami shuc aichacunata yalli alli nishpapish, mana ninichu.

1 CORINTIOS 10:7

Chaimanta paicunapuramanta maijancuna shina, ruhuashcalla dioscunata ama adorashunchic. Dios quillcachishcapica: “Gentecunaca micungapac shinallatac ubiangapacmi tiyarirca. Chai q'uipaca imapish mana allita ruhuashpa, cushicungapacmi jatarircacuna” ninmi.

1 CORINTIOS 5:11

Ashtahuanpish chashna nishpaca, cric cashca jahua huaclliriccunahuan, imatapish charinallata munaccunahuan, imapish tucushca canman niccunahuan, ruhuashcalla dioscunata adoraccunahuan, llullaccunahuan, machaccunahuan, shuhuaccunahuan amatac tandaringuichicchu nisha nircanimi. Chashna gentecunahuanca micungapacllapish ama tiyaringuichicchu ninimi.

2 CORINTIOS 11:11

Chashna nishpaca, ¿cancunata mana c'uyashcamantachu chashnaca nini? Taita Diosllatacmi ñuca cancunata c'uyac cashcataca yachan.

2 CORINTIOS 12:15

Cancunapac alma quishpirichunca, ñuca imalla charishcacunataca mana llaquishpami, cushicushpa cancunamantaca tucuchisha, shinallatac ñuca causaitapish chingachisha. Chashna cancunata yalli c'uyacucpica, ¿ima nishpatac cancunaca ashallata c'uyanguichic?

2 CORINTIOS 12:19

Ñucanchic cancunata ima mana allita ruhuashcamanta “allipi llucshingaraicumi chashnaca nicun” ninguichicchari. ¡Mana chashnachu! Ashtahuanpish ñucanchicca Taita Diospac ñaupapi, shinallatac Jesucristopac acllashcacuna cashcamantami chashnaca ninchic. C'uyashca criccuna, imatapish ruhuashpaca, tandanacushca criccuna sinchiyashpa c'atichunmi chashnaca ruhuanchic.

2 CORINTIOS 6:17

Shina cashcamantami Mandac Diosca: “Paicunapuramanta llucshichic. Paicunamanta ch'icanyarichic. Ima millana mapayachic-huanca ama chapurichicchu. Shina cacpica ñucaca chasquishami” ninmi.

2 CORINTIOS 7:1

Caicunami Dios ñucanchicman allicunata cushami nishcacunaca. Shina cashcamanta c'uyashca criccuna, cuerpotapish, almatapish tucui imapish mapayachinamantaca huacaichirishpa, chuya cashunchic. Shinallatac Taita Diosta manchashpa, paipaclla tucushpa causanata yuyailla cashunchic.

FILIPENSES 4:1

Shina cashcamanta c'uyashca criccuna, Apunchic Jesushuan shuc shinalla cashcamantaca, imapipish sinchi caichic. Cancunaca ñucata cushichiccunami canguichic. Shinallatac cancunamantami coronatapish japisha. Chaimantami c'uyashca criccuna, cancunata ricuna yuyailla cani.

FILEMÓN 1:1

Jesucristomanta huillashpa puricucpi prezu japishca Pablomi, Jesusmanta huauqui Timoteondic, ñucanchic shina Diospacta ruhuac c'uyashca Filemonman caita quillcashpa cachanchic.

HEBREOS 6:9

C'uyashca criccuna, cashna rimashpapish cancuna imatapish allita ruhuashpa, quishpirinaman pushac alli ñanta c'aticushcatami yachanchic.

1 PEDRO 2:11

C'uyashca criccuna, cancunaca caru llactamanta shamushpa, causac shinallami cai pachapica canguichic. Cai pacha jucha munaicunaca cancunapac almahuanca macanacucunmi. Shina cashcamanta chai munaicunamanta huacaichirichun ninimi.

1 JUAN 5:21

C'uyashca huahuacuna, ruhuashcalla dioscunata adoranamantaca huacaichiringuichic.

APOCALIPSIS 13:8

Tucui cai pachapi causaccunami chai animaltaca “allimari cangui” ningacuna. Chaicunaca cai pachata Taita Dios ruhuashca punzhamanta pacha huiñaita causangapac quillcachina libropi mana quillcashcachu can. Chai librotaca huañuchishca cac Pactalla Ovejami*f** charicun.

APOCALIPSIS 2:14

Shina cacpipish cancuna mana allita ruhuacushcataca taucacunatami ricuni. Chaipica Balaam yachachishcacunata c'atishpa mana saquinata munaccunatami charinguichic. Paimi israelcunataca*f** chai ruhuashcalla dioscunaman cushca micunata micuchunlla, huacllirichunlla, juchapi urmachichunlla nishpa, Balactaca yachachishca carca.

APOCALIPSIS 21:8

Ashtahuanpish manchaccunaca, mana criccunaca, yalli millaicunaca, huañuchiccunaca, huaclliriccunaca, brujiaccunaca, ruhuashcalla dioscunata adoraccunaca, shinallatac tucui llullaccunaca azufrehuan rupacuc nina cuchapi shitashcami canga. Chaica q'uipa huañuimi canga— nirca.

APOCALIPSIS 22:15

Shina cacpipish mana allita ruhuaccunaca, brujiaccunaca, huaclliriccunaca, huañuchiccunaca, ruhuashcalla dioscunata adoraccunaca, shinallatac llullanata munashcamanta llullashpa causaccunaca canzhapimi saquiringa.