1 CORINTIOS 1:13 - Nuevo Testamento en Quichua Cañar 1996

¹³ Shina cacpica, ¿Cristoca ch'ican ch'icanchari tucushcachari? ¿Pablochari cancunamanta cruzpica chacatarircaniyari? Mana cashpaca, ¿Pablopac shutipichu bautizarircanguichic?

Dios Rimashcata Quillcashcami

¹³ ¿Cristoca chaupirishcachu? ¿Pablochu cancunamanta cruzpi chacatarirca? Mana cashpaca, ¿Pablopac shutipichu bautizarircanguichic?

1 CORINTIOS 1:13 ပူးပေါင်းရင်းမြစ်များ

SAN MATEO 28:19

Chaimanta tucui cai pachapi causaccunapacman rishpa, ñuca yachacuccuna tucuchun yachachigrichic. Paicunataca Taita Diospac, paipac Churipac, Diospac Espiritupac shutipi bautizanguichic.

SAN MATEO 3:6

Paicunataca juchacunamanta llaquirishpa Taita Diosman huillacpimi, Juanca bautizac carca.

HECHOS 10:48

Shina nishpami Pedroca: —Apunchic Jesuspac shutipi paicunata bautizaichic— nirca. Chai q'uipami Pedrotaca: —Asha punzhacunacaman ñucanchichuan saquiriyari— nishpa mañarcacuna.

HECHOS 19:5

Pablo chashna huillacta uyashpaca, Apunchic Jesuspac shutipimi bautizarircacuna.

HECHOS 2:38

Chashna tapucpimi, Pedroca paicunataca: —Juchayuc cashcamanta llaquirishpa, Diosman cutirishpa, Jesucristopac shutipi bautizarichic. Chashna ruhuacpimi, Taita Diosca cancunapac juchacunata perdonanga, shinallatac paipac Espiritutapish cancunamanca cunga.

HECHOS 8:16

Paicunapacman Diospac Espíritu manarac shamushca cacpimi, Apunchic Jesuspac shutillapi bautizashca carcacuna.

ROMANOS 14:9

Shina cachunmi Apunchic Jesusca huañushcacunapacpish, causaccunapacpish Mandac cangapac huañushpa causarirca.

1 CORINTIOS 1:15

Shina cashcamantaca “Pablopac shutipimi bautizarircani” nishpaca, pipish mana ningachu.

1 CORINTIOS 10:2

Chashna p'uyuhuanpish, cucha yacuhuanpish bautizaric shina tucushpami, Moiseshuan shuc shinalla tucurcacuna.

2 CORINTIOS 11:4

Maijanpish ñucanchic huillashca Jesusmanta shuctac layaman huillangapac chayacpica, chasquicllami canguichic. Shinallatac cancuna chasquishca Espiritumanta shuctac laya espiritutapish, cancuna chasquishca alli huillaimanta shuctac laya huillaitapish chasquinguichicllami.

GÁLATAS 1:7

Quishpirina alli huillaimanta ashtahuan shuctac alli huillaica mana tiyanchu. Ashtahuanpish cancunataca pandachingaraicullami, maijancunaca Cristomanta alli huillaitaca shuctac layaman yachachishun nincuna.

EFESIOS 4:5

Chashnallatac Apunchic Jesuspish shucllami. Crinapish shucllami, bautizarinapish shucllami.

TITO 2:14

Paica juchacunata anchuchishpa tucui millaimanta quishpichingapac, shinallatac paipaclla cashpa imapish allita ruhuaccuna cachunmi, ñucanchicmanta llaquita apashpa huañurca.