Números 9:15 - Tayta Diospa Wilakuynin

¹⁵ Pactu Tolduta sharkasiyaptinmi pukutay sapakurkurqan. Pasa sakashqanpita pasa warashqanyaqmi say toldu janancho ninano asikyarqan.

Números 9:15 ပူးပေါင်းရင်းမြစ်များ

Nehemías 9:12

Israel runakunata junaqpaqa ichiraykaq pukutaywanmi pushamurqayki. Sakaypanami rupaykaq ninawan asikyaparqayki. Saynöpami maypa aywayänanpaqpis tantiyasirqayki.

Nehemías 9:19

kuyapäkuq kashpaykimi sunyaq jirkacho kachaykurqaykisu. Saymi munashqaykipa aywayänanpaq ichiraykaq pukutaywan junaqpa pushamurqayki. Sakaypapis ichiraykaq ninawanmi asikyaparqayki.

Salmo 105:39

Israel runakunata lantupänanpaqmi pukutayta Tayta Dios kamariparqan. Sakaypa aksipänanpaqnami waruruyparaq rupaykaq ninata puestuparqan.

Salmo 78:14

Junaqpami pukutaywan pusharqan. Sakaypanami rupaykaq ninawan pusharqan.

Éxodo 13:21

Israel runakunata pushashpanmi junaqpa ichiraykaq pukutaycho Tayta Dios aywarqan. Sakaypanami asikyapänanpaq ichiraykaq ninacho aywarqan. Saynöpami sakaypapis junaqpapis Israel runakuna aywayarqan.

Éxodo 13:22

Junaqpaqa ichiraykaq pukutaymi paykunapa puntanta imaypis aywaq. Sakaypanami ichiraykaq ninana mana upiypa asikyapaq.

Éxodo 14:24

Pasa manaraq waraptin pukutaypita y nina ichiraykaqpita Tayta Dios pantakäsiptin Egipto soldädukuna ima ruraytapis kamäpakuyarqansu.

Éxodo 40:2

<

Éxodo 40:34

Tinkuna Sagrädu Tolduta Moisés ichirkasiptinmi pukutay sapakurkuptin kikin Tayta Dios sayman charqan.

Éxodo 40:35

Pukutay sapakurkuptinmi Moisés yaykuyta kamäpakurqansu.

Éxodo 40:38

Junaqpanami Sagrädu Toldu janancho pukutay qenqiraq. Sakaypanami Sagrädu Toldu janancho nina rataraq. Saytaqa lapan Israel runakunami rikayarqan. Pukutaypis ninapis sayno karqan Israel runakuna sunyaq jirkapa purir Canaánman chäyashqanyaqmi.

Isaías 4:5

Nirkurmi yana pukutayta yurisimur Sión lömata y saycho shuntaraykaq runakunata lantupanqa. Say pukutaymi jatun toldu mashtaraykaqno paykunata lantupanqa. Sakaypanami fiyupa asikyaykaq ninata yurisimunqa. Say jananchömi Tayta Diospa chipipiynin rikakämunqa.

Números 10:34

Campamentupita yarquyashqanpitami Tayta Dios kachamushqan pukutay cada junaq paykunapa jananpa aywarqan.

Números 14:14

Egipto runakuna musyaykur Canaáncho taq runakunatami wilayanqa. Cananeo runakunapis musyayanmi noqakunawan kaykashqaykita. Saynöpis musyayanmi yuripaykamar parlapämashqaykita, ichiraykaq pukutaycho puntäkunata junaqpa aywashqaykita y ichiraykaq nina rupaykaqcho sakaypa aywashqaykita.

Números 17:7

7 (22) Say tukrukunatami Moisés churarqan Pactu Toldu rurinman Tayta Diospa nawpancho kananpaq.

1 Corintios 10:1

Wawqi panikuna, musyayankimi unay yärakuq mayinsikunata ima päsashqantapis. Paykunaqa pukutay rurilantami aywayarqan y Puka Lamartapis päsayarqanmi.

Deuteronomio 1:33

Paymi nawpansita aywashpan mayman chänansipaq y maycho campamentuta ruranansipaqpis tantiyasimarqansi. Sakaypa nina rupaykaqwan y junaqpana pukutaywanmi maypa shamunansipaqpis pushamarqansi.