Sofonías 2:2 - Tayta Diospa Wilakuynin

² Tayta Dios rabyanan junaq manaraq chämushqanyaq jusalikuyta kachariyay. Mana kachariyaptikiqa punshata wayra apar ushakäsishqannömi ushakäsiyäshunkipaq.

Sofonías 2:2 ပူးပေါင်းရင်းမြစ်များ

Job 21:18

Manami shukukuy wayra oqshata apaqno paykunataqa elaqäsinsu.

Salmo 1:4

Jusalikuycho kawaq runakunaqa manami saynösu kawaykäyan. Paykunaqa wayra apashqan saki punshanömi kaykäyan.

Salmo 2:12

Diospa surinta respitar qonqurpakuyay. Mana respitayaptikiqa jinan höra rabyakushpanmi wanusiyäshunki. ¡Payman yärakuqkunami isanqa kushish kawayanqa!

Salmo 50:22

<

Isaías 17:13

Sayno shayämuptinpis Tayta Dios olqutupaykuptinqa karupami qeshpir aywakuyanqa. Jirkacho oqshata wayra apakushqanno y polvuta wayra apakushqannömi aywakuyanqa.

Jeremías 23:20

Rabyaynïqa manami päsanqasu lapan yarpashqäkunata manaraq rurayta ushaptïqa. Tiempu päsarkuptinraqmi saytaqa tantiyakuyanki.

Jeremías 4:4

Pactu rurashqansita cumpliyänaykipaq shonquykikunata señalakuyay. Sayno mana rurayaptikiqa fiyupami rabyakurkushaq. Rabyakurkuptïqa manami imanöpapis päsasiyta kamäpakuyankipaqsu>>.

Lamentaciones 4:11

Jerusalénta sayno castigarraqmi fiyupa rabyakushqanta Tayta Dios paskakäsish. Sión markata ninawan rupasirmi wayikunata cimientuntinta chipyaq ushakäsish.

Ezequiel 12:25

Wilakuqnïkuna imata wilakuyänanpaqpis kikïmi parlapäshaq. Wilakasishqänölami lapanpis kanqa. Manaraqpis wanuyaptikimi nishqänöla lapantapis cumplisishaq. Mana wiyakuq runakuna, tantiyakuyay>. Tayta Diosmi sayno nin>>.

Oseas 13:3

Saymi tuta pukutaypis y shulyapis elaqaskiqno elaqäyanqa. Saki oqshata wayra apakushqanno y jornupita qoshtay yarqur elaqäkuqnömi elaqäyanqa.

Nahum 1:6

Pay rabyanaptin ¿piraq mansarinmansu? Pay ajanaptin ¿piraq ichipanman? Pay rabyakurqa ninanöraqmi imaykatapis ushan. Pay puriptinqa qaqakunapis shilikäyanmi.

Sofonías 1:18

Tayta Dios juzganan junaqqa manami qellayninkunapis ni qorinkunapis runakunata salvanqasu. Paymi fiyupa rabyashpan kay nacionta chipyaq ushakäsinqa. Elaqpitami kay nacioncho taqkunata lapanta ushakäsinqa.

Sofonías 3:8

Saymi Tayta Dios nin: <<¡Shuyaykuyay hïju! Juzganä junaq imay karpis chämunqami. Fiyupa rabyanäsiyämashqanpitami lapan nacionkunata shuntaykur castigashaq. Nina imaykatapis liptaypa rupar ushaqnömi kay pasacho taqkunata lapanta ushakäsishaq>>.

Mateo 24:35

Jana pasa y kay pasa ushakaptinpis noqa nishqäkuna manami ushakanqasu.