Proverbios 15:2 - Tayta Diospa Wilakuynin

² Tantiyakuq runa parlaptinqa wiyaqkuna shumaqmi yachakuyan. Mana tantiyakuq runaqa shimin tarishqantami imatapis lutala parlan.

Proverbios 15:2 ပူးပေါင်းရင်းမြစ်များ

Salmo 45:1

1 (2) Kuyaylapaq versumi shonqücho kaykan. Say versuwanmi reyta kushish cantapäshaq. Akrashnin versukunatami payta versupäshaq.

Salmo 59:7

7 (8) Rabyarmi poqushaytapis aqtuyanraq. Mana wiyashqaykita yarparmi ayaq shiminpa runa mayintapis ashlirqäriyan.

Proverbios 12:23

Tantiyakuq runaqa yachaq kashqanta manami sumäsinsu. Mana tantiyakuq runami isanqa lutanta rurarirpis sumäsikun.

Proverbios 13:16

Tantiyakuq runaqa shumaq yarpachakuskirmi imatapis ruran. Mana tantiyakuq runaqa lutanta ruraskirpis gälatukunmi.

Proverbios 15:23

Tapukushqanta shumaq tantiyasirqa kushikunmi. Tiempulancho yäsishqanqa alimi kaykan.

Proverbios 15:28

Ali runaqa shumaqraqmi yarpachakun imata ninanpaqpis. Yaqa runami isanqa shimin tarishqanta imatapis parlan.

Proverbios 15:7

Tantiyakuq runaqa pïmaytapis ali kaqkunatami tantiyasin. Mana tantiyakuq runaqa ali kaqkunata tantiyasinanpaq manami yarpaylapis yarpansu.

Proverbios 16:23

Tantiyakuq runaqa shumaq tantiyakuykurmi parlan. Pay yäsishqantaqa runakuna chaskikuyanmi.

Proverbios 5:2

Saynöpami shumaq tantiyakuykur imatapis parlankipaq.

Eclesiastés 10:14

Payqa manami imaypis upälakunsu. Waray warantinkuna ima päsananpaq kashqantapis mana musyaykarqa ¿piraq musyanman wanukuptin ima päsananpaq kashqantapis?

Eclesiastés 5:3

3 (2) Aläpa yarpachakuqkuna mana alitami sueñupäkuyan. Saynölami aläpa parlaqkunapis manakaqkunata parlayan.

Isaías 50:4

Tayta Diosmi yachasimash lakish kaykaqkunata shakyäsir kushikasinäpaq. Pay nimashqanta tantiyakunäpaqmi cada tuta riyasiman.