Oseas 1:1 - Tayta Diospa Wilakuynin

¹ Kaychömi qelqaraykan Tayta Diospa wilakuyninta Beeripa surin Oseas wilakushqan. Judá nacioncho Uzías rey kaykänan wisanmi Oseas wilakurqan. Saynölami wilakurqan Jotam rey kaykänan wisan, Acaz rey kaykänan wisan y Ezequías rey kaykänan wisanpis. Israel nacionchönami Joáspa surin Jeroboam rey kaykarqan.

Oseas 1:1 ပူးပေါင်းရင်းမြစ်များ

2 Reyes 13:13

Joás wanuykuptinnami Israel nacionpa mandaqnin rey pamparashqan Samaria markaman pampayarqan. Paypa trukannami surin Jeroboamna yaykurqan rey kananpaq.

2 Reyes 14:16

Joás wanuykuptinnami Israel nacionpa mandaqnin reykuna pamparäyashqan Samaria markaman pampayarqan. Paypa trukannami surin Jeroboamna rey karqan.

2 Reyes 14:23

Judá nacioncho kaq Joáspa surin Amasías chunka pisqa wata rey kaykaptinmi Israel nacioncho kaq Joáspa surin Jeroboam rey kayman yaykurqan. Paymi Samariapita Israel runakunata mandarqan chusku chunka juk (41) wata.

2 Reyes 15:32

Ishkay wata Israel nacioncho Remalíaspa surin Peka rey kaykaptinmi Judá nacioncho Uzíaspa surin Jotam rey kayman yaykurqan.

2 Reyes 15:5

Tayta Dios castigaptinmi Azaríasqa leprawan wanushqanyaq qeshyarqan. Sayno qeshyarmi palaciupita juklächöna taptin surin Jotamna rey karqan.

2 Reyes 15:7

Azarías wanuykuptinnami Davidpa Markancho unay ayllunkuna pamparaykäyashqanman pampayarqan. Paypa trukannami surin Jotamna rey karqan.

2 Crónicas 27:1

Mandayta qalaykushqan wisan Jotamqa ishkay chunka pisqa (25) watayuqmi kaykarqan. Payqa chunka soqta watami Jerusalénpita mandarqan. Mamanmi karqan Sadocpa surin Jerusa.

2 Crónicas 28:1

Mandayta qalaykushqan wisan Acazqa ishkay chunka (20) watayuqmi kaykarqan. Payqa chunka soqta watami Jerusalénpita mandarqan. Acazqa manami unay ayllun Davidnösu Tayta Dios munashqanta rurarqan.

2 Crónicas 29:33

Saycho lapan rupasiyashqan uywakuna kayarqan soqta pachak (600) turïtukuna y kimsa waranqa (3,000) uyshakunami.

Isaías 1:1

Kaychömi qelqaraykan Judá nacioncho y capitalnin Jerusaléncho taykaq runakunapaq Amozpa surin Isaíasta Tayta Dios revelashqan. Saykunata Tayta Dios revelarqan Judá nacioncho Uzías, Jotam, Acaz y Ezequías rey kayashqan wisanmi.

Isaías 7:1

Jotampa surin y Uzíaspa wilkan Acaz Judá nacionpa mandaqnin rey kaykaptinmi Siria nacionpa mandaqnin rey Rezínwan Israel nacionpa mandaqnin rey Peka soldädunkunawan aywayarqan Jerusalénta atacayänanpaq. Peka karqan Remalíaspa surinmi. Chaykur mayjina atacarpis manami vinciyta kamäpakuyarqansu. Kaychömi qelqaraykan manaraq atacayaptin imano kashqanpis.

Jeremías 1:2

Amónpa surin Josías chunka kimsa watana Judá nacionpa mandaqnin rey kaykaptinmi Jeremíasta Tayta Dios revelarqan wilakuyninta wilakunanpaq.

Jeremías 1:4

Tayta Diosmi nimarqan:

Ezequiel 1:3

Buzipa surin cüra Ezequielta Tayta Dios parlaparqan. Say karqan caldeo runakuna täyashqan Babilonia nacioncho Quebar mayu kuchunchömi.)

Joel 1:1

Tayta Dios revelashqantami Petuelpa surin Joel wilakur nirqan:

Amós 1:1

Kay libruchömi qelqaraykan Amós wilakushqan. Payqa Tecoa markacho taq uysha misiq runami karqan. Amós wilakushqan wisanmi Judá nacioncho Uzías rey kaykarqan y Israel nacionchönami Joáspa surin Jeroboam rey kaykarqan. Amós wilakushqanpita ishkay wata päsarkuptinraqmi fiyupa temblor karqan.

Jonás 1:1

Amitaipa surin Jonástami Tayta Dios nirqan:

Miqueas 1:1

Moreset markacho taq Miqueastami Tayta Dios revelacionkunacho rikasirqan Samaria markata y Jerusalén markata ima päsananpaq kashqantapis. Sayno rikasirqan Judá nacioncho Jotam rey kaykänan wisan, Acaz rey kaykänan wisan y Ezequías rey kaykänan wisanmi.

Zacarías 1:1

Rey Darío juk wata puwaq killana mandaq kaykänan wisanmi noqa profëta Zacaríasta Tayta Dios parlapämarqan. Noqa kaykä Berequíaspa surin y Iddupa wilkanmi.

Juan 10:35

Tayta Diospa palabran nishqankunaqa rasun kaqlami kaykan. Unay runakunata tantiyasir Tayta Dios sayno nikaptinqa

Romanos 9:25

Profëta Oseas qelqashqanchöpis kaynömi nikan: <>.

2 Pedro 1:21

Tayta Diospa profëtankuna manami imaypis kikinkunapa yarpaylanpitasu qelqayarqan, sinöqa Espíritu Santu tantiyasiptinmi Tayta Diospa yarpayninta qelqayarqan.