Números 8:22 - Tayta Diospa Wilakuynin

²² Sayno dedicarkuptinnami levitakuna Aarónta y surinkunata Tinkuna Toldu patiucho yanapayta qalaykuyarqan. Moisésta Tayta Dios nishqannölami levitakunata dedicar lapanta rurarqan.

Números 8:22 ပူးပေါင်းရင်းမြစ်များ

2 Crónicas 30:27

Fiesta ushaynami cürakuna y levitakuna ichirkur Tayta Diosta manakuyarqan runakunata bendicionta qonanpaq. Sayno manakuyaptinmi tashqan jana pasapita pasa Israel runakunata Tayta Dios bendicionninta qorqan.

2 Crónicas 31:2

Saypitanami rey Ezequíasqa cürakunata y levitakunata churarqan habilidänin kashqanman tupu trukanakuypa templucho aruyänanpaq. Paykunapitami wakinta churarqan sacrificiuta rupasiyänanpaq y wakintana churarqan jawka kawakuy sacrificiuta rupasiyänanpaq. Saynölami wakinta churarqan Tayta Diosta agradëcikur alabayänanpaq y wakintana churarqan templu punkucho täpakuyänanpaq.

Éxodo 12:50

Saymi Israel runakuna lapanta rurayarqan Moiséstawan Aarónta Tayta Dios nishqannöla.

Números 1:50

Paykunata churanki Pactu Tolduta y saycho kaq manëjukunatapis shumaq rikayänanpaq. Maypa aywayaptikipis Sagrädu Tolduta y lapan manëjunkunata paykunalami apayanqa. Saynöpis Sagrädu Toldu nawpanpa jiruruypami toldunkunata sharkasiyanqa.

Números 8:15

Purificash y dedicash karnami paykuna libri kayanqa Tinkuna Tolducho imapis ruraypaq kaqkunata rurayänanpaq.

Números 8:21

Saymi levitakuna purificakur armakuyarqan y mödanankunatapis taqshakuyarqan. Saypitanami makinta joqarir Tayta Diospaq paykunata Aarón dedicarqan. Nirkurnami purificasina sacrificiuta rupasirqan purificash kayänanpaq.

Números 8:23

Saypitami Moisésta Tayta Dios nirqan: