Proverbios 10:3 - Tayta Diospa Wilakuynin

³ Ali runataqa muchuycho mana kananpaq Tayta Diosmi yanapan. Fiyu runatami isanqa munashqanta tarinanpaqpis yanapansu.

Proverbios 10:3 ပူးပေါင်းရင်းမြစ်များ

Job 15:23

Wanuptin wiskurkunami mikuyanqa. Wanuypitaqa manami qeshpiyanqasu.

Job 20:28

Saynöpis Tayta Dios fiyupa rabyashpanmi castiganqa. Bunyaypa bunyar loqla aywashpan imaykatapis apar ushashqannömi say runapa wayinkunatapis y imaykankunatapis ushakäsinqa.

Job 5:20

Muchuy chämuptinpis mikanaypita mana wanunaykipaqmi yanapäshunki. Guërra kaptinpis espädawan mana wanusiyäshunaykipaqmi sapäshunki.

Salmo 10:14

Qam rikaykankimi pasaypa mana alikunata rurayashqanta. Paykunataqa rurayashqanman tupu castigaykulay. Pïninpis mana kaqkunaqa qammanmi yärakaykäyämun. Waksakunapa yanapaqninmi qam kaykanki.

Salmo 112:10

Sayta rikarmi yaqa runaqa payta chikin. Rabyashpan kiruntapis uchunraqmi. Lutanta rurananpaq yarpachakushqankunaqa manami kamakanqasu.

Salmo 33:19

Paykunatami wanuypita salvan. Muchuy kaptinpis mikuyta kamaripan.

Salmo 37:19

Nakay wisanpis alimi kawayanqa. Muchuy kaptinpis mikuynin pusuy pusuymi kanqa.

Salmo 37:25

Wamra kashqäpita awkinyashqäyaq manami imaypis rikashkäsu ali runa muchuycho kaykaqta. Saynöpis manami rikashkäsu wamrankuna manakur puriykäyaqta.

Salmo 37:3

Tayta Diosman yärakur alikunata ruray. Kay pasacho kawashqaykiyaq pay munashqanno kaway.

Proverbios 13:25

Ali runapa wayinchöqa mikuynin pusuy pusuymi. Yaqa runapa wayinchömi isanqa wayrala tumaykan.

Proverbios 14:32

Yaqa runaqa lutankunata rurashqanpitami mana ali kawan. Ali runami isanqa alita rurashqanpita jawkala kawan.

Proverbios 28:25

Imaykapaqpis wachakash runaqa piwanpis rimanakularmi kawan. Tayta Diosman yärakuqkunami isanqa imaykayuqmi rikakuyan.

Proverbios 28:9

Tayta Diospa leyninkunata mana cäsukuq runataqa manakushqantapis Tayta Dios manami chaskinqasu.

Isaías 33:16

Sayno kawaq runaqa kay pasacho alimi kawanqa. Qaqacho rurash wayiman amparakuqnömi kanqa. Say runataqa manami imapis päsanqasu. Paypaqa mikuyninpis ni yakunpis manami pishinqasu.

Sofonías 1:18

Tayta Dios juzganan junaqqa manami qellayninkunapis ni qorinkunapis runakunata salvanqasu. Paymi fiyupa rabyashpan kay nacionta chipyaq ushakäsinqa. Elaqpitami kay nacioncho taqkunata lapanta ushakäsinqa.

Lucas 12:31

Saypa trukanqa Tayta Dios mandaykashqancho kawayänaykipaq yarpachakuyay. Sayno kawayaptikiqa imata munayashqaykitapis kamaripäyäshunkimi.