Sofonías 3:8 - Tayta Diospa Wilakuynin

⁸ Saymi Tayta Dios nin: <<¡Shuyaykuyay hïju! Juzganä junaq imay karpis chämunqami. Fiyupa rabyanäsiyämashqanpitami lapan nacionkunata shuntaykur castigashaq. Nina imaykatapis liptaypa rupar ushaqnömi kay pasacho taqkunata lapanta ushakäsishaq>>.

Sofonías 3:8 ပူးပေါင်းရင်းမြစ်များ

Salmo 12:5

5 (6) Saymi Tayta Dios nin: <>.

Salmo 123:2

Patronninman ashmay yärakushqannömi qamman yärakayämü. Patrönanman ashmay warmi yärakushqannömi kuyapäyämänaykipaq yärakayämü.

Salmo 27:14

Tayta Dioslaman imaypis yärakuyay. Mana ajayaypa y mana desvaloraypa paylaman yärakuyay.

Salmo 37:34

Tayta Diosman yärakuy. Pay munashqanno imaypis kaway. Sayno kawaptikiqa paymi yanapäshunki qoshushqayki nacioncho kushish kawanaykipaq. Rikaykaptikimi yaqa runakunata ushakäsinqa.

Salmo 37:7

Tayta Diosman yärakur ama lakikuysu. Yanapäshunaykipaq mana ajayaypa shuyakuy. Runa imaykayuqpis rikakuptin ama rabyakuysu. Mana alita rurananpaq yarpachakuptinpis ama cäsupaysu.

Salmo 62:1

1 (2) Tayta Dioslami tranquïlu kawanäpaq yanapäman. Paypitami salvacionnï.

Salmo 62:5

5 (6) Tayta Dioslami jawkala kawanäpaq yanapäman. Paylamanmi imaypis yärakü.

Salmo 79:5

Tayta Dios, ¡imayyaqraq noqakunawan rabyashla kaykanki! ¿Saynölasuraq imayyaqpis rabyash kaykanki?

Salmo 79:6

Rabyash karqa contrayki sharkuq nación runakunata castigaykulay. Paykunaqa manami cäsuyäshunkisu ni jutikitapis manami joqariyansu.

Proverbios 20:22

Venganzata ruranaykipaqqa ama yarpaysu. Saypa trukanqa Tayta Diosman yärakuy. Paymi imapitapis sapäshunki.

Cantares 8:6

Imaypis yarparämänaykipaq shonquykiman churaykalämay. Mana qonqämänaykipaq rikraykimanpis jutïta qelqaykulay. Kuyanakuytaqa wanuytano manami pipis sapansu. Waylunakuypitapis sepultürapitano manami qeshpinsisu. Kuyanakuyqa Tayta Diospita shamuq nina karmi imaypis upinsu.

Isaías 14:26

Maysay nacionkunapaqmi sayno yarpaykä. Lapan nación runakunata castiganäpaqmi kamarikush kaykä.

Isaías 30:18

Tayta Diosman yärakuyta mana munayaptikipis kuyapäkuq y ali kaqlata ruraq karmi payman yärakuyänaykita shuyaraykäyäshunki. Payman yärakuyaptikiqa kuyapäyäshushpaykimi yanapäyäshunki. Payman yärakuqkunaqa ali kawaytami tariyan.

Isaías 34:2

Lapan nacionkunapaqpis Tayta Dios rabyashqami kaykan. Nacionkunapa soldädunkunapaqpis rabyashqami kaykan. Paymi lapan nacionkunata chipyaq ushakäsinqa.

Isaías 63:6

Rabyakurmi markakunata ushakäsishkä. Seqaypa ajanarmi chipyaq llëvasishkä. Yawarnintapis yakutanöraqmi jichashkä>>.

Jeremías 10:25

Rabyash elaqäsiyämänaykipa trukan juk nación runakunata elaqaykasilay. Kuyashqayki Israel runakuna kaykäyaptïmi say runakunaqa ushakäsiyämash. Intëru kay nacionnikitami chipyaq ushakäsiyash. Say runakunaqa manami jutikitapis joqariyansu ni reqiyäshunkisu.

Oseas 12:6

6 (7) Sayno kaykaptinqa jusalikuykunata wanakur Tayta Diosta perdonta manakuyay. Tayta Diosta promitiyashqaykinöla leyninkunata cäsukur kawayay. Kuyayäshuqniki Tayta Diosman imaypis yärakuyay.

Joel 3:2

2 (4.2) Lapan nación runakunata shuntarkurmi Josafat Pampaman apashaq. Saychömi paykunata juzgashaq kuyashqä Israel runakunapa contran rikakuyashqanpita. Qoykushqä nacionninpitami Israel runakunata say contrankuna maysay nacionman qarquyash. Israel nación noqapa kaykaptinmi paykuna aypunakuyash.

Miqueas 7:7

Sayno kaptinpis noqaqa Tayta Dioslamanmi yärakuykä. Salvamänanpaq Tayta Dioslamanmi imaypis yärakushaq. Payqa manakushqäta wiyamanmi.

Habacuc 2:3

Say revelashqäqa tiempun chämuptinraqmi cumplinqa. Jukla mana cumpliptinpis mana ajayaypa shuyaray. Imay karpis kamakanqami. Höran chämuptinqa lapanpis nishqänömi kanqa.

Sofonías 1:18

Tayta Dios juzganan junaqqa manami qellayninkunapis ni qorinkunapis runakunata salvanqasu. Paymi fiyupa rabyashpan kay nacionta chipyaq ushakäsinqa. Elaqpitami kay nacioncho taqkunata lapanta ushakäsinqa.

Hageo 2:22

Reykunatami manakaqman churashaq. Munayyuq nacionkunapis vincish kayänanpaqmi kamakäsishaq. Guërra carrëtankunatapis manijaqnintintami kuchpakäsishaq. Cawallun loqash aywaqkunapis kikinpurami wanusinakuyanqa.

Mateo 25:32

Say junaqmi maysay nacionpitapis lapan runakuna nawpanman shuntakäyanqa. Saychömi misikuq runa uyshakunata cabrakunapita rakishqanno runakunata rakinqa.

2 Pedro 3:10

[Sakaypa] elaqpita suwa shamushqannömi Señor Jesucristupis elaqpita shamunqa. Pay shamuptinmi intipis, killapis y lapan qoyllarkunapis mansariypaq bunrurur ninawan rupaykar ushakäyanqa. Saynölami kay pasapis y kay pasacho kaqkunapis rupaykälar chipyaq ushakanqa.

Apocalípsis 16:1

Saypitanami wiyarqä jana pasacho kaykaq templupita qanchis angilkunaman sinchipa qayakur nikaqta: <>.

Apocalípsis 16:14

Say kimsa supaykunaqa milagrukunatapis rurayarqanmi. Maysaypapis aywarmi reykunata y soldädunkunata shuntayarqan lapanpaq munayyuq Tayta Dios juzganan junaq pelyayänanpaq.