Proverbios 26:3 - Tayta Diospa Wilakuynin

³ Bozalwanmi cawalluta amansansi. Lätiguwanmi ashnuta manshuyäsinsi. Garrutiwannami mana tantiyakuq runata corriginsi.

Proverbios 26:3 ပူးပေါင်းရင်းမြစ်များ

Salmo 32:9

Mulano y cawalluno mana tantiyakuq ama kaysu. Mulatawan cawallutaqa bozalwan y frënuwanraqmi manijayan. Frënun mana kaptinqa manami manijayta kamäpakunsu>>.

Proverbios 10:13

Tantiyakuq runaqa imatapis alimi tantiyasikun. Mana tantiyakuq runaqa maypis wirukuykuy munaymi kaykan.

Proverbios 17:10

Tantiyakuq karqa anyapaptin chaskikunmi. Mana tantiyakuq karmi isanqa mayjina astaptinpis chaskikunsu.

Proverbios 19:25

Mana tantiyakuq runaqa shimisapa runata castigaqta rikakurraqmi tantiyakun. Tantiyakuq runami isanqa yäsishlanwan tantiyakun.

Proverbios 19:29

Shimisapa runataqa wiruypami castigayan. Mana wiyakuq runataqa astaypami castigayan.

Proverbios 27:22

Mana tantiyakuq runaqa trïguta wiruqno mayjina wiruptinpis kashlanmi kanqa.

1 Corintios 4:21

¿Imano chämunätataq munayanki? ¿Rabyash chämunätaku o kushish chämunätaku?

2 Corintios 10:6

Saymi favornï kayaptikiqa noqa shamur qamkunacho kaykaq conträ parlaqkunata olqutupäshaq.

2 Corintios 13:2

Qamkuna kaqman shamur jusalikuykaqkunata maynami nirqä jusalikuyashqanta kachariyänanpaq. Kananpis nawpaykikunacho kaykaqnömi lapaykita yapay kayno nï: Kanan kutimur saynöla jusalikuykaqta tarirqa manami kuyapäyäshaykisu.