1 CORINTIOS 1:17 - Nuevo Testamento en Quichua Cañar 1996

¹⁷ Cristoca mana bautizachunchu ñucataca cacharca, ashtahuanpish quishpirinamanta alli huillaita huillachunmi cacharca. Cristo cruzpi huañushcata yangapi mana churangapacmi, mana jatun yachac tucushpa huillacuni.

Dios Rimashcata Quillcashcami

¹⁷ Cristoca mana bautizachunchu ñucataca cacharca, ashtahuanpish alli huillaita huillachunmi cacharca. Cristo cruzpi huañushcata yangapi mana churangapacmi, mana jatun yachac tucushpa huillacuni.

1 CORINTIOS 1:17 ပူးပေါင်းရင်းမြစ်များ

SAN JUAN 4:1

“Jesusca tauca c'aticcunata charin, shinallatac Juanta atishpami bautizacun” nishpa fariseocuna*f** puricushcatami, Jesusca yachac chayarca.

SAN JUAN 4:2

Shina nicucpipish, Jesusca mana bautizacchu carca, ashtahuanpish paipac yachacuccunami bautizac carca.

HECHOS 10:48

Shina nishpami Pedroca: —Apunchic Jesuspac shutipi paicunata bautizaichic— nirca. Chai q'uipami Pedrotaca: —Asha punzhacunacaman ñucanchichuan saquiriyari— nishpa mañarcacuna.

1 CORINTIOS 2:1

C'uyashca criccuna, Taita Diosmanta pimanpish mana huillashcata ñuca huillangapac cancunapacman rishpaca, yachac tucushca rimaicunahuanca mana huillarcanichu.

1 CORINTIOS 2:13

Chashna cashpami ñucanchicca mana ñucanchic yuyaillamanta rimanchic, ashtahuanpish Diospac Espíritu yuyaita cushcallatac rimanchic. Shina cashpami Diosmanta yuyaita cushpa, paipac Espíritu yuyaita cushcallata Diosmanta yachanata munaccunamanca yachachinchic.

2 CORINTIOS 1:12

Ñucanchic cai pachapi causacushpaca, ima mana allita mana ruhuashpa, imatapish cashcata ruhuashpa causacushcatami yachanchic. Ashtahuancarin cancunahuanmi chashna causarcanchic. Chaimantami cushicunchic. Chashnaca mana ñucanchic yuyaillamantachu causanchic, ashtahuanpish Taita Dios mai c'uyashcallamanta yuyaita cucpimi, chashna causacunchic.

2 CORINTIOS 10:10

Ñucataca maijancunaca: “Pai quillcashpa rimashpaca, sinchitami riman, ashtahuanpish pai quiquin caipi cashpaca, shina shinallami. Shinallatac pai rimashpaca, pitapish mana cazuchinchu” nincunami.

2 CORINTIOS 11:6

Ñucaca rimanata mana alli yachashpapish, Diosmantaca allimi yachani. Chai shina cashcataca ima shinapish cancunamanca ricuchircanillami.

2 CORINTIOS 4:2

Dios rimashca shimitaca mana chagrushpami huillacunchic. Shinallatac pacallapi pinganayai ruhuanacunata saquishpami, pitapish mana umashpa purinchic. Chaipac randica Dios rimashca shimi mana llulla cashcata ricuchishpami, Diospac ñaupapi tucui mashna ñucanchic allita ruhuac cashcata ricuchun rimanchic.

2 PEDRO 1:16

Imatapish ruhuaclla Apunchic Jesús cutimunamanta ñucanchic yachachishcaca, mana ñucanchic yuyaillamanta yanga rimaicunallachu, ashtahuanpish ñucanchic quiquin ñahuihuantacmi, Apunchic Jesús tucuimanta yalli sumaimana cashcataca ricurcanchic.