Proverbios 17:2 - Tayta Diospa Wilakuynin

² Tantiyakuq ashmaytami patronnin churan mana cäsukuq surinta rikananpaq. Say ashmaymi patronninpa surinkunawan herenciata rakipänakuyanqa.

Proverbios 17:2 ပူးပေါင်းရင်းမြစ်များ

Proverbios 10:5

Usya wisan pirwakuq runaqa tantiyakuqmi kaykan. Cosëcha wisan punukuq runami isanqa penqaypaq kaykan.

Proverbios 11:29

Mana tantiyakuq runa ayllunkunata inkaraptinmi jaqayar aywakuyan. Saymi kikilan rikakur tantiyakuq runapa ashmaynin rikakun.

Proverbios 14:35

Ashmaynin cäsukuq kaptinqa rey kuyanmi. Mana cäsukuptinmi isanqa rabyanan.

Proverbios 17:1

Ali alilata mikurpis chikinakur kawashqanpitaqa mas ali kaykan yakuta upularpis kuyanakur kawashqanmi.

Proverbios 17:3

Rasunpaypa qori kashqanta y qellay kashqanta musyananpaq ninawanmi sulusin. Saynölami runapa yarpaynin ali kashqanta o mana ali kashqantapis musyananpaq Tayta Dios pruëbaman churan.

Proverbios 19:26

Taytanta suwapaq runapaqa manami penqakuyninpis kansu. Mamanta wayinpita qarquq runapaqa manami yawarninpis kansu.

Proverbios 29:15

Wamraqa astaptinraqmi tantiyakuq kayta yachakun. Awilan ashmash wamraqa mamanta penqaymanmi churan.

Eclesiastés 4:13

Mana tantiyakuq y yäsishqanta mana chaskikuq awkin reypitaqa tantiyakuq maqtami pobrila karpis mas ali kaykan.