Números 33:3 - Tayta Diospa Wilakuynin

³ Wata qalaykuq killa chunka pisqa junaqmi Rameséspita Israel runakuna yarquyarqan. Say junaq karqan Pascua mikuyta mikuyashqan warayninmi. Tayta Dios yanapaptinmi paykuna aywakuyarqan lapan Egipto runakuna rikaykäyaptin.

Números 33:3 ပူးပေါင်းရင်းမြစ်များ

Génesis 47:11

Saypita Faraón nishqannölami papäninta y wawqinkunata José rikasirqan Egiptucho mas alinnin kaq partita saycho täyänanpaq. Saynöpami papäninpis wawqinkunapis chakrayuq kayarqan Ramesés particho.

Salmo 105:38

Egipto runakuna selläma mansakash kaykäyashqanchömi aywakuyaptinqa kushikuyarqan.

Éxodo 1:11

Sayno wilanakuskirmi capatazkunata churayarqan Israel runakunata maqa maqarkur arusiyänanpaq. Sayno arusirmi Pitón y Ramesés markakunata sharkasiyarqan. Say markakunachömi Faraónpa mikuy churakunan tröjankuna karqan.

Éxodo 12:2

<

Éxodo 12:37

Ramesés partipita aywakurmi Israel runakuna Sucotmanpa aywayarqan. Egiptupita yarquq runakuna kayarqan soqta pachak waranqanömi (600,000), warmikunata y wamrakunata mana yupaylapa.

Éxodo 13:4

Abib killachömi yarquykansi.

Éxodo 14:8

Sayno qatipäyänanpaqqa Tayta Diosmi Faraónpa shonqunta chukruyäsirqan. Saymi Israel runakuna yarquyänanpaq Egipto runakunata mansariypaq castïgukunawan Tayta Dios castigaykaptinpis mana tantiyakuypa qatipäyarqan.

Isaías 52:12

Manami jananta rurintasu yarquyankipaq. Saynöpis manami sinkaypasu aywayankipaq. Saypa trukanqa kikin Tayta Diosmi jorquyäshushpayki puntaykikunata aywanqa. Qepaykitapis Israel runakunata kuyaq Tayta Diosmi aywanqa.

Miqueas 2:13

Juklä nacioncho kaykäyashqaykipita kikïmi nacionnikiman pushayämushayki. Marka punkupa yarquyaptikipis manami pipis sapäyäshunkisu. Mandaqniki rey karmi puntaykikunata kikï aywashaq>>.

Números 33:2

Tayta Dios nishqannölami Moisés qelqarqan yarquyashqan junaqpita pasa mayman mayman chäyashqantapis.