1 CORINTIOS 1:10 - Nuevo Testamento en Quichua Cañar 1996

¹⁰ C'uyashca criccuna, Apunchic Jesucristopac shutipimi ama ch'icanyarinacushpa, shuc shinalla tucushpa causachun mañani. Tucui imapipish shuc yuyailla, shuc shinalla yuyarishpa, c'uyanacushpa causaichic.

Dios Rimashcata Quillcashcami

¹⁰ Cuyashca criccuna, Apunchic Jesucristopac shutipimi ama chicanyarinacushpa, tucui imapipish shuc yuyailla, shuc shinalla yuyarishpa, cuyanacushpa causaichic nini.

1 CORINTIOS 1:10 ပူးပေါင်းရင်းမြစ်များ

SAN MATEO 9:16

Pipish mauca churanataca, mushuc pañuhuanca mana remendanchu. Chashna ruhuacpica, mushuc pañuca uchillayashpa, mauca churanataca ashtahuanmi lliquinman.

MARCOS 2:21

Pipish mauca churanataca, mushuc pañuhuanca mana remendanchu. Chashna remendacpica, mushuc pañuca uchillayashpa, mauca churanataca ashtahuan lliquinmanmi.

MARCOS 3:24

Shinallatac maijan llactata mandaccunapura p'iñanacushpa, caishuc chaishuc macanacucpica, paicuna mandacushcaca chingarinmanllami.

SAN JUAN 10:19

Israelcuna*f** chaita uyashpaca, paicunapurami cutinllatac ch'icanyarinacurca.

SAN JUAN 17:23

Ñucaca paicunahuan, canca ñucahuan cacpimi, paicunaca shuc shinalla canga. Shina cacpimi, cai pachapi causaccunaca can cachashcata, shinallatac ñucata ima shinami c'uyangui, chashnallatac paicunatapish c'uyac cashcata yachangacuna.

SAN JUAN 7:43

Chashnami gentecunapurapica shucca shuctac, shucca shuctac yuyashpa ch'icanyarinacui tiyarca.

SAN JUAN 9:16

Shina nicpi maijan fariseocunaca: —Samana punzhata mana cazushpa, caita ruhuacca mana Diosmantachu shamushca canga— nircacuna. Cutin maijancunaca: —Shuc juchayuc runaca, ¿ima shinatac pi mana ruhuaipaccunataca ruhuangayari?— nircacuna. Chashna ninacushpami, paicunapura ch'icanyarinacui tiyarca.

HECHOS 4:32

Criccunaca achca cashpapish, tucuimi shuc shungulla, shuc yuyailla carcacuna. Pi “caica ñucapacmi, chaica cambacmi” mana ninacucchu carca. Chaimantami ima charishcacunapish tucuipac carca.

ROMANOS 1:13

C'uyashca criccuna, tauca cutinmi cancunataca ricugrinata munarcani. Shina cashpapish imamantapish jarcarishpami, cancunataca mana ricugrircani. Chaitami yachachun munani. Ñucaca ima shinami shuctac llactacunapi granota tandachic shina criccunata tandachircani, chai shinallatacmi cancunapac llactapipish tandachinata munani.

ROMANOS 12:1

Chaimanta ñuca c'uyashca criccuna, Taita Dios llaquishcamanta cancunapac cuerpota Taita Diosman cushpa, rupachishca shina paipaclla tucushpa, pai munashca shina causachunmi mañani. Chashna ruhuashpami, Taita Diosta tucui shunguhuan alli ninguichic.

ROMANOS 12:16

Caishuc chaishuchuan alli apanacushpa causaichic. Ima cashpapish ama jatun tucuichicchu, ashtahuanpish chai mana jatun tucuccunahuan tandanacuichic. Cancunapac quiquin yuyaillapi ama “yachacmi cani” nichicchu.

ROMANOS 15:30

C'uyashca criccuna, ñucanchic Apunchic Jesucristota crishcamanta, shinallatac Diospac Espíritu c'uyaita cushcamanta, ñucahuan tucushpa, tucui shunguhuan Taita Diosman ñucamanta mañachunmi munani.

ROMANOS 16:17

C'uyashca criccuna, pandachishpa ch'icanyarinapi churaccunamantaca cancunallatac huacaichirichic, ninimi. Chaicunaca cancuna yachacushcacunata mana cazushpami, chashnaca ruhuancuna. Paicunamantaca ch'icanyarichic.

1 CORINTIOS 1:11

C'uyashca criccuna, cancunapura ch'icanyarinacui tiyanmi nishpa, Cloé aillupuramanta huillacpimi, cai shinaca nini.

1 CORINTIOS 11:18

Cancuna Taita Diosta cushichingapac tandanacushpapish, ch'icanyarinacui tiyashcatami puntaca uyani. Chai shina nishcacunaca, maijan cutinca chashnatacmi canga yuyanimi.

1 CORINTIOS 12:25

Cuerpopi tiyac partecuna ama ch'icanyarinacushpa, caishuc chaishuc ayudanacuchunmi, chashnaca ruhuashca.

1 CORINTIOS 3:3

Cancunaca cai pacha jucha munashca shina causacushcamantami, shuccuna ama charichun nishpa munanacunguichic, shinallatac p'iñanacunguichic. Chashna ruhuashpaca, chairac cai pacha jucha munashca shina causacushcamantami ruhuacunguichic.

1 CORINTIOS 4:16

Shina cashcamanta ñuca causashca shinallatac, cancunapish causaichic.

2 CORINTIOS 10:1

Ñucaca Pablomi cani. Cancunapac ñaupapi cashpaca, manchaihuanshi cani, cutin carupi cashpaca, pitapish mana manchashpa imatapish rimaricllashi cani nicucpipish, Cristo llaquishpa c'uyashcamantami cashna nishpa mañani:

2 CORINTIOS 13:11

Ña tucuchingapacca caitami nisha nini: Cushilla causashpa, punzhanta allichirishpa c'atichic. Caishuc chaishuc yuyachinacushpa, sumacta causaichic. Chashna causacpimi, sumac causaita cuc Taita Diosca cancunahuan canga.

2 CORINTIOS 13:9

Chaimanta ñucata “shina shinalla cricmi” nicucpipish, cancuna ashtahuan sinchi criccuna cacpimi cushicuni. Cancuna Cristota c'atishpa, ashtahuan sinchiyangacamanmi, Taita Diosman mañashpa c'aticushalla.

2 CORINTIOS 5:20

Shina cashcamantami ñucanchicca Cristopac randi huillachun cachashca huillaccuna canchic. Shina cashpami Diosllatac “ñucahuan alli tucuichic” nicuc shina, ñucanchicta huillachicun. Chashna cashcamantami “Cristopac shutipi Dioshuan alli tucuichic” nishpa mañacunchic.

2 CORINTIOS 6:1

Cunanca Dios mingashcata paillahuantac ruhuaccuna cashcamantami, ñucanchicca Dios mai c'uyashpa, cancunaman allicunata cushcataca ama yangalla cashcata yuyanguichicchu nishpa rimanchic.

GÁLATAS 4:12

C'uyashca criccuna, ñucaca cancuna shinami tucurcani. Chaimanta tucui cancunapish ñuca shina tucuchunmi mañani. Cancuna ñucaman ima mana allita ruhuashcataca mana yuyanichu.

FILIPENSES 1:27

Tucuimanta yallica Cristomanta alli huillaita cazushpa, chai yuyailla alli causachunmi munani. Ñuca cancunata ricungapac ricpipish mana ricpipish, alli huillaita crinamanta pi ima nicucpipish, macanacuipi shayaric shina, tucui mashna shuc yuyailla alli c'aticushcatami cancunamantaca uyasha nini.

FILIPENSES 3:16

Shina cashcamanta ña uyashcata alli yuyarishpa, ñucanchic c'aticushca shinallatac alli causashunchic.

1 TESALONICENSES 5:13

Paicuna allita ruhuacushcamantaca, c'uyashpa alli ninami canguichic. Shinallatac caishuc chaishuchuanmi alli sumacta causana canguichic.

2 TESALONICENSES 2:1

Cunanca c'uyashca criccuna, ñucanchic Apunchic Jesús cutimunamantapish, ñucanchic paihuan tandanacunamantapishmi huillashun ninchic.

1 TIMOTEO 5:21

Taita Diospac, Quishpichic Jesucristopac, shinallatac Diospac acllashca angelcunapac ñaupapimi, pimanpish mana tucushpa, imapish cashcallata ruhuachun nishpa caicunataca mingani.

2 TIMOTEO 4:1

Canmanca Taita Diospac ñaupapi, shinallatac huañushcacunatapish, causaccunatapish Jatun Mandac shina taripangapac shamuc Apunchic Jesucristopac ñaupapimi caitaca mingani:

1 PEDRO 2:11

C'uyashca criccuna, cancunaca caru llactamanta shamushpa, causac shinallami cai pachapica canguichic. Cai pacha jucha munaicunaca cancunapac almahuanca macanacucunmi. Shina cashcamanta chai munaicunamanta huacaichirichun ninimi.

1 PEDRO 5:10

Ashtahuanpish asha punzhacaman llaquicunata cancuna apashca q'uipaca, Diosllatacmi pi mana juchanchipacta ruhuashpa, alli sinchiyachishca shina alli c'aticta ruhuanga. Paillatacmi ñucanchictaca Jesucristohuan shuc shinalla tucushcamantaca, paipac jatun c'uyaimanta huiñaita sumacyachishca cachun acllarca.