1 CORINTIOS 1:23 - Nuevo Testamento en Quichua Cañar 1996

²³ Shina cacpipish ñucanchicca Cristo cruzpi huañushcatami huillacunchic. Cai huillashcaca israelcunataca p'iñachic shinami, cutin mana israelcunamanca pucllashca shinami ricurin.

Dios Rimashcata Quillcashcami

²³ Shina cacpipish, ñucanchicca Cristo cruzpi huañushcatami huillacunchic. Cai huillashcaca judiocunataca nanachic shinami, cutin mana judiocunamanca pucllashca shinami ricurin.

1 CORINTIOS 1:23 ပူးပေါင်းရင်းမြစ်များ

SAN MATEO 11:6

Maijanpish ñuca ima ruhuacushcata ricushpa, crishpa mana pandaricmanca, mai cushicuimi— nircami.

SAN MATEO 13:57

Chaimantami Jesustaca mana crisha nircacuna. Shina cacpimi Jesusca: —Diosmanta huillactaca, maipipish allimi chasquincuna. Ashtahuanpish quiquin llactapi causaccunami, quiquin familiamanta pacha callarishpa, mana uyashun nincuna— nirca.

SAN LUCAS 2:34

Simeonca paicunaman Taita Dios bendiciachun mañashca q'uipami, Jesuspac mama Mariataca cashna nirca: —Riqui, cai huahuamantami achca israelcuna chingaringacuna, chashnallatac achcacunami quishpiringacuna. Paica Dios munashcata ruhuashcamanta achcacuna p'iñana cashcata ricuchicmi canga.

1 CORINTIOS 1:18

Apunchic Jesucristo cruzpi huañushcata huillashcaca, chingarinaman ricuc gentecunamanca pucllashca shinami ricurin. Shina cacpipish ñucanchic quishpirinaman riccunamanca, Taita Dios imatapish ruhuaclla cashcatami ricuchin.

1 CORINTIOS 1:21

Tucuita yachac Taita Diosca, paicuna yuyashca shina paita ricsichunca mana saquinchu. Quishpirinamanta alli huillai pucllashca shina cacpipish, Taita Diosca maijanpish paita criccunataca pai c'uyashcallamantami cai huillashcahuan quishpichisha nicun.

1 CORINTIOS 1:28

Chai “yachacmi canchic” niccunataca mana valichishpami, cai pachapi mana alli nishca, imapacpish mana valichishca yangalla gentecunata Taita Diosca acllashca.

1 CORINTIOS 2:14

Diospac Espiritumanta yachanata mana munacca, pai cushcacunataca mana chasquisha ninchu. Chaicunaca paimanca pucllashca shinami. Shinallatac imata nisha nicushcatapish mana entendinchu. Chaitaca Diospac Espíritu yuyachicllapimi, yachac chayancuna.

1 CORINTIOS 2:2

Shinallatac ñuca cancunahuan cashpaca, ima shuctac yachanata mana munashpami, Jesucristo yuyailla cashpa, pai cruzpi huañushcamanta ashtahuan yachanata munarcani.

1 CORINTIOS 4:10

Ñucanchicca Cristota c'aticushcamantaca imata mana yachac, upacuna shina cashcatami yachanchic. Cutin cancunaca Cristomanta yachaccuna cashcatami yuyanguichic. Ñucanchicca imatapish mana ruhuaipaccuna cashcatami yachanchic. Cancunaca imatapish ruhuaipaccunalla cashcatami yuyanguichic. Ñucanchictaca mana ricunachishpa, p'iñaccuna cashcatami yachanchic. Cutin cancunaca: “Ñucanchictaca tucuimi alli nincuna” nishpami yuyanguichic.

2 CORINTIOS 4:5

Ñucanchicca mana ñucanchic quiquinllamantatacchu huillacunchic, ashtahuanpish Apunchic Jesús Mandac cashcatami huillacunchic. Ñucanchicca Jesusta c'uyac cashcamantami, cancunata serviccuna canchic.

GÁLATAS 3:1

Galacia llactapi causac criccuna, ¡cancunaca yuyai illaccunami canguichic! ¿Pitac cancunataca umashpa crichircayari? Tucui cancunapac ricuipi ñuca huillashpaca, Jesucristo ña chacatashca cashcatami huillarcani.

GÁLATAS 5:11

C'uyashca criccuna, ñuca cancunaman “circuncisionta ruhuanaca allimi” nishpa puricpica, israelcunaca*f** mana p'iñanmanchu carca, shinallatac Jesucristo ñucanchicmanta cruzpi huañushcata huillashcapish ña mana paicunata p'iñachinmanchu.

GÁLATAS 6:14

Ñucaca imamantapish mana “alli cani” ninichu, ashtahuanpish Apunchic Jesús cruzpi huañushcallamantami “alli cani” nini. Cristo ñucamanta huañushcamantaca, ñucamanca cai pachapacta ruhuanaca huañushca shina imapish mana canchu, shinallatac ñucapish cai pachapacta ruhuangapacca huañushca shinallatacmi cani.

EFESIOS 3:8

Ñucami Diospaclla cac tucui criccunamantaca ashtahuan yangalla cani. Shina cacpipish Taita Dios c'uyashpami, cai alli huillaita mana israelcunaman huillashpa sumac ruhuanata ñucamanca mingarca. Cai huillanaca Cristo tucuimanta yalli allicunata cuc cashcata huillanami.

HEBREOS 12:2

Jesusta ricuc shina c'atishunchic. Paimantami crinapish tiyan. Shinallatac paillatacmi alli cric cachun pushan. Paica llaquita apashca q'uipa, mai cushicuita japina cashcata yachashpami, cruzpi pingaichishca huañunatapish mana manchashpa huañurcalla. Chai q'uipaca Diospac alli maquimanmi tiyaringapac rirca.

1 PEDRO 2:8

Shinallatac: “Cai rumipimi mitcarishpa urmangacuna” nishcapish pactarcami. Paicunaca Dios rimashca shimita mana cazushcamantami mitcarincuna. Paicunataca ñaupamanmi Diosca chashna tucuchun nishca.