Números 6:20 - Tayta Diospa Wilakuynin

²⁰ Saykunata nazareo runapita yapay shuntarkurnami Tayta Diospa nawpancho joqarkur wakman kayman kuyusinqa. Saypitanami sagrädu kar cürapaq kanqa. Saynöpis cürapaq kanqa Tayta Diospa nawpancho wakman kayman kuyusishqan qasqunwan aluq kaq chankanpis. Saypitaqa nazareo runa vïnuta upunmannami.

Números 6:20 ပူးပေါင်းရင်းမြစ်များ

Eclesiastés 9:7

Sayno kaykaptinqa kawashqaykiyaq mikuyta kushish mikunki y vïnuta kushish upunki. Sayno rurashqaykiqa Tayta Diospa shonqunpaqnömi kaykan.

Isaías 25:6

Sión lömachömi lapanta mandaq Tayta Dios maysay nación runakunapaq banquëtita rurasinqa. Say banquëtichömi kanqa ali mikuy y ali vïnupis. Maypis mikukuy munaymi mikuypis y maypis upukuy munaymi vïnupis kanqa.

Isaías 35:10

Tayta Dios salvashqan runakunami say nänipa Jerusalénman kutiyämunqa. Kushish cantaraykarmi Siónman yaykayämunqa. Saychömi imaypis kushishla kawayanqa. Kushish ali kawayaptinmi lakikuypis ni waqaypis kanqanasu.

Levítico 10:15

Manaraq mikurmi say aluq kaq chankanta Tayta Diospaq rakinki y qasquntana paypa nawpancho ishkan makikiwan joqarkur wakman kayman kuyusinki. Saynöpis pishtashqayki uywapa wirantapis rupasinki. Tayta Dios nishqannömi qamkunapa y qamkunapita miraq cürakunapa derëchun imayyaqpis kanqa>>.

Levítico 23:11

Tayta Dios chaskinanpaqmi jamay junaqpita waraynin junaq ishkan makinwan joqarkur Tayta Diospa nawpancho wakman kayman cüra kuyusinqa.

Levítico 7:30

Uywata apamuq runami Tayta Diospa nawpancho uywapa qasqunta y qasquncho kaykaq wiranta joqarkur wakman kayman kuyusinqa.

Levítico 7:31

Kuyuskasir makyaykuptinmi cürana wiran kaqta altarcho rupasinqa. Uywapa qasqunmi isanqa Aarón y paypita miraq cürakuna mikuyänanpaq kanqa.

Levítico 7:32

Saynölami jawka kawakuy sacrificiupaq apamushqan uywapa aluq kaq chankanpis cürapaq kanqa.

Levítico 7:34

Israel runakuna uywakunata jawka kawakuy sacrificiupaq apayämushqanpita kuyusishqan qasqunta y aluq kaq chankanta Aarónpaq y paypita miraq cürakunapaqmi rakishkä. Say nishqäkunaqa imayyaqpis leymi qamkunapaq kanqa.

Levítico 9:21

Qasqunkunata y aluq kaq chankantanami Moisésta Tayta Dios nishqannöla joqarkur wakman kayman kuyusirqan.

Zacarías 10:7

Efraín runakunaqa ali chölulantaqmi kayanqa. Vïnuta upurkur kushikuqnömi kushish kawayanqa. Kushish kaykaqta rikarmi surinkunapis kushikuyanqa. Yanapashqäpita kushikurmi alabayämanqa.

Zacarías 9:15

Kuyashqan runakunata lapanta mandaq Tayta Diosmi sapanqa. Sapaptinmi contrankuna warakarpis chäsiyanqasu. Saymi kuyashqan runakuna kushikuyashpan shinkash runakunanöraq büllata rurayanqa. Chikiqninkunata wanusirmi yawarninwan ushmash kayanqa. Sacrificiupaq shuntashqan yawar tazoncho junta winaraykaqno y altarpa waqrankunacho yawar pichuraykaqnömi chikiqninkunapa yawarninwan pichush kayanqa.

Zacarías 9:17

Täyashqan nacionmi maypis täkuypaq y kuyaylapaq kanqa. Trïgupis y mushuq vïnupis askami kanqa. Saychömi olqu wamrakunapis y warmi wamrakunapis kuyaylapaq shakshäyanqa.

Números 18:18

Say uywakunapa aysanpis qampaqmi kanqa. Nawpächo joqarkur wakman kayman kuyusishqayki uywapa aluq kaq chankanwan qasqunpis qampaqmi kanqa.

Números 5:25

Yakuta chaskirkurmi qowan celösu kashqanpita apamushqan saki mikuy ofrendata cürata entreganqa. Saytami Tayta Diospa nawpancho joqarkur wakman kayman kuyurkasir cüraqa altarman churanqa.

Números 6:21

<< >>.

Mateo 26:29

Noqa kaynömi nï: Taytä mandashqancho qamkunawan mushuq vïnuta upushqansiyaq manami vïnuta yapay upushaqnasu>>.

Marcos 14:25

Rasunpami nï: Tayta Dios mandaykashqancho mushuq vïnuta upushqäyaq manami vïnuta yapay upushaqnasu>>.

Juan 19:30

Say vïnuta yawarkurmi Jesús nirqan: <>. Sayno niskirnami päsarpurqan.