4 <
1 (1b) Munayyuq Tayta Diosmi kay pasacho taqkunata qayaykäsin. Inti jeqamunanlächo taq runakunatapis y inti jeqananlächo taq runakunatapis lapantami qayaykäsin.
Marka yaykuna jatun punku nawpanchöpis shuyaraykäshunkimi. Saykunapitami qayakur nimun:
Mana tantiyakuq maqtakuna y jipashkuna, tantiyakuq kanaykipaq noqapita yachakuyay.
Maysay markakunacho taqkuna, Tayta Dios nishqanta lapayki wiyayay. Munayyuq Tayta Diosmi sagrädu templunpita pasa jusalikuyashqaykita shimpiyäshunkipaq.
Rinriyuq kaqkunaqa nishqäkunata wiyakuyäsun.
Runakunata kuyashpanmi juklayla Surinta Tayta Dios kachamurqan. Saymi pipis payman yärakuq kaqqa ushakanqasu, saypa trukanqa mana ushakaq kawayta tarinqa.
Nawpanman chänansipaqqa Jesucristuman imaypis yärakushun. Ali wilakuynincho nimashqansita imaypis wiyakushun. Say wilakuytaqa maysaychöpis wilakuykäyanmi. Saynölami noqapis wilakuykä wilakuqnin kanäpaq Tayta Dios akramash kaptin.
Saymi Tayta Dios yachayta qoyämashqan tupu Jesucristupa wilakuyninta lapan runakunata wilapar shumaq tantiyasiyä. Sayno wilakuyä Jesucristuta pïmaypis chaskikur Tayta Diospa nawpanman jusaynaqna chäyänanpaqmi.
Santu Espïritupis y Jesucristuwan majasakänanpaq jipashpis <<¡jukla shamuyna, Taytay!>> nikäyanmi. Kay librucho qelqaraykaqkunata wiyaqkunapis <> niyäsun. Yakunaqkunaqa shayämusun. Imayyaqpis kawasikuq yakuta dembaldila upuyäsun.
