Números 7:89 - Tayta Diospa Wilakuynin

⁸⁹ Tayta Dioswan parlananpaq Tinkuna Tolduman yaykurmi Pactu Babulcho kaykaq ishkay querubinkuna chawpinpita Tayta Dios parlamuqta Moisés wiyarqan. Say querubinkunaqa babulpa sapanan jananchömi kaykäyarqan. Saychömi Moiséswan Tayta Dios parlayarqan.

Números 7:89 ပူးပေါင်းရင်းမြစ်များ

1 Reyes 6:23

Nirkurmi olïvu qerupita ishkay querubinkunata rurasirqan Lugar Santïsimuman ichisinanpaq. Say cada querubinkunapa altuyninmi karqan chusku metru pulan.

Salmo 80:1

1 (2) Israel runakunapa misiqnin Tayta Dios, wiyaykayälämay. Uysha misiqnömi Josépita miraqkunata ali rikaykanki. Querubinkuna chawpincho jamarashqaykipita pasa wiyaykayälämay.

Salmo 99:1

¡Tayta Diosmi mandamaqninsi rey kaykan! Querubinkunapa chawpinchömi trönunpis kaykan. Juzgaptin kay pasapis y lapan runakunapis suksukyäyanqami.

Éxodo 40:34

Tinkuna Sagrädu Tolduta Moisés ichirkasiptinmi pukutay sapakurkuptin kikin Tayta Dios sayman charqan.

Éxodo 40:35

Pukutay sapakurkuptinmi Moisés yaykuyta kamäpakurqansu.

Levítico 1:1

Tayta Diosmi Tinkuna Toldupita qayaykur Moisésta nirqan:

Números 1:1

Israel runakuna Egiptupita yarqayämushqan juk wata y juk killa päsarkuptinmi Sinaí sunyaq jirkacho kaykäyarqan. Say junaqmi Tinkuna Tolducho parlapar Moisésta Tayta Dios nirqan:

Números 11:17

Saymanmi shamushaq qamwan parlanäpaq. Nirkurmi Israel runakunata pushäsiyäshunaykipaq qamcho kaykaq Espïrituta paykunatapis qoshaq. Kananpitaqa mananami japalaykinasu pushanki.

Números 12:8

Paytaqa mana tumasipaylapami parlapä. Kikïtami rikaman. Sayno kaykaptinqa ¿imanirtaq washanta rimaykäyanki?>>

Números 8:1

Saypitami Moisésta Tayta Dios nirqan:

Hebreos 4:16

Imaypis yanapämänansipaq kaykaptinqa kuyapäkuq Tayta Diosta mana mansapaypa manakushun. Payta manakurqa trönuncho paywan parlaykaqnömi kaykansi. Tayta Diosta manakushqaqa ima nakaycho kashqapis paymi kuyapämashpansi yanapämäshun.

1 Pedro 1:12

Profëtakunatami Espíritu Santu tantiyasirqan paykuna kawayashqan wisan shamunanpa trukanqa shamuq watakunachöraq shamunanpaq kashqanta. Jesucristo shamushna kaptinmi kananqa jana pasapita shamuq Espíritu Santupa munayninwan Jesucristupa ali wilakuyninta wilakuykäyan. Jesucristo noqansi rayku wanur salvamashqansitami angilkunapis imanöpapis tantiyayta munaykäyan.

1 Samuel 4:4

Saymi runakunata kachayarqan lapanta mandaq Tayta Diospa Pactu Babulninta Silupita apayämunanpaq. Babul janancho kaq ishkay querubín chawpinchömi Tayta Diospa trönun kaykan. Pactu Babulta apayämuptinmi Elípa surinkuna Ofniwan Fineespis aywayarqan.