Oseas 4:3 - Tayta Diospa Wilakuynin

³ Sayno kayaptikimi Israelcho taqkuna fiyupa lakikuywan ima ruraytapis kamäpakuyansu. Jirka uywakunapis, pishqukunapis y pescädukunapis wanurmi ushakaykäyan>>.

Oseas 4:3 ပူးပေါင်းရင်းမြစ်များ

Isaías 33:9

Pasaypa lakikuywan kay pasapis ansami kaykan. Líbano muntipis penqakuywanmi sakiykan. Sarón pampapis sunyaq jirka japuymi rikakuyash. Basán jirkawan Carmelo jirkapis qarayashqami kaykäyan.

Jeremías 12:4

Say runakuna yarpäyan imata rurayashqantapis mana rikashqaykitami. Sayno yarpäyaptinpis jusalikuyashqanpitami alpapis jachakunapis sakish kaykäyan. Uywakunapis pishqukunapis wanuykäyan. ¡Imayyaqraq sayno kayanqa!

Jeremías 23:10

Kay nacionchöqa saysikami runakuna adulteriucho kaykäyan. Mana alikunataqa ashak ashakmi rurayan. Mana kuyapaypami runa mayinta nakasiyan. Saymi kay naciontapis Tayta Dios maldicionash. Maldicionaptinmi pasapis sakikäkush. Jirkakunacho qewakunapis qashrurushqami kaykäyan.

Jeremías 4:25

Rikachakur manami pï runatapis rikashkäsu. Pishqukunapis lapanmi aywakuyash.

Jeremías 9:10

10 (9) ¡Jirkakunapaq ataypa atarmi waqashaq! ¡Chakracho qewakunapaqpis waqay waqaytami cantashaq! Chipyaq rupasiyaptinmi say uraypa pipis purinqanasu. Törukuna büyashqanpis manami wiyakanqanasu. Pishqukunapis y jirka uywakunapis qeshpirmi aywakuyanqa.

Jeremías 9:9

9 (8) Sayno kayashqanta rikaykarqa ¿manasuraq castigäman? Say niraq runakunaqa makïta apayanqaraqmi. Noqa Tayta Diosmi sayno nï>>.

Ezequiel 38:20

Pescädukunapis, pishqukunapis, munti uywakunapis, lätaypa puriqkunapis y runakunapis fiyupa mansarirmi suksukyäyanqa. Jirkakunapis juchunqami, qaqakunapis kuchpakäyanqami y marka murällakunapis juchurmi ushakäyanqa.

Joel 1:18

Qewata maychöpis mana tarirmi wäkakunapis pasaypa kuyapaypaq waqaykäyan. Saynölami uyshakunapis cabrakunapis wanur ushakaykäyan.

Amós 1:2

Wilakurmi Amós nirqan: <>.

Amós 5:16

Munayyuq y lapanta mandaq Tayta Diosmi nin: <

Amós 8:8

Jusalikuyashqaykipita ¿manasuraq kay pasapis suksukyanqa? Nilo mayu jakar bötiypa bötirraq aywashqannömi kay pasapis seqaypa kuyunqa. Mana kuyapaypa castigaptïmi intëru Israelcho runakunapis pasaypa waqayanqa>>.

Nahum 1:4

Olqüpaptinqa lamarpis y mayukunapis sakikäkuyanmi. Basán particho y Carmelo jirkacho kaqkunapis sakikäkuyanmi. Líbanucho kaykaq waytakunapis wanutäyanmi.

Sofonías 1:3

Runakunatapis uywakunatapis lapantami ushakäsishaq. Pishqukunatapis lamarcho pescädukunatapis lapantami ushakäsishaq. Mana cäsukamaq runakunatapis chipyaqmi ushakäsishaq. Kay pasacho lapan runakunatami ushakäsishaq>>. Tayta Diosmi sayno nin.

Zacarías 5:4

Lapanta mandaq Tayta Diosmi nin: >>.