1 CORINTIOS 1:14 - Nuevo Testamento en Quichua Cañar 1996

¹⁴ Cancunapuramanta maijantapish mana bautizashcamantaca, Diostami pagui nini. Ñucaca Crispota, shinallatac Gayollatami bautizarcani.

Dios Rimashcata Quillcashcami

¹⁴ Cancunapuramantaca maijantapish mana bautizarcanichu, ashtahuanpish Crispota, shinallatac Gayollatami bautizarcani. Chaimantaca Diostami pagui nini.

1 CORINTIOS 1:14 ပူးပေါင်းရင်းမြစ်များ

HECHOS 10:48

Shina nishpami Pedroca: —Apunchic Jesuspac shutipi paicunata bautizaichic— nirca. Chai q'uipami Pedrotaca: —Asha punzhacunacaman ñucanchichuan saquiriyari— nishpa mañarcacuna.

HECHOS 18:8

Tandanacuna huasipi mandac Crispo runapish, paipac tucui familiandicmi Apunchic Jesustaca crircacuna. Chashnallatac Corinto pueblopi causac caishuc gentecunapish, achcacunami quishpirinamanta alli huillaita uyashpaca, crishpa bautizarircacuna.

ROMANOS 16:23

Shinallatac ñucatapish, tandanacushca criccunatapish pozachic Gayopish “allilla cashca cachun” nishpami cachan. Cai pueblopac cullquita tandachic Erastopish, Jesusmanta huauqui Cuartopish “allilla cashca cachun” nishpami cachancuna.

1 CORINTIOS 1:15

Shina cashcamantaca “Pablopac shutipimi bautizarircani” nishpaca, pipish mana ningachu.

1 CORINTIOS 1:4

Jesucristomanta Taita Dios cancunaman sumac allicunata cushcamantaca, punzhantami Taita Diostaca pagui nicunilla.

1 CORINTIOS 14:18

Ñuca tucui cancunata atishpa, jaicapi mana uyashca rimaicunata rimac cashcamantaca, Diosta pagui ninimi.

2 CORINTIOS 2:14

Cristohuan ñucanchic mishaccuna cashcata ricuchingapacmi, Taita Diosca tucuipac ñaupapi millaita mishashpa pushacun. Shinallatac mai llactapipish mishquilla ashnacuc shina Cristopac alli huillai ñucanchicmanta huillarichunmi, tucuipi pushacun. Chashna cashcamantami Taita Diostaca pagui nicunalla canchic.

EFESIOS 5:20

Ñucanchic Apunchic Jesuspac shutipi punzhanta imamantapish Taita Diostaca pagui nicuichiclla.

COLOSENSES 3:15

Cristollatac cancunapac shungupica, apanacushpa causana yuyaita cushca cachun. Chai shina apanacushpa causachunmi, Taita Diosca cancunata acllashpa, shuc cuerpo shinallatac ruhuarca. Chaimantami paita pagui nina canguichic.

COLOSENSES 3:17

Imata ruhuashpapish, imata parlashpapish, Apunchic Jesuspac shutipimi ruhuana canguichic. Paimantami Taita Diostaca pagui nina canguichic.

1 TESALONICENSES 5:18

Tucui imamantapish Diostaca pagui nicuichiclla. Jesucristota criccunataca chashna ruhuachunmi, Taita Diosca munan.

1 TIMOTEO 1:12

Alli crishpa c'atichun ñucata sinchiyachishcamanta, shinallatac ñuca paita cazuc cashcata yachashpa paita servichun churashcamantami, ñucanchic Apunchic Jesucristotaca pagui nicunilla.

FILEMÓN 1:4

C'uyashca Filemón, cantaca Apunchic Jesusta alli cric, shinallatac Diospaclla cac tucui criccunatapish c'uyac cashcatami uyarcani. Chaimantami Taita Diosman mañacushpaca, canmantapish mañashpa pagui nicunilla.