Proverbios 2:6 - Tayta Diospa Wilakuynin

⁶ Tantiyakuq kanaykipaqqa Tayta Diosmi yachayta qoshunki. Paypitaraqmi tantiyakuytapis y yachaytapis chaskinki.

Proverbios 2:6 ပူးပေါင်းရင်းမြစ်များ

1 Reyes 10:24

Yachaq kananpaq Tayta Dios yanapaptinmi lapan nacionpitapis payman aywayarqan yachasishqanta wiyayänanpaq.

1 Reyes 3:12

Saymi manakamashqaykino yanapäshayki ali tantiyakuq y yachaq kanaykipaq. Qam yachaq kashqaykinöqa manami pipis kashsu ni imaypis kanqasu.

1 Reyes 3:9

Say runakunata shumaq mandanäpaq ali yarpayta y yachayta qoykalämay, Taytay. Shumaq tantiyaykasilämay yarpaynïkuna ali kashqanta o mana ali kashqantapis musyanäpaq. Tantiyayta mana qomaptikiqa manami kuyashqayki saysika runakunata mandayta kamäpakushaqsu>>.

1 Reyes 4:29

29 (5.9) Tayta Diosmi Salomóntaqa yachayta qorqan shumaq tantiyakuq kananpaq. Saymi aja tantiyay kaqkunatapis payqa tantiyarirqan.

1 Crónicas 22:12

Saynöpis tantiyayta y yachayta qoykuläshunki Israel nacionpa mandaqnin rey kashpayki leyninkunata cumplinaykipaq.

Esdras 7:25

Esdras, Diosniki tantiyasishushqaykino Éufrates mayu wak simpan provinciacho juezkunatapis y gobernadorkunatapis churanki. Paykunami arreglayanqa Israel mayikikuna kikinpura quejakuyashqanta. Saynöpis Diosnikipa leyninkunata mana yachaq kaqtaqa yachasinki.

Nehemías 7:5

Tayta Dios yarpayta qomaptinmi qayasirqä mayor runakunata, autoridäkunata y wakin runakunatapis ayllunpa ayllunpa padrunayänäpaq. Saychömi tarirqä punta shamuq runakuna padrunakuyashqan rölluta. Say libruchömi kayno qelqaraykarqan:

Job 12:13

Tayta Diosqa mas yachaq y munayyuqmi kaykan. Paypitami yachaytapis tantiyakuytapis chaskinsi.

Job 12:16

Munayyuqmi y tantiyakuqmi pay kaykan. Musyanmi pï engañakuq kashqanta y pï engañash kashqantapis.

Job 22:22

Pay yachasishushqaykita shumaq wiyakuy. Lapan nishushqaykita shonquykiman churakuy.

Job 32:8

Sayno kaptinpis lapanpaq munayyuq Tayta Diosmi tantiyakuyta qomansi. Tantiyakuq kanansipaqmi Espïritunwan tantiyasimansi.

Salmo 119:104

Yachasikuynikita yachakurmi mas tantiyakuq rikakü. Saymi lutan ruraykunapita witikushkä.

Salmo 119:34

Leynikikunata cäsukunäpaq tantiyaykasilämay. Saynöpami lapan shonqüwan cumplishaq.

Salmo 119:98

Mandamientuykikunata imaypis yarparaykämi. Saymi chikimaqnïkunapita mas yachaq kaykä.

Salmo 19:7

7 (8) Tayta Diospa leyninkuna kikin Diospita karmi imaypis mushuq kawayman churamansi. Tayta Diospa palabran yärakuypaq karmi yachayta qomansi.

Salmo 19:8

8 (9) Tayta Diospa yachasikuyninkuna ali karmi shonqunsita kushikasin. Tayta Diospa mandamientunkuna püru karmi shakyäsimansi.

Salmo 51:6

6 (8) Jusalikushqanta reconöcikuqtaqa qam kuyankimi. Jusalikushqäta qammi shonqücho tantiyasimanki.

Salmo 94:10

Juklä nacionkunacho taqkunatapis castigaykarqa ¿manasuraq qamkunatapis castigayäshunki? Runakunata yachasinanpaq lapantapis musyaykarqa ¿manasuraq rurayashqaykitapis musyan?

Éxodo 31:3

Bezaleelman Espïritüta kachamurmi habilidäta qoshkä. Saymi ima ruraytapis shumaq yachan.

Proverbios 6:23

Yäsikuykunaqa sariraykaq mechëruno y yachasikuykunaqa aksinömi kaykan. Tantiyasikuykuna y anyapäkuykunaqa ali kawaymanmi apan.

Eclesiastés 2:26

Kuyashqan kaqtami Tayta Dios yanapan tantiyakuq, yachaq y kushish kawananpaq. Jusalikur kawaq runatami isanqa kachariykun. Saymi say runa arun Tayta Dios munashqanno kawaq runa provichanalanpaq. Mayjina arurpis wayrata sariyta munaqnölami kaykan.

Isaías 54:13

<

Isaías 8:20

¡Tayta Diospa leyninkuna y yachasikuyninkuna imata nishqantapis yarpäyay! Runakuna niyäshushqaykiman Tayta Dios nishqankuna mana tinkuptinmi musyayanki say nishuqnikikuna imatapis mana tantiyaq kaykäyashqanta.

Daniel 1:17

Say chuskun maqtakunata Tayta Dios yachayta qormi yanaparqan Babilonia runakuna qelqayashqan röllukunata liyiyänanpaq y yachasishqankunata shumaq yachakuyänanpaq. Saynöpis Danielta yanaparqan pipis revelación chaskishqanta tantiyananpaq y runakuna imapaq sueñuyashqantapis musyananpaq.

Daniel 2:21

Qammi kamakäsinki ima päsananpaq kaqtapis. Tiempukunatapis qammi kamakäsinki. Reykunatapis churanki y trukasinki. Yachaqkunatapis mas yachayta qonki. Tantiyakuqkunatapis mas tantiyasinki.

Daniel 2:23

Unay ayllükuna adorayashqan Tayta Dios, qamtami agradëcikur alabä. Manakushqäta wiyamarmi yachayta qomashpayki shumaq tantiyasimashkanki rey Nabucodonosor imata sueñushqantapis>>.

Lucas 21:15

Noqami tantiyasishayki imata niyänaykipaqpis. Saymi chikiyäshuqnikikunapis ima niytapis kamäpakuyanqasu.

Juan 6:45

Profëtakuna qelqayashqanchöpis kaynömi nikan: . Say nishqannölami Tayta Dios tantiyasishqanta chaskikuq kaqkunaqa lapanpis chaskikayäman.

Santiago 1:17

Lapan alikunata chaskiyashqaykiqa asikyaqkunata kamaq Taytansipitami kaykan. Payqa manami lantuy päsaqnösu, sinöqa imaypis kashlanmi kaykan.

Santiago 1:5

Mayqaykipis Tayta Dios munashqanno kawayta mana kamäpakurqa tantiyasishunaykipaq payta manakuyay. Manakuyaptikiqa tantiyasiyäshunkimi. Manakuq kaqtaqa imaypis yanapanmi.